تعالوا اعطيكم من خبرتي

[move=down]تسلمين ياقلبي والسؤال اكيد كل وحدة منا لها طريقة في كيف تيقى ريحة العطر اطول وقت ممكن
ياريت اعرف طريقتج وهل تفضلين نوع معين للدخون مع التعطير[/move]

هلا اختي ملايين

بخصوص العطور لكل عطر وقته وموسمه والعطور تصنف لعده اصناف على حسب الجو والعوامل الخارجيه (لان لها تاثير كبير في تركيز العطر)

وبالبنسبه للدخون افضل الدخون اللي يكون معظمه مسك وطبعا ادخن ثيابي وعلى طول احطها في الكبت على اساس ان الريحه ما تنتشر

وسلامتج

تسلمين اختي
ودي اعرف شنهي طريقتج في التطيب للمناسبات الكبيره
والخاصه
لانكم يابنات الامارات ماشاء الله عليكم
ريحتكم تهبل
وثابته
فياليت تعلمينا
وياليت بالاسم
يعني العطر ومن وين
والبخور ومن
وهالشكل
تحياتي لج

كلمه طيبه

اختي اول شي يعتمد على نوعيه الدخون وجوده الصنع

واذا حبيتي اتكونين ورده فواحه في وسط حديقه ( شرايكم بالتشبيه) يعني تمشين وتتبعج الريحه ما عليج الا انج تسوين هالخطوات طبعا انا مجربتنها

* تحطين ثيابج عالمبخره
* و تسوين حمام مكون من ( ماي ورد , وشاور جل من ماركه من العطور المركزه , ونقط من الزيوت العطريه ) تفركين جسمج بليفه ناعمه وبحركات خفيفه عسب اتنشطين الدوره الدمويه واتحفزينها

* وعقبها تحطين بودي لوشن و تعطرين ثيابج بعطر عربي مخلط او عطور فرنسيه مركزه ... انا استخدم اللوشنات مال الشايع


* طبعا الثياب بتكون متشبعه بالدخون تتلبسين وتحطين عود نوعيه ممتازه وتتبخرين فيه

وتوته توته توته خلصت الحدوته ............ وريحتج واصله لاخر الفريج

تسلمين ندى على شرحج
انا اسوي كل هالخطوات
بس حركه ماي الورد مع الشاور جل والعطر المركز
ماعرفها
بجربها
بس انت تخلطينهم مع بعض في الليفه
ولا شلون
واي العطور المركزه اللي تنصحيني بها
ومن وين

مشكورة

مشكوووووووووره يالغلا عالافاده

ولاتحرمينا من نصايحج الحلوه

(f)

بس حبيباتي لا تنسن أنك ما تروحن مكان فيه إختلاط وأنتن متعطرات من كل العطور الحلوة اللي عندكن. ودمتن بخير تراني انا بعد مثلكن أموووووووووووت بشي اسمة عطر وبخور

كلمه طيبه:
تسلمين ندى على شرحج
انا اسوي كل هالخطوات
بس حركه ماي الورد مع الشاور جل والعطر المركز
ماعرفها
بجربها
بس انت تخلطينهم مع بعض في الليفه
ولا شلون
واي العطور المركزه اللي تنصحيني بها
ومن وين

تحطين ماي ورد كوب واحد فالبانيو مع الزيوت العطريه والشور جل عالليفه

وبخصوص العطور انصحج انج تاخذين من بودي شوب او هارفي نيكلز

تحياتي لج

عنودى البحرين العفو الغاليه

lora18 تسلمين الغلا وهذا كله لعيونكم

ريحانة القلوب اكيد الغاليه محد ينسى هالشي وتسلمين عالتنبيه

مشكوووره اختي عالافاده
ويعطيج العافيه

تسلمين اختي على التوضيح
وعساج على القوه

fanfora تسلمين اختي

كلمه طيبه تسلمين الغاليه وان شالله تعيبج طريقتي

مشكوره عزيزتي

فية استفسار اختى بما انك مدمنة عطور يعني تشتري عطورات كثيرة (انا احب اشترى مجموعة كل فترة )
طيب بعد فترة احس ريحتة العطور تخف مو مثل اول وش رايك صح ولا لا