تبين تكونين محور حياه زوجج .. تفضلي

قال رسولنا الكريم
(( لو كنت آمراً احداً ان يسجد لاحد .. لأمرت المرأة ان تسجد لزوجها))

اولا .. حطي قول الرسول هذا في بالج .. ودللي زوجج بمقدار طاعتج لقول الرسول.. يعني قدري قيمه الزوج .. لدرجه السجود
يا اختي .. زوجج هو سترج .. وراعي بيتج.. ما يستحق دلال من زوجته اللي اختارها من بين بنات حواء كلهم..

**قيل لرسول الله .. أي النساء خير قال رسولنا صلوات الله عليه(( التي تسره اذا نظر وتطيعه اذا امر ولا تخالفها في نفسها ولا مالها بما يكره))

ثانيا .. تزيني لزوجك دوما ..مو شرط بالمكياج .. والملابس الفخمه
انتي في بيتج .. يعني تاخذين راحتج .. بس مو لدرجه الاهمال .. اللبس النظيف والرائحه الطيبه .. والشعر غير المنكوش .. كفايه صدقيني

تقلبي اوامر زوجج .. وكأنها طلب.. شوفي صديقتج لو طلبت منج شي .. تردينها ؟؟.. طبعا لا .. شلون زوجج.. اللي تتوجب عليج طاعته

عيشيه ملك زمانه .. وكوني له أمةً يكن لك عبداً

جافظي على ماله .. ولا تسرفين كثيرا .. انا ما اقولج احرمي نفسج من متع الحياه .. بالعكس .. المال والبنون زينه الحياه الدنيا .. الا ان الاعتدال مطلوب

جربي مره انج تتعمدين امام زوجج انج تقتصدين في حاجه .. او مشترى ما .. وقولي جدامه .. (( بو .... انا اشوفك كل يوم تقوم من الصبح .. وتتعب .. عشان هالراتب اللي ينزل اخر الشهر .. وعشان تسعدنا ..قلبي ما يطاوني آخذ شي .. مالنا حاجه فيه)) اول شي بيقوله في خاطره .. فديتها تحافظ على فلوسي وتعبي .. الحمدلله اللي ربي رزقني هالزوجه .. اوعلى الاقل بيسمعج كلمه حلوه تجبر بخاطرج))


قال عليه افضل الصلاه والسلام(( نساؤكم من اهل الجنه .. الودود التي اذا أوذيت أو آذت
اتت زوجها حتى تضع يدها في كفه .. فتقول لا اذوق غمضاً حتى ترضى))

المشاكل لابد منها .. والتجادل في امور الحياه هي ملح لهذه الحياه .. ولكن .. كثره الملح .. تخرب الطبخه .. وكذلك قلته ..
الزبده .>>. احنا ما نقول لا تزعلين من تصرف يسبب الزعل .. او لا تتخذين موقف يبين انج حاطه في خاطرج عليه .. بالعكس ازعلي .. وشيلي في خاطرج .. وتناقشي مع زوجج في الامور اللي ما تريحج .. ولكن .. عليك بالاعتدال.. لا يطول زعلكم .. نهائيا .. اذا كثر كثر .. زعلي الصبح وارضي المسا .. يعني لاتحطين راسج وتنامين الا وزوجج راضي عنج الرضا التام ..

(( والا ابقي صاحيه طول ليلج تراضين فيه ))


واخيرا تقبلوا محبتي .. :salam: .. وربي يسعدكن.. وتكونون محور لحياه ازواجكن

شمعه جلاس قطر:shy: