وينكم محد سأل عني

السلام عليكم خواتي.

صار لي مده من قطعت عنكم بس عشان ظروف الحياه ومشاغلها. لكنكم دايما في بالي.

للي يتذكر مشكلتي انا طلقني اللي ما يتسمى السنه هذي بعد كل اللي سويته عشان اراضيه. وطبعا رمى اللوم علي لاني على قولته عصبيه وما اسمع الكلام.

بس أصلا هو اللي كان مجنني ورافع لي ضغطي. تصرفاته كانت تأكد لي وجود وحده ثانيه بحياته منها اسلوبه اللي تغير. طلعاته لعند اهله اللي ما يرضى ياخذني فيها معاه. ودبلته اللي رماها وما قام يلبسها. واشياء ثانيه تعور القلب لين ذكرتها.

حتى بعد الطلاق كان نذل. وسوى اشياء ما اقدر اذكرها.

المهم جاني خبر أمس أنه خطب. وكان يبي يخطب حتى قبل ما تنتهي العده. وتخيلوا خطب من ؟؟؟ البنت اللي اتصلت فيني من مده تنصحني اني اتركه لانه ما يستاهل ومو كفوا حد يعيش معاه. طبعا البنت مجهوله ولا اعرفها لانها متصله من مكان عام. المهم خطب على رغم انه امه وخواته ما راضيين ولا حتى يعرفوا بالسالفه. ما كان عنده صبر يراضيهم وينتظر اكثر.

ادري المفروض ما ازعل لان هذا أكد لي اني ما لي ذنب باللي صار وأنه خاني ولعب بذيله من وراي. اللي قاهرني الاسلوب الحقير اللي اتبعه وهو والظالمه اللي عنده. هو لو رجال كان قال من زمان ما اريدك. مو يستفزني ويجرحني ويرفض اني اخلف و و و و و.

ما اقول غير حسبي الله ونعم الوكيل.

ادعوا لي ربي يشيل الهم من قلبي وياخذ بحقي منه عاجلا غير آجلا.