هلا الغاليه
شوفس بالنسبه ل
1- احسن كونسيلر انصحج بميك اب فور ايفر الباليت فيه الوان كونسيلر بتستفيدين منهم كلهم لان تعرفين الوجه يوم شاحب ويوم منور ويوم محبب وهكذا كطبيعة الانسان فلازم يكون عندج كل الالوان وهالباليت فيه كل الالوان
اذا تبين تعرفين كيف استخدامه
الكونسيلر تستخدمينه بدرجات البيج لعمل الشدينق والهايلايتنق يعني مثلا تبين تصغرين الخشم او الذقن تستخدمين الغامق في مناطق الظلال اللي تبينها تصغر ، والفاتح في المناطق اللي تبين تبرزينها وتكبرينها
الاخضر على الحبوب الحمراء فقط
2- البيس انصحج من ماك او انا استخدم سماش بوكس ومرتاحه له وروعه في منه الوان
البيس الاخضر : يغطي الاحمرار
البيس البنفسجي : يغطي الاصفرار والشحوب . : يفتح لون البشره .
البيس الزهري : يغطي البهتان خاصه للبشره المائله للبياض .
البيس البرتقالي : يعطي رونق للبشره السمراء.
البيس الاصفر : يستخدم في الاضاءه القويه ويمتص الضوء.
البيس الازرق: يستخدم للبشره الشديدة البياض الباهته .
3- كريم الأساس ميك اب فور ايفر حلو
اذا بشرتج دهنيه خذي هذا oil free يعني خالي من الزيوت ويعطي حماية من الشمس انا ااستخدمه
اذا جافة خذي هذا
4- البودره بعد ميك اب فور ايفر حلو وماك بعد يمدحونه بس انا محربه ميك اب فور ايفر حلو
هذا للبشرة الدهنيه
اما اذا جافه ما انصحج بالبوده لازم تستخدمين بانستيك
5- احسن شدو ثابت خذي الاي شدو من بن ناي او كرايولان روعه
تقدرين تاخذين باليت او كل لون بروحه
6- قلوسات من اي ماركه تنصحوني وارواج ماك ما عليه كلام ولانكوم رووووعه خاصه الي بحط لج صورته فيه لمعه دايمون
7- ماسكار لانكوم طبعا الي بحط لج صورته يطول الرموش روعه
8- براشر للخدود خذي من برجواز حلو وايد
9-اللون اللي يحط تحت الحواجب اعتقد الأضاءه خذي ميك اب فور ايفر اسمه Star Powder اختاري اللون الابيض
ياليت تدعين لي بالصحه والذرية الصالحه
