مـــــشـــــاعر خـــــــــــالـــــــــــــدة......

(((الجزء التاسع )))



بندر: نــــــــــــــــــعم..................سمــــــــــــــــــــــــــا!!!!!!!!!!!!!
سما: ايوة سما واسمع انا جاية اقولك كلمتين..وامشي واتمنى تكون عندك كرامة وتحس بذي الكلمتين.............
بندر: (يقاطعها) سما عيب اللي انتي تسوية ياليت ترجعين البيت.........
سما: (بعصبية قويه) مالك شغل فيني واسمع انا ماابيك يابندر وما ابي اتزوجك انا اكرهك مااحبك........كيف تتزوج انسانة تكرهك؟؟؟
بندر: انت وش تقولين؟؟
سما : اللي سمعت.............وطلعت سما بسرعة من عندة بدون ماتعطية فرصة يرد على كلامها..وهي تبكي بقوة..رجعت للبيت واول مادخلت كان البيت هادي وحست انة الهدوء اللي يسبق العاصفة..طلعت غرفتها......وكملت بكاها بوحدة مخيفــــــــــــــــــه
************************
في بيت ابو خالد كانت مرام ومنال جالسين يشربون القهوة بعد ماجهزوا اغراض العيد( الحلوى..العيديات)
مرام: سما تغيرت كثير صارت ماتتكلم وحزينة بشكل يقطع القلب ودايم لما اجلس اسولف معاها فجأة تسكت واحس انها تبكي..
منال: مسكينة والله انا مقهورة من اللي صار,,شوفي شافي كيف انقلب حالة السواليف والضحك والمزح كلها راحت حتى ذيك الابتسامة اللي كانت مرسومة على وجهه اختفت................صرتي ماتشوفين الا التكشيرة والتعب والارهاق..حتى صار يتأخر..
مرام( نزلت دمعتها) والله حرام يصير كذا والمشكلة انة كلم امي علشان تروح لهم تخطبها..سبحان الله..
وهم يسولفون دخل عليهم بكر واضطروا يغيرون السالفة..بكر: السلام عليكم
البنات:هلا وعليكم السلام.
بكر: ماشاء الله وين امي وابوي وشافي
منال: الوالد والوالدة نايمين......اما شافي باقي مارجع..
مرام: وين المدام مو معاك؟؟
بكر: تركتها بالبيت ..
مرام: امممممممممم غريبة
بكر: يازينك ساكتة.......
وجلس معاهم سواليف ومزح ..........شافي السلام عليكم وهو طالع لغرفتة..
بكر: وين اسهر معانا؟؟
شافي: والله تعبان ومرهق حيل مالي شدة بروح اخذ لي دش وانام..
بكر:متى السفر ان شاء الله؟؟
شافي: طيارتي الساعة 11 الصباح.............يللا تصبحون على خير,,وطلع لغرفتة اول مادخل تذكر سماوصوتها وشكلها اللي تغير كثير.................شافي جلس يبكي حس الدنيا ضاقت فية نفسة يصرخ صرخة قوية......................آآآآآآآه يارب ساعدني..

اما بكر استأذن وطلع..والبنات طلعوا ينامون..
************************************
سما كانت خايفة من ردة فعل اهلها بعد مايعرفون اللي صار بينها وبين بندر..بس في داخلها مبسوطة لان كلامها مستحيل يعدي على بندر وغرورة وكبرياءة...................
في الصباح بدا الناس يعايدون بعض نزلت سما وعايدت اهلها بدري وطلعت غرفتها..كان الكل مجتمعين من بنات وعيال واولادهم .............كانت لمة حلوة ناقصتها البنت المرحة والحبوبة سما كانوا الاولاد فاقدينها لانها دايم تسوي لهم برنامج للعيد العاب وسابقات وهدايا والعاب نارية كانوا يحبونها بشكل خااااااااااااااااااص..
قبل صلاة الظهر اتصل ابو متعب على ابو عبد الكريم..........


شافي كان في هالوقت بالمطار يستعد للسفر كان تعبان وحزين................:sad:

في بيت ابو متعب كانوا مستعدين ام متعب ومتعب وزوجتة واولادة وابتهال وزوجها بس ينتظرون ابو متعب يكمل مكالمتة مع ابو عبد الكريم..اما بندر ماكان موجود كان طالع قبلهم لانه بيروح مشوار بالاول..
********************************
ابو متعب:كيفك يابو عبد الكريم..ومن العايدين
ابو عبد الكريم:هلا والله والفايزين وكل عام وانتم بخير..حياكم الله ترى الغدا عندنا
ابو متعب: مايحتاج عزيمة احنا جاهزين نبي نجيكم واكيد الغدا عندكم لاننا بنخلي العيد عيدين.
ابو عبد الكريم...........عيدين..!!
ابو متعب: بصراحة ياخوي بندر ودة يملك اليوم واذا ماعندك مانع بيجيب معاة المأذون..
ابو عبد الكريم: لية اليوم ؟؟طيب وبكرا
ابو متعب: والله نقول يعني اليوم الملكة وبكرا الحفل والراي لك........
ابو عبد الكريم: على بركة الله ننتظركم..مع السلامة
ابو متعب: مع السلامة..كلم بندر وبلغة يجيب معاة المأذون وطلعوا لبيت ابو عبد الكريم..

اول ماوصلوا سما سمعتهم بس ماكان على بالها السلفة واستغربت انهم مازعلوا وجايين يعادونهم عادي جدا..وبالعكس كأنهم فرحانين...حست اعصابها شدت وحست بخوف رهيب بس حاولت تشغل نفسها بأي شي..
الرجال في المجلس ..ملك الماذون لبندر على سما..واخذ فواز الدفتر علشان توقع علية سما ناولة فوز وقالها استعجلي..
فوز: طلعت لسما سلمت عليها وناولتها الدفتر..سما ماكانت عارفة ايش الدفتر واول ماقرأت تفاجأت طالعت بفوز وعيونها مليانة دموع وكأنها تعاتبها....................لية كذا؟؟
فوز: الله يخليك ياسما بلاش مشاكل وقعي..
سما: طيب بخاطرها (انتهى كل شي)
فوز:الف مبروك واخذت الدفتر وطلعت..........نزلت مع الدرج وهي تزغرد ام عبد الكريم واللي كانت حاطة يدها على قلبها من الخوف ضحكت وجلست تزغرد وقامت ام متعب تزغرد معاها وجلسوا يباركون لبعض.........
اما فواز اخذ الدفتر ودخل على الرجال وهو يضحك مبروك يابندر الف مبروك..
وحتى الرجال جلسوا يباركون لبعض............
الكل كان فرحاااااااااااااااااان وسعيد
اما سما كانت مو مستوعبة الا مو مصدقة لا مستحيل ما سوا شي هذا مو بندر كيف يرضى باهانتي له.......لا لا وجلست تبكي انهارت ........................


عند الحريم الصغار شغلوا المسجل وجلسوا يرقصون والحريم يصفقون من الفرحة.......
دخلت فوز وهي شايلة صينية العصير وجلست ترقص على خفيف بحكم حملها....
خلونا نفرح ونسهر الليلة وكل ليلة
نتفأل اكثر واكثر الدنيا حلوة وجميلة.................

سما تعوذت من الشيطان وقامت توضت وصلت ركعتين........وهي جالسة على سجادتها دق باب غرفتها..
سما : مين؟؟
ام عبد الكريم: هذا انا
سما: ادخلي يمة.......
دخلت ام عبد الكريم ومعاها ام متعب سما كانت بلبس الصلاة سلموا عليها وباركوا لها وطلعوا..كان واضح على سما التأثر وعدم الرضا ..
راحت لسريرها وهي تحس بقوة غريبة جتها هدت وجلست قعدت تفكر بمصيرها وكيف بتعيش مع بندر؟؟
بندر المغرور العصبي اللي شايف حالة..كان دايم مو شايف سما شي من غرورة..لكن ايش اللي غيرة وخلاة يجي يخطبها ويتزوجها...
حطت راسها على المخدة ونامت..وعدى اليوم على خير بعد ماكانوا خايفين من سما وردة فعلها..
على الساعة 2 ونص الفجر دق جوال سما رقم اول مرة تشوفة علشان كذا ماهتمت وتركتة ماردت لكن الرقم اتصل مرة ثانية وثالثة ..........ردت سما: الو
المتصل: الو هلا سما كيفك؟؟
سما: عفوا من انت؟؟
المتصل: افا سما ما امداك تنسين صوتي..



انتهى الجزء......................................الى اللقاء

السلام عليكم ورحمة الله وبركاته
من جد ياأخت لومي قصه مثيرة لكن طولتيها علينا وأحنا ورانا أختبارات يعني ياريت تنزليها لنا كلها
ودمتي بود
أختك بسمة القدر

هلا حبيبتي بسوم.........
كيفك؟؟؟وحشتيني...............................................بس مو بقوه
ههههههههههههههههههههههههههههههههه
قدري الظروف..انتي اكثر وحدة تعرف بظروفي..
وانتظريني قريب..
والله يوفقك بالاختبارت وشدي حيلك.........
اختــــــــــــــــــــــــــــــــــــــــــــــــــــــــــــــــــــــــك

:sad: ((( الجزء العاشر ))) :sad:



سما: عفوا من انت ؟؟؟
المتصل: افا سما ما امداك تنسين صوتي..على العموم الف مبروك يازوجتي الغالية...
سما: بندر؟؟؟؟؟؟؟؟؟ خير وش عندك
بندر: اسمعي انا متصل بصراحة ببارك لك بالزواج وبنفس الوقت بقولك كلمتين واقفل!!!!
سما: يلا اقول بلا .....
بندر: (يقاطعها) لاتقولين كلام تندمين علية..وبعدين كلامك اللي قلتي علية البارح زعلني كثير وصدقيني مااراح اعدية ابد وهو اللي خلاني اعاند اكثر على الزواج.........وبيجي اليوم اللي تندمين فية انك قلتي لبندر هالكلام....
سما: عيب
بندر: اسف يابنت عمي انت ماتعرفين العيب وتصرفك اللي البارح اكبر دليل................مع السلامة
طوط طوط طوط(t) (t) (t) (t)
سما::: انبهرت من اللي صار قفل بوجهها الخط بدون مايسمع ردها...
ماقدرت تنام بعد اللي صار حست انها ضايقة ولاول مرة تحس انها بمشكلة كبيرة ماهي قادرة تطلع منها.........تنهدت ونزلت من عينها دمعة.............وهي تفكر اذن الفجر..قامت توضت وجلست تصلي وتدعي ربها الله يعوضها خير ويخلصها من اللي هي فية............

ام عبد الكريم صحت هي وابو عبد الكريم مع اذان الفجر كالعادة صلوا الفجر وجلسوا يشربون القهوة....
سما نزلت مع الدرج ولما شافت امها وابوها رجعت لغرفتها..حاولت تنام بس وين مافي فايدة..

***********************
شافي كان بالعالم الخاص حقة عايش بوحدتة بهمة بحزنة(( ياربي هالانسانة اللي حبيتها وعمري مافكرت بغيرها دايم وصورتها وهي صغيرة قدام عينة ))
تذكر بعد لما كانت بالمستشفى تعبانة وكيف كانت تعاملة بالبداية ................:mad:
ضاق صدرة زيادة حاول يشغل نفسة مسك المصحف وجلس يقرأ..

اما بيت ابو متعب في الرياض كانت الفرحة تغمرة وبالاخص انة كان اليوم حفل ملكة بندر وسما كان كل شي جاهز وكان على العصر يستعدون يروحون للقاعة .........
ابتهال كانت طالعة للمشغل اما ام متعب كانت تنتظر متعب يجي ياخذها للقاعة..
ام عبد الكريم ركبت مع السواق ومعاها ابو عبد الكريم راحوا بعد للقاعة
فوز ومنيرة وود بيطلعون للمشغل..كانوا مجهزين كل شي لسما الفستان ولوازمة وحاجزين عند الكوافيرة..جت مرام عند سما تحاول تشجعها اما البنات اول ماجات مرام طلعوا......
مرام: واو ياسما من قدك الليلة بتطلعين ملكة ولا امييييييييييرة
الكوافيرة: لا طبعا ملكة عل هالجمال وطبعا شغلي بتطلع اكيد ملكة
سما:؟؟؟؟؟؟؟؟
لا تعليق
جلست مرام تسولف مع الكوافيرة وسما مو معاهم...........مرام كانت متضايقة علشان سما وشافي بس ماكان بيدها شي الا انها تحاول تعزي سما ..
على الساعة 9 كانت سما جاهزة ( فستانها اللؤلؤي الضيق من عند الصدر الى الخصرو مطلع جزء الصدر وكان من تحت واسع مع الجابون وكان شعرها مرفوع مع تموجات ونازل منة خصل مموجة ومكياجها كان ثقيل علشان يخفي التعب والارهاق اللي باين عليها..بس كان طالع عليها حلوووووووو حيل )
مرام:بسم الله عليك وش هالزين....
سما: خلاص مرام واللي يعافيك ترى ماني طايقة نفسي..............بس والله ماخلية يتهنا..
الكوافيرة :حست الموضوع شيق.....وبلقافة لية انت ماتبغية؟؟
مرام: لا تبية بس تتغلى..سما ماردت

في القاعة بدا الحفل والناس مبسوطة كان الحفل قمة في الفخامة وتجهيزاتة ذوق راقي..كانت الطقاقة تغني والبنات يرقصون وهم قمة في الاناقة............
لما جا وقت الزفة سما مارضت تنزف مع العريس هم طبعا خافوا يصير شي ونزلوا عند رغبة سما انزفت هي اول وبعدين العريس. كانت زفتها روعة ومميزة بس سما ماكانت تدري عن شي لان كل شي جهزوة خواتها
..لبسها الدبلة سما اول مارضت تلبسة بس ام عبد الكريم طلبتها ولبستة من غير نفس وقامت حتى هم استغربوا ..
ام متعب: وين رايحة سما؟؟
سما: خلاص ايش باقي بعد بدخل..واذا هو بيقعد براحتة.........
قام بندر واللي بدا يعصب من تصرفات سما مسك يدها ودخلوا ... سما لبست عبايتها وطلبت من السواق يوصلها للبيت..بندر: سما الى متى هالحركات الطفولية..
سما (بعصبية) لسة ماشفت شي يابندر
بندر: انتي اللي بعدك ماشفتي شي بالمرة لكن صبرك علي
سما: طلعت من عندة بلا مبالاة
بندر (بخاطرة) يالله وش هالعناد بس ورب العزة اخليك تندمين..
اول ماوصلت البيت ناظرت لنفسها بالمراية وكان توها تشوف نفسها بالفستان والماكياج..........نزلت دمعتها وتذكرت شافي وهو يقول لها:انت لي وماراح تكونين لغيري
اتصلت على جوال شافي بس كان مغلق شالت لبسها وتوضت وصلت ركعتين.............ونامت بدون ماتفكر ببندر ابد.................
في الصباح كان ابو متعب عازمهم على الغدا بالاستراحة..كانت ابتهال وبندر مجهزين مفاجأة لسما...
كانوا بيطلبون من ام عبد الكريم انها تخلي سما تطلع تتغدا مع بندر( غدا الملكة)
بندر راح جهز نفسة فرحان لانة عارف سما ماراح ترد امها....


ود: صباح الخير
سما: صباح النور
ود: امي تقول الغدا اليوم في استراحة عمي ابو متعب..تجهزي..
وطلعت من عند سما بدون ماتسمع ردها...............
سما: انا لشافي.........وماراح اخلي احد غيرة يتهنا بي وطيب انا اوريهم من تكون سما::بندر هذا اللي مغرور وشايف نفسة بس شكل الحرب بتكون سجال............................................................................................

شافي كان في المطار يستعد للاقلاع للعودة للوطن الغالي.........................


انتهى الجزء.......................الى اللقاء

(}) ((( الجزء الحادي عشر ))) ({)



(8) (8) (8) (8) (8) (8) (8) (8) (8)

احبك لو تكون حاضر احبك لو تكون هاجر
ومهما الهجر يحرقني بمشي معاك للاخر
احبك لو تحب غيري وتنساني وتبقى بعيد
عشان قلبي بيتمنى يشوفك كل لحظة سعيد
وامشي معاك للاخر
احبك حب خلاني ابيع الدنيا من اجلك
وبكرا لو تعود ثاني اخلي الغالي يرخص لك
وامشي معاك للاخر


كان شافي سرحان مع كلمات الاغنية الرائعة للراحل طلال مداح واللي كانت في fm وهو راجع بسيارتة من المطار...................

في بيت ابو عبد الكريم كان الجميع جاهز علشان يطلعون للاستراحة...............مرت ود على سما علشان تقولها انهم ينتظرونها بس تفاجأت لما دخلت على سما..................:qaq:
سما: هلا ود بغيتي شي
ود: سما لية مالبستي اهلي ينتظرونك تحت.
سما: بس انا ماني رايحة ..وانت مانتظرتي تسمعين ردي!!! قولي لهم سما مصدعة وماتبي تروح..

في هالوقت كانت ام متعب تنتظر يوصلون معازيمهم..وبندر جالس على اعصابة..

كان صوت ود وسما عالي لما طلعت لهم ام عبد الكريم: سما لية مالبستي..؟؟؟
سما: لاني ماني رايحة..وخلاص يمة واللي يعافيك يكفي تحكم فيني انا اليوم تعبانة ومصدعة وماابي اروح...............حرام عليكم انا مولعبة انا انسانة مثلكم....
ام عبد الكريم: اندهشت من سما واللي قالتة بس ماعرفت وش ترد عليها وهي عارفة انهم غصبوها على امور كثيرة ماكانت تبيها............طيب على راحتك
نزلت لابو عبد الكريم وقالت له الموضوع وطلبتة طلبة انة يعدي الموضوع..............

طلعوا اول ماوصلوا الاستراحة استقبلوهم الحريم دخلوا والرجال راحوا لقسم الرجال...
ام متعب: وين سما؟؟وين عروستنا؟؟ (وعلى بالهم انها بتجي مع السواق)
ابتهال: متى توصل؟؟
ام عبد الكريم: والله العذر والسموحة منكم سما مو جاية....
ام متعب: لية عسى ما شر (بقلق)
ام عبد الكريم: والله ابد بس مصدعة...........وهي تعتذر لكم والجايات اكثر ان شاء الله..

بندر كان ينتظر ابتهال تتصل علية تقولة النتائج مثل مااتفقوا..بس ابتهال انصدمت لان سما ماجت وماعرفت كيف تقول لبندر.................بعد ماطفش هو اتصل عليها
بندر:الو
ابتهال: هلا بندر
بندر: وينك تأخرت.........سما رفضت!!!:rolleyes:
ابتهال: ولا رفضت ولاشي....
بندر :اجل لية تأخرت؟؟
ابتهال: سما ماجات مع اهلها ..يقولون تعبانة وماقدرت تجي.....
بندر ( بخيبة امل) اها اوكي يلا مع السلامة..
ابتهال حست انة تضايق وردت علية ...مع السلامة..
بعد الغدا الجميع تفرقوا وكلا راح لبيتة............................
اما سما حاولت تكلم شافي بس مارضى يكلمها............

في بيت ابو خالد بدوا يتجهزون لزواج منال واللي قرب ..كان بعد عيد الاضحى...مرام اتصلت على سما تبيها تجي عندهم تتسلى وتشرب القهوة معاهم..(c) (c) (c)
بس سما اعتذرت .......
ماكانت ابد رايقة لاحد.........
وكانت جالسة تسمع.........................................................(8) (8)
انت معاي....ولا انت ناوي تبتعد عن خط سيـــــــــــري
انت هواي..ولا انت عندك بالهوا محبوب غيــــــــــــري..
وضح امورك يالحبيب..شايف انا حالك غريب..
وين طاير بالهوا قلي ياطيري؟؟
كل الظروف تشهد علي اني معاك وافي!!!
مدام امرك بين يديك...لا تخلي شي خااافي

جلست تفكر طيب انا الى متى وانا على هالحال.........احس اني بموت لية مايرحموني ويخلونة يطلقني...........سما ماكانت تاكل كثير وبدا هالشي يأثر على صحتها..وكانت يوم عن يوم حالتها تتدهور اكثر.........
مرت الايام وجا زواج منال كان جميع الاقارب مجتمعين حتى سما جت حضرت بعد الحاح مرام وترجيها لها...
بس كانت بوادي ثاني مو مع الناس وكانت دايم متوترة ..
كان زواج منال مرة رائع وحلو واحلى مافية الزفة لمنال وفهد كانوا فر حانين ببعض لما شافتهم سما تنهدت........وبخاطرها:الله يوفقكم..
********************
اجتمع ابو متعب وابو عبد الكريم وعيالهم وحددوا زواج بندر في الاجازة الصيفية..
اول ماعرفت سما انصدمت واغمي عليها ونقلوها للمستشفى وكانت بحالة انهيار عصبي تام.........وجلست على هالحال فترة..
بس ابو عبد الكريم كان مصر على زواج سما من بندر...............
بدت الايام تمر وتمر وزواج سما يقرب اكثـــــــــــــــــــــــــــر..

(S) (S) (S) (S)
شافي قدم اوراقة وجهزت وسافر يكمل دراستة ويحضر الدكتوراة بلندن...يعني انعزل عن الناس وماكان يحب يكلم احد الا بس اهلة يتطمن عليهم ويقفل على طول...........
كان ودة يسوي شي لة ولسما بس حس انة مشلول تماما..بس اخبارها كانت دايم عندة من مرام..........

في بيت ابو عبد الكريم..............التلفون
ترن ترن....................ترن ترن.................................
ود: الو
فيصل( زوج فوز) الو السلام..
ود: وعليكم السلام
فيصل: ود بشري الجميع فوز ولدت وجابت ولد.....................

:salam:
انتهى الجزء........................................................الى اللقاء

تسلمين لومـــــي

(*) ((( الجزء الثاني عشر ))) (*)

طلع ابو عبد الكريم وام عبد الكريم بسرعة للمستشفى بيتطمنون على فوز والبيبي..
اما ود انشغلت بالاتصالات على اخوانها تبشرهم بولادة فوز...........وبعدين لحقت هي وسما للمستشفى مع السواق.......
كانت كل العائلة مجتمعة بالمستشفى عند فوز اهل فوز واهل فيصل زوجها كانوا فرحانين ومبسوطين وطايرين من الفرحة وبالاخص لما تطمنوا على فواز والصغير واستقرت فوز وفيصل على اسم لولدهم << نايف >>.......
في ثاني يوم لولادة فوز رخصوها من المستشفى وطلعت البيت عند اهلها....
في العصر جات ام متعب وابتهال وزوجة متعب يباركون لهم ويتمطنون على فوز وولدها..سما اول ماشافتهم تضايقت سلمت عليهم وطلعت غرفتها لانها ماحبت تقعد معاهم......مسكت جوالها وجلست تقرا الرسايل اللي محفوظة عندها .كل الرسايل من شافي تذكرتة وجلست تبكي...........:confused:
كانت اخر رسالة منـــــــــة
*** اشوف كلا مع حبيبة تهنا..وانا حبيب الروح صعب علية***
حرام لية حرمتوني منة وانا احبة............
ام متعب: وين راحت سما؟؟
ام عبد الكريم:طلعت غرفتها تعرفين البنات وحياهم!!!
ابتهال: بس احس خاطرها متغير..مو سما اللي اعرفها..
ام عبد الكريم بخاطرها ( الله يفشلها مثل مافشلتنا ) لا ابد هذي سما وهذا طبعا...(وحاولت تغير السالفة) وتكلم زوجة متعب..الا اقول وش اخبار امك قالوا انها تعبانة؟؟
زوجة متعب: والله الحمد لله الحين احسن تحسنت حالتها كثير..واخذها اخوي عبد العزيز عندة هاليومين تغير جوا في ضبا عند البحر هناك........
ام عبد الكريم: مارحنا ضبا بس ان شاء الله اول ماتطلع فوز بنروح كلنا هنا..يقولون الشاطئ الرملي هناك جناااااااااان..
فوز: ان شاء الله..
كملوا الجلسة سواليف وضحك وبعدين اتسأذنوا وطلعوا...............
(w) (w) (w) (w) (w) (w)
اما بندر كان تفكيرة كلة كيف ينتقم من سما وحركاتها الماصخة بنظرة؟؟؟ قطع تفكيرة جوالة لما دق كان صديقة منصور..
بندر: هلا منصور
منصور: هلا بندر ..الشباب طالعين الثمامة معانا؟؟
بندر: ومتى بتطلعون؟؟
منصور: بعد ساعة كذا وبنرجع على الفجر يعني سهرة وشوي ..وش رايك؟؟
بندر : اوكي معاكم..مرني بسيارتك ..
قام بندر يتجهز ونزل لقى الوالدة والوالد وخبرهم وجلس معاهم ينتظر منصور...................

(w) (w) (w) (w) (w) (w)
نزلت سما عند فوز وشالت ولدها كانت تحب الاطفال موت جلست تلمس بشرتة اللي كانت ناعمة حيل وتبوسة........وبعدين جلست تسولف مع فوز وشوي جت ود بعد ما خلصت دراسة كملت الجلسة..
فوز: عقبالك ياسما..
سما: ابتسمت ابتسامة باردة وباهتة وماردت
اما ود ردت بالقافة..امين يارب..
فوز: سما انتي لامتى وانتي على هالحال والله اتمنى اشوفك عروسة فرحانة بزواجك وتجهزين لة بنفسك بدل مو احنا نجهز لك......
سما: لية متضايقة انك تجهزين جهازي؟؟
فوز: بالعكس وناسة وفرحة بس كمان ودي تفرحين معانا..
سما: بحزن وش اسزي فيكم انتوا اللي جبرتوني على شخص ماابية..
فوز: انتي عارفة ابوي.................
سما: الله يعين..
ود: واللي كانت شايلة نايف على يديها..ولدك يجنن طالع علي.
فوز:هههههههههههههههههههههههههههههه
اما سما سرحت بوادي ثاني..وبعدين استأذنت وطلعت غرفتها..اول مادخلت سمعت تلفون غرفتها يدق..وردت
سما: هلا
مرام: السلام عليكم ( بمرح):gum:
سما: هلا والله بالغالية..وش اخبارك؟؟؟
مرام: تمام انتي وش اخبارك؟؟
سما : بخير الله يعافيك...هاة اخبار علوم؟؟
مرام: والله متصلة عليك اعزمك ..بعد يومين فية حفل خيري في الجامعة تحضرية؟؟؟
سما: حفل..اممممممممممممممممممممممم:think: طيب خليني اشوف وضعي وارد عليك
مرام: ولا تشوفي وضعك ولا شي..انا نفسي ترجعي سما ذيك القديمة المرحة الاجتماعية..
سما: بس اللي راح مايرجع..
مرام: سما علشان خاطري..:sad:
سما: اوكي حبيبتي خلاص مريني علشان ابي اروح معاك..
مرام: تم
سما: ههههههههههههههه
مرام:ههههههههههههههههههههههه
وقفلت مرام من عند سما وهي مبسوطة..وسما بعد حست انها مبسوطة بعد شوي....
في الصباح صحت فوز بدري ومر عليها فيصل بيسلم عليها وعلى نايف..افطر عندهم وطلع لشغلة من هناك:
في العصر جوا عندهم الجيران يباركون لهم ويهنونهم سلامة فوز....باليل انزلت سما لامها واستأذنت منها علشان تروح للحفل الخيري ..فرحت امها وبخاطرها( خلها تروح توسع خاطرها وتنسى همها) وافقت على طول وقالت ماعندي مانع.

(w) (w) (w) (w) (w) (w)

صحت سما بدري وتجهزت وجلست تنتظر مرام..شربت كوفي علشان تتنشط ...
اول ما وصلت مرام عند الباب اعطت سما رنة وطلعت لها ..وما تأخرت..
انبسطت سما حيل بالحفل الخيري وحست انها طلعت من الجو اللي كانت عايشة فية..وبالصدفة لقت ابتهال جاية بعد تحضر الحفل سلمت عليها سما واستأذنت ومشت...
خلص الحفل وطلعت هي ومرام وفاطمة( زميلة مرام) تغدوا برا وبعد صلاة العصر رجعت سما للبيت ..
بعد المغرب جت عندهم زوجة فواز وزوجة عبد الكريم واولادهم.......تعشوا عندهم وبعد العشا مشوا......
كانت سما حيل مرهقة بعد الحفل وبعدين الجمعة الحلوة..طلعت تبي تنام..
دق جوالها ناظرت ولا رقم بندر (بخاطرها) وش يبي هذا متصل؟؟ مادرت وطنشتة..اتصل كذا مرة...........وبعدين
سما: (من غير نفس) نعم
بندر: الله ينعم عليك بنت عمي..كيفك؟؟
سما: وش تبي متصل اخر الليل.؟؟؟
بندر: زوجتي واقدر اكلمك باي وقت
سما: لما نتزوج..يعني اشهار..وذيك الساعة يكون خير
بندر: اسمعي مو متصل اسولف معاك بس بسألك لية طلعتي اليوم للجامعة بدون ما تستأذنين؟؟
سما: نعم نعم......استأذن منك..اقول يلا مع السلامة
بندر: اسمعي انا مااحب زوجتي تطلع من غير اذني وانا اخر من يعلم..
سما: شوف انت طولتها واهي قصيرة..لما اكون في بيتك تكلم.......عن اذنك
وقفلت .........واغلقت جوالها ونامت........
بندر مات من القهر وجلس يهدد ويتوعد ..اما سما نامت من غير ماتفكر بشي.................
(w) (w) (w) (w) (w) (w)



انتهى الجزء................................................................اشوفكم على خير

(8) (8) (8) ((( الجزء الثالث عشر ))) (8) (8) (8)



مرت الايام وطلعت فوز من فترة النفاس وقرروا يسافرون لضبا مثل ماتفقوا...وفعلا سافروا بيت ابو عبد الكريم وفواز و زوجتة وفوز وزوجها.......اما عبد الكريم واهلة ماقدروا يسافرون معاهم لارتباط عبد الكريم بشغلة..انبسطوا كثير هناك ..اما بالنسبة لسما حست ان الضغط خف عليها وبعدت عن بندر ....................

(*) (*) (*) (*) (*) (*)

في الرياض وبيت ابو متعب بالتحديد كانوا جالسين سواليف اللي هم ابو متعب وابتهال وبندر ومتعب ..اما ام متعب طلعت تنام لما جات ابتهال ترجع بيتها طلعت لامها تبي تكلمها ..........
اول مادخلت ابتهال على امها لقتها طايحة على الارض ابتهال جلست تصارخ وطلعوا لها ابو متعب والعيال ونقلوا ام متعب بسرعة للمستشفى كانت حالتها حرجة جدا ودخلوها على طول للعناية المركزة.........ابتهال دخلت بحالة بكاء وانهيار فضيعة اما متعب وبندر حاولوا يتماسكون علشان يوقفون مع ابوهم ..............
طبعا تعرضت لجلطة لكن متوسطة والحمد لله..........بس كانت معرضة لجلطة ثانية اقوى علشان كذا منع الدكتور عنها الزيارة وحطها في العناية الفائقة..

اتصل بندر على عمة ابو عبد الكريم وخبرة باللي صار لامة..وقرر ابو عبد الكريم يرجع للرياض علشان يوقف مع اخوة...

اول ماوصلوا راحت ام عبدالكريم وسما لكن ماقدروا يدخلون عندها.....انهارت سما لما شافت حلة ابتهال وشافت بندر ومتعب وخوفهم على امهم..........
مرت الايام وحالة ام متعب تتحسن بشكل ضعيف جدا مر على تعبتها شهرين وقرروا يأجلون زواج بندر وسما..........الى وقت ثاني.

(*) (*) (*) (*) (*) (*) (*)


ام عبد الكريم ود وسما وفوز ومنيرة طلعوا لبيت ابو متعب .........اول ماوصلوا سلموا عليها وجلسوا يتكلمون.......بعد ماجوا يمشون طلبت ام متعب سما لحالها تبي تكلمها..
سما: هلا خالتي
ام متعب: (بتعب) سما يابنتي ابي اطلب منك طلب وياليت ماترديني..
سما: آ مري خالتي.
ام متعب: ابيكم انتي ومتعب تتزوجون باسرع وقت ..ابي افرح فيكم قبل........
سما: قاطعتها وهي تبكي بعيد الشر عنك ياخالة...وان شاء الله بتحضرين زواجة وزواج اولادة بعد...(كانت تحس قلبها يتقطع على هالكلام بس ماكان بيدها شي)
ام متعب: يعني ماعندك مانع؟؟
سما: اللي تشوفونة ياخالة !! خلاص رتبي الامور مع عمي واهلي وانا ماعندي مانع..
ام متعب: الله يبارك فيك يابنتي..
سما: خالة توصين شي؟؟
ام متعب: ابد سلامتــــــــــــــــــــك

استاذنت سما وطلعت بدون ماتتكلم..اول ماوصلت البيت طلعت غرفتها تحاول تستوعب اللي صار بس وين ؟؟دموعها كانت مثل السيل كانت مشتتة بين رضى خالتها اللي مريضة وعلى فراش الموت..وبين حبها اللي كانت تبي تدافع عنة لاخر لحظة...........
حاولت تنام......جلست وقت طويل وبالنهاية غفت وكان كل نومها كوابيس.........

جلس ابو متعب مع ابو عبد الكريم واتفقوا على الزواج بعد اسبوع ..عشا بس بحكم الظروف..........مر الوقت بسرعة مالقت سما الا الايام تقربها من بندر ........

(*) (*) (*) (*) (*) (*)
زواج ســــــــــــــــمـــــــا وبنـــــــــــــــدر

:handdown: :handdown: :handdown:

يوم الخميس ليلة الجمعة كانت دخلة سما وبندر كان العشا باستراحة وبعد العشا اخذ بندر عروستة وراحوا الفندق..طبعا لاكان هو رايق لها ولاهي رايقة لة......................سما اول مادخلت ماكلمتة ولا شي ..جلست بالصالة..اما هو دخل الغرفة اخذ لة دش ولما طلع......سمعت سما صوتة وراحت سوت نفسها نايمة بفستانها ومكياجها.......لما شافها رجع للغرفة ونام.......

في الصباح اتصل على البيت يبي يتمطن على امة بس مااحد رد........حاول يتصل مرة ثانية بس برضة مااحد رد.......اتصل على جوال ابوة وحصلة مغلق وجوال متعب نفس الشي ..اتصل على جوال ابتهال ماردت..... شك بالامر وطلع من الفندق وراح على طول للمستشفى كان خايف مرة وبالفعل لقاهم هناك...........
بندر: يبة وش صار لامي؟؟
ابو متعب: لاتخاف ياولدي.......بس امك البارح تعبت علينا واخذنها للمستشفى....
بس بندر حس ان ابوة يخبي علية.........طلع من عندهم وراح للدكتور:صدمة الدكتور لما قالة ان امة تعرضت لجلطة ثانية قوية جدا واحتمال نجاتها 5% فقط..............كان الخبر مثل الصاعقة اللي طاحت على راس بندر جلس على الكرسي وهي يحاول يفوق وبخاطرة( كابوس ولازم اصحى منة)
جلس الى الساعة 11 باليل ونسي سما نهائيا..
وسما كانت لحالها بالفندق.........لما شافت الوضع كذا اتصلت على فواز واللي راح للمستشفى علشان يشوف وش صاير......
لقى الكل متلخبط وحزين وقلقانين على ام متعب........اضطروا يدخلونها بغرفة العمليات جراحة مستعجلة لان وضعها مايسمح للانتظار اكثر من كذا..........
طلع الدكتور من غرفة العمليات مسك ابو متعب وقالة: عظم الله اجركم....
ابتهال اغمي عليها وطاحت على الارض شالوها الممرضات للطورائ..اما ابو متعب والعيال بطبيعة الرجال يتحملون الصدمات اكثر.........بس كانت مصيبة.......
انا لله وانا الية راجعون,,
حاول فواز يهدي الجميع واتصل على اهلة وخبرهم..وطلب من عبد الكريم يروح يجيب المسكينة سما من الفندق..اول مادق جوال سما استغربت وبخاطرها( غريبة عبد الكريم متصل اللحين)
سما: هلا عبد الكريم
عبد الكريم: هلا سما....اقول انزلي انا تحت باخذك بيت اهلي.
سما : (باستغراب) لية؟؟
عبد الكريم: بس ........زوجك مشغول ومايمدية يرجع الليلة وقلت اخذك بيت اهلي..
سما: ( ماقتنعت بكلام عبد الكريم بس ماحبت تطولها معاة) طيب جاية.............نزلت بسرعة وركبت مع عبد الكريم حاولت تاخذ منة شي بس....مافية
اول ماوصلت البيت حست صاير شي راحت عند امها.........
سما: يمة وش صاير ؟؟( بخوف)
ام عبد الكريم: والله ياسما يابنيتي خالتك ام متعب توفت......
سما: مو مصدقة يمة انت وش تقولين؟؟؟؟؟؟وقامت يمة ايش يعني؟؟؟؟؟؟؟؟؟؟لا لا لا
يعني ماتت..........جلست تصارح وجت ود وفوز على صوتها.........ام عبد الكريم جلست تبكي .
فوز: سما احمدي ربك مو كذا....
سما : كانت تبكي وبنفس الوقت تحمد ربها.......حاولوا البنات يهدون سما اللي كانت بحالة انهيار تام...
جو الرجال من المستشفى لبيت ابو متعب وكان في انتظارهم ام عبد الكريم والبنات وزوجات العيال كلهم دخلت ابتهال وحضنت ام عبد الكريم وجلست تبكي ........
سما كانت سرحانة ودموعها ماوقفت...............
يارب ساعدني اطلع من اللي انا فيــــــــــــــــــــة


انتهى الجزء..........................................................اشوفكم على خير

اى على احلى لومى كيفك يا قمره وشو اخبارك

القصه بجد بجد روعه لالالالالالالالالا دى روعه حاجه قليله عليها هى حاجه احلى من الروعه هههههههههههههاى

سلملم يا قمره

هلا حبيبتي شرباتة.........كيفك يالغالية من جد وحشتيني؟؟وينك اختفيتي؟؟المانع خير ان شاء الله!!!
تسلمي يالغالية وهذا من ذوقك

لومى قبل ما اتعصب واتنرفز بهدوء كده نزلى الباقى

ههههههههههههههههه بجد انتظر الباقى بشغف

يعطيج العافيه لومي على القصه الروعه
شرباته انتي عسل المنتدى
شلونج شرباته اخبارج

(n) ((( الجزء الرابع عشر ))) (n)


مرت الايام بس الجميع ماكانوا قادرين يطلعون من اللي فية.........كان الحزن مغطي على بيت ابو عبدالكريم وبيت ابو متعب..........
سما بعد الزواج انتقلت لبيت عمها ابو متعب بس هي وبندر ماكانوا يلتقون مع بعض الا على الاكل غير كذا لأ................

في بيت ابو خالد كانت الاجواء غير كان الكل سعيد وفرحان والبنات يستعدون بالعشاء لان كان فية ضيف مهم بيجي الليلة....ام خالد كانت طايرة من الفرحة ..اتصلت على ام عبد الكريم وسلمت عليها جلست تسولف معاها.....وبعدين قفلت من عندها وهي قايمة دخل عليها الانسان اللي كانت تنتظرة
ام خالد: شافي.......ونزلت دموعها
شافي: مشى بسرعة عند امة وحضنها بقوة وباس على راسها ويديها ..وجلس يهديها.
ام خالد: لية تغيرت كذا ياوليدي؟؟
شافي: بضحكتة الحلوة ......ههههههههههههههه ولا تغيرت ولا شي بس الشهادة يبي لها مجهود..
ام خالد: الف مبروك ياوليدي....
دخل ابو خالد والبنات مبروك يادكتور الف مبروك..
مرام: ابو خالد الحين نبي حفلة حلوة احنا عندنا بدل المناسبة مناسبتين............:shy:
ابو خالد: ابشروا كلكم ويستاهل الدكتور شافي..
شافي: مايحتاج الكلفة يبة.....
ام خالد: هذا حقك ياوليدي ولا كلفة ولاشي....
مرام: الله وناسة وطلعت من عندهم راحت تجيب القهوة والحلى...

اما في بيت ابو متعب صلت سما العشا وجلست على سجادتها تسبح وما حست الا و باب الغرفة انفتح..التفتت لقت بندر تنهدت بصوت مسموع.....
بندر: سما
سما: نعم
بندر: الحين امي لها متوفية 8 شهور وبصراحة انا ماني قادر استوعب الشي هذا الى الان..وماعندي استعداد للحياة الزوجية..مع اني كنت ناوي لك نية بس الطيبة والتأثر اللي شفتة منك لما توفت امي خلتني انسى كل شي ناوية..علشان كذا انا عندي خيارين لك:
اما تصبري الى ماتتحسن حالتي النفسية واعوضك عن هالايام..
والحل الثاني انا ارجحة لاني ماني حاب اعيش مع انسانة مغصوبة علي وهو الطلاق مع اني احبك والله........وبالنهاية الراي رايك..
سما: ماعرفت وش ترد على ولد عمها.........سكتت..
اما بندر لما شاف سكوتها طول قال: فكري وردي علي..........وطلع من عندها..
دخلت سما بدوامة بكا قوية وهي تحس انها مثل المسكينة اللي كل الظروف ضدها.....

بعد القهوة طلع شافي غرفتة اخذ لة دش وتوضا وصلى العشا........وبعدين جلس يفتش باغراضة القديمة.........فتح الدرج اللي يحافظ علية مقفول لان فية اشياء مهمة.......
:sad: :qaq: :sad: :qaq: :sad:
اول مالقى صورة لة مع سما وعمرها كان 6 سنوات بلبس المدرسة وهي باول ابتدائي.........جلس يطالع فيها ماتغيرت بس كبرت ظفايرها الطويلة ولونها المميز ضحكتها .........ضحك لاشعوريا وبعينة دمعة ياربي اخر ليلة شاف فيها الصورة قبل سنتين ونص لما جا يسافر ياخذ الدكتورة..حس كل شي مشى بسرعة الاهمة يحسة ثقيل مرة....
مرام,,دقت على باب غرفة شافي ونادتة للعشا..شافي مسح الدمعة اللي بعينة ونزل عند امة وابوة ومرام للعشا,,,بعد العشا جلسوا سواليف وضحك ووناسة .

:confused: :confused: :confused: :confused:
في بيت ابو عبد الكريم كانت ود وامها جالسين بعد العشا اما ابو عبد الكريم طلع غرفتة يبي ينام..
ود: يمة سما الى متى بتجلس على هالحال..
ام عبد الكريم: والله مادري احسها تكسر الخاطر..الله يكون بعونها..
ود :احسكم ظلمتوها وانتوا مااخذتوا رايها قبل الزواج,,,,,,
ام عبد الكريم: يابنتي انت تعرفين ابوك............وتنهدت
ود: الله يعينها..............ونزلت دمعة من عينها


سما اعطت عمها اللي كان تعبان العلاج وراح نام.........وبندر من اول ماتعشا دخل غرفتة......اما سما بقت لحالها حزينة ...........طلعت غرفتها وصلت لها ركعتين استخارة وحاولت تنام..الا انها كانت تحس بشي غريب من العصر ................................................................................:qaq:
كان قلبها يدق بقوة فضيعة ..حاولت تتعوذ من الشيطان بس مازال هالشي فيها..تذكرت شافي اللي لما كانت تكلمة تصير فيها هالحالة..حتى اخر مرة لما راحت لة كان قلبها يدق يقوة.. ( بخاطرها) يالله معقولة شافي يكون صاير لة شي....................حاولت تطلعة من تفكيرها..ونامتتتتتتتتتت

شافي عاش مع ذكرياتة ذيك الليلة طلع اوراق كانت ارسلتها لة سما ..سواليف..ونكت..مزح..ورسومات.......كان حالة غريب وهو جالس يشوف الاشياء هذي تخيل انة كانة جالس معاها...........تذكرها لما كانت تكلمة كانت روحها مليانة ضحك مليانة فرح وناسة امل كانت متفألة بشكل غريب............
تذكر حياها لما قالها انت لي وماراح تكونين لغيري........بس فجأة راح تفكيرة لاخر مرة شافها وكيف كان شكلها..........نزلت دمعتة وبعدين قام وتوضأ وصلى ودعا ربة يجمعة مع سما حتى لو كان ساعة وبعدها يموت.................
وراح نام....................................................................................................:confused: :confused:

سما في الصباح كلمت امها وقالت لها على اللي صار بينها وبين بندر......امها تفاجأت..بس ماعرفت ايش تقول لبنتها...................
بس سما صحت وقرارها معاها وماكان احد يقدر يغيرة.......... ( بخاطرها ) اعتذر للجميع بس لازم اسوي كذا..
اسفة ياشافي............كان نفسي اسعدك واكون معاك........سكتت (w)

بعد اسبوع من وصول شافي قرروا اهلة موعد العشا والحفل اللي بيسوونة علشان الدكتور شافي..اتصلت ام خالد تعزم المعازيم للعشا
ام عبد الكريم: الو
ام خالد: هلا واللة السلام عليكم.
ام عبد الكريم::::اهلين وسهلين حياالله ام خالد..والحمد لله على سلامة شافي والعذر والسموحة منك والله ماقدرت اتصل........ومبروك الشهادة..
ام خالد: الله يبارك فية ومعذورة واحنا خوات مابييتا تعذر..بس الحين مااعذرك تراني متصلة اعزمك على العشاء بكرا في بيتنا
ام عبد الكريم: ابشري بعزك ياختي...
ام خالد: وعليك البنات اعزميهم.. سما ود طبعا معاك..وابتهال وزوجات العيال عبد الكريم وفواز ..وصي ابتهال على زوجة متعب..
ام عبد الكريم: ان شاء الله الحين اتصل عليهم..
ام خالد: طيب مع السلامة
ام عبد الكريم:مع السلامة
اتصلت ام عبد الكريم على البنات كلهم واعزمتهم..ابتهال اعتذرت

(8) (8) (8) (8) (8) (8) (8) (8) (8) (8)

في العشا اجتمع الكل في بيت ابو خالد حتى سما بعد تردد راحت لان مرام حلفت تزعل عليها وماتكلمها..................باركوا لهم وتحمدوا لهم الله على رجعة شافي بالسلامة.....جلست مرام ومعاها ود يصبون القهوة للحريم اما سما كانت تحس بالضيقة والاحراج والحزن اللي انرسم على وجهها.............................
بس كانت تفكر بقررها اللي اتخذتة وكيف بتكــــــــــــــــــون ردة فعل الجميع عليـــــــــــــــــــــة..

(w) (w) (w) (w) (w) (w) (w)

انتهى الجزء.....................................................................................................اشوفكم بالجزء الاخير ان شاء الله

قصة مشووووقة
تسلمين لومـــي
ونتريا التكلمة حبيبتي
شدي الهمة:angry:
ههههههه

هلا حبيبتي روح الوفا......ومشكورة يالغالية على تشجيعك المتواصل
بس انا متضايقة لان مافي ردود ولا تشجيع.........

يالله كملي القصة تقطع قلبي

:qaq: مافي ردود:angry:
برايي لكثرة القصص الموجودة :qaq:
بس والله قصتك عن جد روعة والبنات اكيد بينتظرو لغاية ماتخلص ويقرونها
يلا حبيبتي لما تكوني فاضية ورايقة كمليها
تحياتي ليك يالغالية:salam:

يارب تكمليها مو مثل القصص الثانيه المبتوره

الصراحه خفت اني اقول تكملينه
ونفس قصه ثانيه بهل المنتدى يقولون زدتوو عدد الصفحات على الفاضي صرنا نخاف نقرا قصه
ونشجعها ما يكملون :(
على العمومو تسلمين على القصه

هلاهلا هلا على احلى بنوتات

ليه كده بس يا لومى مفيش ردود

ازاى يعنى ياستى ولا تزعلى حقك علينا نكتبلك ردود

المهم خليكى واثقه ان قصتك روعه وبطلى بياخه وكملى فاهمه ولا افهمك انا فى السعوديه مش بعيد

مسافه السكه واجى اخليكى تنزليها فورا ههههههههههههه