زوجي يتعلق فيني

وانا بعد ابغي خطيبي يتعلق فيني ,,,

سبحان الله
كل هالطرق اللي في هالركن وبعد موب لاقين طريقه
في مثل يقول من طمع طبع
لا تخلون هذي الشي هاجس لكم يشغلكم عن اموركم في الحياه
مجرد امور بسيطه نابعه من القلب تعبر عن حبكم لهم والكلمه الطيبه وحسن المعاشره تخليهم يتعلقون فيكم وهذي الشي موب من شهر اوشهرين كل ما مرت الايام يزيد الحب والتعود ويصير ماله غنى عنج
وشي طبيعي ان الرجال يحب يطلع ويسهر مع ربعه التغير شي مهم وهذي في صالحج يعني مو معقوله طوااال الاسبوع شغل وبيت هذي شي ممل بالنسبه لهم ويزيد من نسبة المشاكل واذا كل ماطلع ورجع سويتو لهم سالفه وقصه وتحقيق بيحبون الطلعه اكثر ويتأخرون في السهر اكثر
بالعكس فاجئيه في مره اونتظريه وسويله ليله رومنسيه والركن متروووس من هاليالي شوفي لج وحده منهم وليله نامي عنه وكل مره شي بتشوفين مع الايام بيطلع ساعه او نصف ساعه بالكثير وبيرجع لج
وهذي نصايحي لكم ومن تجربتي والصراحه زوجي يحبني ومايقدر يستغنى عني تصدقون انه احيانا يواعد ربعه انو يسهرون يطلع ومايكمل نص الدرب الا وهو راجع لي علامك يابو فلان ليش مارحت يقولي مابي اروح ابسهر معاج ويتصلون له ربعه يا يسكر الموبايل ولا يتعذر انه تعبان (قووولوو ماشاااء الله)
وبكتب لكم الاشايء اللي اسويها:
اول شي الاحترام المتبادل بيني وبينه يعني ما اناديه الا يابو(__________) ولا ياحبيبي وياعمري وصوتي مايرتفع اعلى من صوته
وفي كل خطوه اسويها استئذن منه حتىالاكل والنوم يعني قبل اكل اقوله (اصب لك ماي ولا عصير ولا تبي ازيد لك في الصحن حبيبي ) يقولي( لا اقعدي أكلي عشان آكل) وبعض الليالي اروح ارقد قبل لني تعبانه ويا البيبي اقوله ( حبيبي تبي مني شي قبل ما انام) يقولي (لا روحي ارتاحي انتي) هذي شي بسيط

ثاني شي مكانه وملابسه طبعا المكان ديما مرتب ومنظم ومبخر ملابسه دايما ابخرها وطريقتي اني احط عود في خزانته حتى ملابسه الداخليه اعطرهم وابخرهم والفوطه ابخرها بالجاوي وعلج البان
واذا بيطلع ولا بيروح الدوام اجهز له كلشي عند باب الحمام الملابس الداخليه والفوطه والملابس اللي بيطلع ابهم او ملابس العمل ماعليه الا يدخل ويسبح

ثالث شي
لما يجي من برى سواء من العمل او من اي مكان كان رايح له استقبله بابتسامه عريضه كاني من زمااااااااااااااان ماشفته واكون متعدله تعدل ناعم وبسيط ومجهزه الاكل الغدى او العشى واذا موب وقت اكل عصير وانتكلم شخيارك يابو فلان اشسويت اش ماسويت اشصار معك وسوالف حلوه وهاديه واذا البيبي جالس اخليه عنده ونلعب سوى . وبس
ولا تنسووووووووووووون تقولوووون ماشــــــــــــــاء الــــــــــــــــــــــــــــلـه وتدعون لي ان الله يتمم علي
وهذي طريقتي وانشاء الله تستفيدون مني
والبنات مابيقصرون بعد
تحياتي(f)

:clap:

ريم البوادي ماقصرت كفت ووفت

والقسم مليان

تمنياتي لكم بحياة سعيده

تحياتي
نونو قطر

ماشا ءالله ما قصرت الغاليه


والله لو اعرف ما بخلت عليكم بس انا بعدني بنت

مالي غير اني ادعيلكم الله يحبب ازواجكم فيكم يااااااااااااارب............ امممممممممممممممممممممممممممممممممين


لاتبخلون علي من دعواتكم بليييييييييييييييييز ((اللهم يا جامع الناس ليوم لاريب فيه اجمع بيني وبين الزوج الصالح عاجلا غير اجلا اللهم امييين))

مشكوووووووووووووووووووووووووورة ريم

الركن في وااااااااااااايد افكار

أنا مع أختي ريـــم البــوادي

والله إنه الريال ما يبا شي من الحرمه غير الأحترام

وكلام أختي ريـــم البــوادي أنا اشهد عليه
والله لو الوحده تتطبق كلا أختي ريم راح تشوف أشلون زوجها راح يكون لااااصق فيهااااا وإنتي إلي عليج تطعين زوجك كل إلي هو يبيه ولا تقصرين شي من حقه شو فيها لو صرنااا خدم لأزواجنا؟؟!! إنتي قولي له هذي الكلمه وشوفي كيف راح تكون ردة فعل زوجك والله خدمية وتكون خدمتج له لوجه الله وأخلصي النيه والأجر وربج هو إلي راح يوفقج أقولها وأنا مجربه راح تكبرين بعينه ....
ومدام نحن مقبلين على يوم الجمعه... ابدي يومج هذا من الصبح قومي قبله من النوم وسويله الفطور وإذا تقدرين حتى تحمينة حمية مب عيب وجهزيه حق صلاة الجمعه وبخريه وودعية وهو رايح للمسجد وكوني إنتي مستعده ومجهزه له عند العودة من المسجد وشوفي أشلون راح يحس بالتغير .....

في كل شي خلي ريلج هو الاول بكل شي خليه يحس إنه هو فوق كل شي وما وصيكم يااااا نساااء بأزواجكم

حبيباتي لاتعطون الموضوع اكبر من حجمة والحياة الزوجية هيا كدة والرجال مو متل بعض .........
1- في منهم مرهفين الحس (رومانسيين)ويحسس زوجتة انها كل شئ في حياتة ومايقدر يستغني عنها.
2-ومنهم اللى مايعرف يعبر زين للى بداخلة وهذا الصنف طبعا يدوخ زوجتة معاة.
والتعامل مع هذة الفئة من الرجال تحاولي دائما اختي تتكلمي وتحسسية انك عملتي الشئ (الفلاني)عشانة وتحاولي تسبقيةوتدعي وتقولي ان اللة يخليني لك ويقدرني اني اسعدك وطبعا كل وحدة وشطارتها في الكلام وهو طبعا من هذا المنطلق شوى شوى حيتعود وحيبا يعرف الشئ اللى انتي تحبية ويصير هو يسابقك في الثناء .:ok:
وبلنسبة للخروج مع الربع خلية يطلع بس حسسية انك معاة وماتستغني عنة مثلا ارسليلة مسج يخلية يتلعوز وهو مع ربعة ويحس انة يبي يطير ويرجعلك بسرعة . وغيرة من اليالي الملاح اللي تفاجئية فيها. :shy:
اخواتي صدقوني انة خروج الرجال بعض الاحيان مع ربعهم تساعد المراة في قضاء حاجاتها داخل المنزل وتساعد على تغيير نفسية الزوج وكسر الروتين اليومى ....
ولكم مني ارق التحيات واصدق الدعوات...
وسامحوني على الإطالة..(f)

ريم البوادي كفت ووفت ,,

ولو كل الحريم اتبعو نصائحها ,, راح يكونو سعيدين مع أزواجهم وأزواجهم سعيدين فيهم

انتو احتسبو الأجر عند الله من حسن التبعل للزوج ,,

واحنا بالفطرة نحب هذي الشغلات مع الزوج

تصدقون اخواتي العزيزات انا قبل كنت افكر زيكم كذا كان زوجي مشغلني عن كل شي حتى عن نفسي انه كان لي هوايات وصديقات قبل الزواج تخليت عن كل هذا وصرت ما افكر الا فيه وكيف ارضيه وكيف يتعلق فيني.................الخ
ومره سبحان الله كنت جالسه اطالع التلفزيون وفجأه اسمع شيخ ببرنامج ديني يقول ان الزوجه صحيح يجب ان تحب زوجها وتطيعه لكن بالشكل المعقول بحيث ان يكون كل همها دينها وعبادتها لله سبحانه وتعالى لانها خلقت لذالك اولا واخيرا وقال هذا الشيخ حديث لم احفظه بالنص لكن بما معناه ان من احب احد واشغله اكثر من انشغاله بربه اذله الله له!!!!!!!!!
طبعا من يومها وانا معتدله في حبي لزوجي واهتمامي كله مع ربي الله يعيني واياكم علا ذكره وشكره وحسن عبادته ااااامين
وصدقوني يا اخواتي حسيت ان زوجي يزداد تعلق بي كلما اعطيته فسحه من الحريه و
و(( الا لصقه))..........!!! عفوا اقرب تعبير حظرني
........................................................................
ودمتم في هنا

WESTAR:
تصدقون اخواتي العزيزات انا قبل كنت افكر زيكم كذا كان زوجي مشغلني عن كل شي حتى عن نفسي انه كان لي هوايات وصديقات قبل الزواج تخليت عن كل هذا وصرت ما افكر الا فيه وكيف ارضيه وكيف يتعلق فيني.................الخ
ومره سبحان الله كنت جالسه اطالع التلفزيون وفجأه اسمع شيخ ببرنامج ديني يقول ان الزوجه صحيح يجب ان تحب زوجها وتطيعه لكن بالشكل المعقول بحيث ان يكون كل همها دينها وعبادتها لله سبحانه وتعالى لانها خلقت لذالك اولا واخيرا وقال هذا الشيخ حديث لم احفظه بالنص لكن بما معناه ان من احب احد واشغله اكثر من انشغاله بربه اذله الله له!!!!!!!!!
طبعا من يومها وانا معتدله في حبي لزوجي واهتمامي كله مع ربي الله يعيني واياكم علا ذكره وشكره وحسن عبادته ااااامين
وصدقوني يا اخواتي حسيت ان زوجي يزداد تعلق بي كلما اعطيته فسحه من الحريه و
و(( الا لصقه))..........!!! عفوا اقرب تعبير حظرني
........................................................................
ودمتم في هنا

WESTAR
:clap: :clap: :clap:

بارك الله فيك ..

اللهم لا تجعل الدنيا أكبر همنا .. ولا مبلغ علمنا ...

والتعامل الحسن والكلمة الطيبة والاحترام وطاعة الزوج فيما يرضي الله عنا ...
أيضاً من الأمور التي تقربنا إلى الله ...
كل شي باعتدال ,, بدون زيادة ولاتقصير
وحث الزوج كذلك على طاعة الله .. دوماً ...

الله يسخر أزواجنا للخير ..
ويهدينا ويثبتنا

ريم البوادي ما قصرت .. وعليج بالهشي .. صدقيني يبدمن على وجودج في حياتها
http://www.3roos.com/forums/showthread.php?p=2845846

وبالتوفيق جميعا

ريم البوادي و WESTAR

ماقصرتووووووووو


تحياتي لصاحبة الموضوووع

شوفي الغاليه انا شو اسوي لريلي ... ما شاء الله تبارك الله تقولين تونا معاريس
اولا الاحترام المتبادل ... كيف الريال يبادل الحرمه الاحترام اذا اهي ما تحترمه وكله صوتها عالي ؟؟؟انا بصراحه صوتي مع ريلي همس ودلع وطفولي .. وهو لليوم كله يقول لي صوتج عذاب وحلو وهااااادي
ثانيا لازم تكونين لزوجج ام واخت وصديقه قبل لا تكونين زوجه .. اقولج كيف ؟؟؟ مثلا ....
قوليله ماماتي ودلعيه مثل ما تدلعين الياهل بالضبط وامسحي على شعره ولبسيه ملابسه وجهزيله حمامه وسبحيه ومثلا بالليل قوليله يالله باباتي روح اغسل ويهك واسنانك عشان تنام .... يعني كانه طفل تراه الريال طفل كبير ..( بجيه بتعوضينه عن امه ) وبيحس بحنانها... وريلي دايم يقول لي احسج حنونه نفس امي وينام على ريلي نفس الاطفال ..
ومثلا اذا حسيتيه مضايج لا والف لا تتكلمين عن مشاكلج ويا العيال او البيت او الشغل بالعكس هيئيله الجو انه ينسى كل هذا كانج واحد من ربعه ..( يعني بدل مايروح لربعه ينسى همومه بيلجا لج اكييييييييييييييييييد ) يعني قوليله شو مضايقك ؟؟؟ كيف اقدر اساعدك ؟؟؟؟ حسسيه انج قريبه منه لدرجه انه يشكيلج همومه ويريح منها وانتي خلج صبوره معاه وتفهمي عدل وخلج فاهمه وعلى استعداد انج تساعدينه وتنسينه ..( صديقته )وانا اسوي جيه والله ريلي اللي يعرفه يقول هذا من تزوج ما شفناه... مايشوفهم غير وين ويين ويحب يسهر وييياااااي وبس ..
ومثلا خلج (خادمته ) لا تفهميني غلط ..... الرسول عليه الصلاه والسلام قال بما معناه انه لو ماكان السجود لغير الله حرام لامرت الزوجه بالسجود لزوجها تعزيزا واحتراما وتوقيرا ... يعني اذا ما تشوفينها كبيره .. اغسلي ملابسه بنفسج واكويها وبخريها .... واذا ما اتعرفين اتعلمي وقوليله انا ما يرضيني زوجي حبيبي يلبس ملابس مو انا اللي اشرفت عليها ... مثلا انا اقول لزوجي اني احب اغسل ملابسك بكل حب ...فدايما لما يلبس ملابسه يقول لي احس انها مغسوله بحب وحنان ويضحك
وطبعا ابخرها واعطرها وووووو الخ ولا تنسين انج تطبخيله بيدج عشان الريال يحب طبخ مرته اكييييد
ا
والحمد لله اني مرتاحه مع ريلي وهو نفس الشي وما يغلي علي اي شي ولو شو يكون .. لاني اكيد مريحتنه .... واذا بتريحين ريلج بيكون لج مثل ما تبين ويتعلق فيج ...

البنات بالباقي ماقصروا
اتمنى انج تستفيدين

هلا وغلا فيكم خواتي ,,

حبيت اشارك معكم في هالموضوع الجميل

انا متزوجه من سنة تقريبا والحاجات اللي حسيتها تزعج الرجال اولا واخيرا هي النكد والحنه
وبعض الحريم الله يهديهم متخصصين نكد دايما تثقل الرجال بمشاكل وسوالف مالها اول ولا تالي
يعني ابتعدو عن النكد

ولو حبيتي تطلبين شي من زوجج لا تطلبين بصيغة الامر يعني مثلا

× ودني بيت اهلي
× عطني فلوس وغيره ,,

صدقوني خواتي الكلمه لها مفعول اكبر من السحر يعني مثلا لو حبيتي تطلبين حاجه

( حبيبي تقدر توديني اليوم بيت اهلي)

( ولا عليك امر محتاجه فلوس عشان .........)

×××××××××××××××××××××××××××××××××××××××××

صديقاتي دايما يقولون لي الوحده لازم تخلي زوجها هو اكبر اهتماماتها تحاول تطلع احلى ماعندها
دايما تتزين وكلامها حلو ومعسول وفيه انوثه وتبتعد عن الخشونه نهائيا

××××××××××××××××××××××××××××××××××××××××××

الاحترام مهم جدا جدا وترى صدقيني الزوج على ماعودتيه يعني مثلا انا بنت خالتي لما يصير خلاف
بينها وبين زوجها تسكر في وجهه التلفون وتغلق جوالها ولاترد عليه ايام الخطوبه
وبعد ماتزوجت صار يسوي معا نفس لحركه تخيلو !!!
لانها هي عودته

×××××××××××××××××××××××××××××××××××××××××

أمي كانت دايما تقولي لما تتخانقين مع زوجك اوعي ينام وهو زعلان لازم تصالحينه حتى لو
كان هو الغلطان صحيح الوحده كبريائها وكرامتها يمنعونها بس ربي دايما يعطي القوه على
فعل الخير

×××××××××××××××××××××××××××××××××××××××××××

اكرام اهل زوجك الوحده لو اكرمت اهل الزوج زوجها بيحطها في عيونه لان هالشئ راح يسعده
بس لو الوحده صغرت عقلها وتمشكلت بسبب ومن غير سبب راح تخسر اكيد
حلو من الزوجه لو تهدي ام زوجها خواته صدقوني الهديه تزرع الحب والموده

××××××××××××××××××××××××××××××××××××××××××

واخير الوحده لازم تتقي الله في زوجها لان الزوج نعمه من رب العالمين ,,

ولاتنسوني من الدعاء وان الله يرزقني بالحمل

كلام ريم البوداي عين العقل

مشالله عليها

الله يخليلها زوجها والبيبي