مالي احد غيركم لاتخلون اختكم----

لاحول ولا قوة الا بالله
من رايي انك تكونين الاحسن وتراضينه
لازم واحد من الطرفين يرخي شوي

وعشاان عيالك روحي اعتذري منه وراضيـــه ,,

وان شالله البنات المتزوجات او اللي عندهم خلفيه يفيدونك ,,

مثل ما قالت الاخت اعتذري واصبري لاجل عيالج

حبيبتي اذا تناقشتوا وعرفتي انه راح يتضايق على طول اسكتي وبيني له انه هو الصح

او تفادي النقاش معاه

حبيبتي أنا ما عندي خلفية بس حاولي تناقشينه في الموضوع في الوقت الي تحسينه فيه رايق ومتقبل نقاش يعني مو معقولة ضرب حاولي تفهمينه أهن لو هو مكانك راح يرضى بهذا الشيء مستحيل وأنت بدورك تغيرينه والله يكون معاك واكثري من الدعاء له بالهداية0

نصيحتي لج لو شفتيه يعصب ويصاارخ وطلع من طووره
تمي ساااكته وخليه يطلع اللي في خااطره
وطالعيه بنظرة استمااع مش نظرة احتقار او تنغيز
ويوم بيخلص ساليه خلصت اذا قالج هيه قومي خليه بروحه يفكر
وعقب شوي رجعي كلميه باي سااالفه
عن البيت عن العيال اي شي ولا كانه شي صاير
ها الحركه تبين نتايجها عقب ثلاث او اربع مراات
وبتشوفينه كيف بيتغير باذن الله
والريال يوم تحترمينه يحترمج
واذا في شي بخااطرج تبين تكلمينه عنه اول ساليه ممكن اكلمك بموضوع
ان قالج هي رمسي وان قال لاء تمي وياه بس لا تتكلمين واايد

واذا مضايقه من شي
لا شفتيه رايق كلميه عنه بس بنفس حلوه
مب تنكدين عليه
بيتقبل الكلام منج اكثر

لا تضايقين حبيبتي
في حريم يفهمون رياييلهم اول سنه
في من اول سنتين وفي خمس
انتوا توكم متزوجين ويمكن هو متعود ع العصبيه
بسبة تربية اهله او شي .. صبري عليه وبتفهمينه عقب انشاءالله
حتى بدوون لا يتكلم ^__^
اما الحين قومي راضيه وخلي ها الشي لوجه الله
تمنياتي لج بالتوفيق والسداد

والله أنا مع أختي مريومه كلامه صح ........


مع إحترامي لبقية العروسات نصايحهم كذلك صح .....


خذي بنصيحة كل واحده من العرسات وشوفي النتيجه بنفسك


نحن غالبا نتعامل مع الكلام اللي كتبته أختي مريومه ...


والله لو عندي حلول لأفدتك بها والعروسات ماشاء الله عليهم حلولهم ممتازه .

يضربك وتعتذري معناها اقريتوا الضرب منهج في حياتكم لا ياختي لاتعتذري فينا من كلام رسول الله رفقا بالقوارير بس تجنبي وصوله للدرجة التي تحخليه يمد ايده عليكي ولو طلب منك طلب لبيه برضا وابعدي عن ما يستفزه لكن اسلوب الضرب دا غير انه يقهر المراة الاولاد يطلعوا معقدين وفي ذهنهم صورة مقهورة للام الله يعينك ياختي ويصبرك ان شاء الله.

انا اشوف انك تتفاهمين معه بدل الاعتذار!!

اذا اعتذرتي بتستمر هالحركه ومارح توقف

لذلك التفاهم افضل حل

بس مادري بكل مره تعتذرين له تتفاهمين معه والا بس تقولين انا آسفه وتمشين ؟

الله يعينج عليه

أنا من راي الأخت أسيرة قلبه

ا:think: نا من رايي انك تجربين وتطنشين اشوي يمكن يفيد معاه

بس اذا شفتي السالفه بتكبر راضيه احسن لان اهو الديم لك ولعيالك:sad:

والله يعينك انشاء الله ويهدي زوجك لك ياااااااااااااااااااااااااااااااارب:sad:

اختك الحنونه12:shy:

أختي انتي ليه تخلينه يضربك اساسا ويتعود على هالشي؟
ليه يذلك؟
يختي وقفيه عند حده ,كلمي احد من اهلك يكلمه ويشوف له حل,انتي مو شغاله عندك ولا انسانه مالها احساس!
معليش انا مو من الناس اللي يحل الامور بالضعف والترقيع,هذا كله راح ينعكس على عيالك وعلى نفسيتهم.
لازم تشوفي لك حل لاساس المشكله!مو حل عشان ترضينه
معليه هذا رائيي وانا لو اختي ماارضى لها هالشي!!!!!

يضربهههههههههههههااااااااا وتعتذر ...

والله انت يا الحريم غريبات ....

والله لو شو هذا الا يقلل من قيمة المراه عاد مو لهذي الدرجه الرجل مش ملاك ...

وهذي حياه مشتركة بين طرفين ...وهو ما يحق له يطقها ...ليش وين يتحرا عمره ...

ام اعياله ...بقوله ليش شايف امك يضربها ابوك هذا يمكن معقد وليش تناقشينه اذا هو نقاشه بالضرب ..

الكلام اخذ وعطا ....مو ضرب ...شو هذا الاسلوب عنبوه ما شئ ذوق ...والله المفروض من البدايه ...

يوم ضربج ازعلي انت منه وخله هو يعتذر بلا حركات فاضيه ...

قال اعتذري قال ....

[grade="00008B 00BFFF 32CD32 FF7F50"]استغرب من الي يقولون اعتذري وتنازلي عشان عيالك ؟؟؟ هو كلامهم صحيح وانا مب ضدهم لكن للمرأه على الرجل حق ..... والضرب مكروه في أقل الأمور انتي الي عليج اذا شفتيه معصب فأي مناقشه اسكتي وخليه يقول الي بخاطره لانه الظاهر من النوع الي مايحب زوجته تناقشه أو ترد عليه ....ٍسكوتج وقت المناقشه افضل بكثير من الضرب والاعتذار في كل مره[/grade]

وبعدين من قهري ...يلست افكر ....تدري يا اختى اللي تسوينه ضعف ...يعنى اسمحيلي شخصيه

ضعيفه:qaq: والريال صدقينى يحب المرأة القويه ....ذات شخصيه تفرض احترامها عليه ...

ولو مر العمر بيدور القويه ..وهذا الضعف مش لصالحج ولا لصالح اعيالج ...اليوم يضرب باجر لا

سمح الله بيطردج .....عاد لا تلومين اي حد لومي نفسك ...

وبعدين مو شرط بنقاشاتكم تنفعلون ...وانصحج ابتعدي 5-10 امتار من المكان اللي هو

فيه ..وناقشيه عن بعد المهم يكون سامعج:shy: ...واي حركه بسرعه على غرفتج ...وقوليله مكانك ولا حركه :salam: ولزم تسون هدنه بالموضوع ...

خلج شوي مرحه بالمواضيع المناقشه ...يعنى على شو قوليله منرفز وشاد اعصابك ما بنحل

مشكلت الشرق الاوسط ...ولا تسويله سالفه وايد ...طنشيه ...ولا تناقشيه باي شي ليما يغير

اسلوبه ....خلج باسلوبج الجميل الذكي ...تكسبينه ...مو الضعيف المتخاذل ....

فهمتى اختى علي ...هذا اللي خطر ببالي ...ومن قهري ...والسلام ختام:ok:

كان الله في عونك..بس انصحك تدخلي احد من اهلك او اهله يكون ثقة ويمون عليه وينصحه بالمعروف لان الرجل اذا تعود ضرب زوجته قدام اطفاله هالشي بيفقد احترام ابناءك لك في الكبر لا قدر الله وراح يخليهم يتطاولوا عليكي ..لكن حاولي اختي انك تكوني طويلة البال معه وتسايريه....ولكن بالنهاية انت لك كرامتك ومن حقك تحافظي على مكانتك قدامه..كوني متسامحة وحازمة بنفس الوقت..وفقك الله لما يحب ويرضى. وفرج همك وكربتك

اللـــــــه يكون بعـــــــونك حبيبتي

والله ياخذ حقك منه ويهديه لك ان شاء الله

هاى every one

ابدا ابدا ابدا لا تسمحين لة انة يمد إييدة عليج إذا مو عشانج عشان إعيالج الصغار شنو راح تكون نفسياتهم اذا شافوا ابوهم ماعنده شغلة بكل خلاف إلا إنه يمد إيدة على امهم ، راح يكبرون وأهم ناس مهزوزين وخايفين من المجتمع والناس
وبعدين انتى اشلون تسكتين لة في كل مرة يضربج فيها ؟ سكوتج على الغلط خلاه يكرر غلطته ويتمادى في معاملته السيئة لج
نصيحتى لج انج تقولين حق واحد من اخوانج او اهلج يكلمة واذا ما كان في احد واقف معاج ، خليج قوية وانتى اخذي موقف حاسم من اسلوب تعاملة معاج
وطنشية شنو المشكلة بالاخير اهو الخسران الريال ما يقدر يعيش من غير مرتة وابدا لا تعتذرين على خطأ أهوة يسوية ولا تبينين انج خايفة منه ، ترى الريال متى ما حس انه مرتة ضعيفة زاد من قساوتة عليها ومثل ما قلتلج بالبداية ابدا ابدا لا تخلينة يمد ايدة عليج .

واللة يصبرج ويقوي قلبج

المفروض ماتسكت له من اول ضرب يضربها لانه بكذا يتمادا

اعرف وحده زوجها دايم يضربها لا بعد ساكنة في بيت اهل زوجها تصدقون ان اهله

مايدرون بالسالفة مع انهم في بيت واحد بس اذا دخلت الغرفه تشوف انواع التعذيب

من ضرب وركل وكأنها في حلبة مصارعة ولا يطلع لها حس ابد تتأوه وهي كاتمة يعني هي

دايم تحاول تتستر على اللي يسويه فيها ..... المسكينة ماتبي فضايح

اخر مرة سمعت عنها كانت حامل وقالت له تبي تفرحه قام عصب وضربها ورفس في بطنها لين

سقطت ...... والحين انقطعت اخبارها المسكينة


الزبده انا حضرت دورة للشيخ الشليل وكانت عن المشاكل والحلول
من ضمنها قال اذا قام الزوج بضرب زوجته لازم ماتسكت له ... يقول لازم تترك بالبيت وتروح لاهلها
وتخلي عيالها عنده وترفض الرجوع الا اذا تعهد امام الجميع بعدم تكرار ضربه لها
وبذلك راح يتوقف عند حده بعكس لو سكتت له بيتمادى ويذلها وهذا مو ف صالحها ولا في صالح
عيالها

عالعموم هو ترك ارقامه للي عندها مشكلة خاصة ممكن تكلمه ويساعدها ... كثير ناس تتصل به
وتمر عليه حالات كثييييييييييييييييييييييييرة غريبة وعجيبة

اذا تبين الرقم راسليني عالخاص

الله يكون بعونك اختي
اسمحي لي انتي اللي تنازلتي عن حقوقك من البداية
سنتين وهو يعاملك بهالطريقة ليش ؟ لأنك ضعيفة قدامه

مو زين عشانك ولا عشان العيال يشوفون امهم تنهان وتنضرب قدامهم
انتي ما وضحتي اسباب الخلاف بينكم
وايش تكون ردة فعلك اذا صارت مشكلة عشان نقدر نفيدك

النصيحة الوحيدة اللي اقدر اقدمها لك انك ما تسمحي له يهينك ويمد يده عليك ...
وكل شي بالتفاهم .. انتوا كبار والضرب اسلوب غلط

تفاهمي معاه .. خلي احد من اهلك يكون على علم بالمشكلة عشان يوقفون معاك
كلمي اهله .. اي احد يثق فيه
شوفي حل جذري للمشكلة لانها اكيد بتتطور بعدين وصعب عليك تغيرين طبعه

الله يعينك ويغير الحال ان شاء الله