ساعدوني متوهقه حيل

هلا خواتي

بصراحه انا اول مرة اكتب بالمنتدى

اقصد عن نفسي

لان صج انا متوهقه حيل

الزبده مابي اطول عليكم

انا عندي ثلاث بنات والحين ولدت من شهرين ويبت توام

الحمدلله جبت اولاد ولدين حلوين ماشاءالله عليهم عن الحسد بعد البنات

بس المشكله انا الحين محتاسه ماعندي خدامه

وصعبه التربيه

اقصد اربي اثنين مع بعض

لان صياحهم لاخر الدنيا وصل من غازات البطن

يقولون الاولاد غازاتهم اكثر من البنات

ومارضعتهم طبيعي لان مافي وقت لكل واحد

يقعدون مع بعض وينامون مع بعض

ماقلنا توام

خخخ

والمصيبه بنتي تغار منهم حيل

لانهم على راسها

وصل الشي للضرب

من كم يوم عاضه واحد منهم بصبع رجله

ماعرف شاسوي معاها

لان نفسيتها صارت دمار من الغيرة

مع اني احاول اسعدها وسوي كل شي لها

من غير فايده ترجع وتضربهم

الحين لهم شهرين حتى انا نسيت شو اكلهم او اشربهم

كاني وحده اول مرة تحمل او تولد

ساعدوني الله يخليكم

يمكن وحده منكم مرت بالتجربه ذي

اختكم اميرة