ولاده قيصريه للمره الثاني>>>>>>>>>وبطن مشدود

السلام عليكم

انا اليوم بقولكم قصتي بولاداتي الثنتين و علمكم سر و اهو شلون يرد بطنج مثل الاول واحسن بعد
في ولادتي الأولى ولدت ولاده مبكره والسبب اني من كنت في الشهر الرابع بدت معاي الطلوق وقالي الدكتور هذا طلق مبكر وفي اي لحظه ممكن يفتح الرحم و قعدت بحملي بين اني اتنوم بالطبيب لين حما الطلق علي حيل و بين السرير بالبيت بدون حركه ومع هذا فتح الرحم بالثامن و ما اقدرو يهدون الطلق لانا الطفل في بطني تعب و الخلاصه اني ولدت بعمليه و تدرون يا عرايس انه من دخلوني وانا حاسه اني بولد بعمليه بس ماكنت خايفه جابولي دكتوره عشان تنقلي الخبر و تهدي اعاصابي قالو بكر و صغيره اكيد بتخاف و تنفعل يوم جت الدكتوره و شافت حالي و اشلون الطلق هد حيلي كسرت خاطرها و صارت ما تدري اشلون بتقولي الخبر بس انا سبقتها و قت لها انتوا بتسولي عمليه صحححححححححححححححححححححححح!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
استعجبت و انا اقولها هالشي بكل هدؤ و اهي كانت خايفه لا تقولي الخبر.
ردت واسالتني منتي خايفه غريبه ؟ناس عندها اعيال و يسوون لنا قصه و بجي و صياح انا مستعجبه منج!!!!!!!!!!!!!!!!!!!!!!!!!!!!!!!!!!!!!
رديت قلت لها ما راح ينفعني البكي و لا الصياح ولا بخلون اللي في بطني ينزل هاذي ارادت ربي و له حكمه في هالشي و انا راضيه بحكمه .
و راحت و اهي مو مصدقه المهم زهبوني للعمليه و طلعت من غرفه الوضع للعمليات و اول ما طلعت من الباب شفت زوجي و اختي و اهم في حاله الله لا يوريكم قلت لهم ليش جذي انا مافيني شي كلها عمليه تراني ما مت للحين ليش جذي و دخلوني العمليات بس من شفت الغرفه و الاجهزه و الدار بارده حيل خفت شوي بس ذكرت ربي و سلمت نسي له و الحمدلله قمت بالسلامه و للحين يسولفون بولادتي و اشلون قدرت اتحمل كل هذا و انا بكر ..........
والحين صار عندي هم اشلون ارد بطني مثل ما كان الله لا يوريكم اشلون كان بعد العمليه انتفخ اكثر من يوم اني حامل و كل من جاني قالي لا تسوين شي لين يصير لج 6 شهور بعد العمليه ولا يويلج بتنفتح عمليتج و يطلع لج فتاق......................................
ضاق خلقي و انا اسمع هالكلام قلت ماني سامعه كلام الحريم و رحت للدكتور و قلت له اللي صار و قالي ما عليج هاذي خرافات سوي كل شي ما عدا تشيلين شي ثقيل...........
و انا من سمعت هالكلام و ادق على شركه و اطلب الحزام الحراري و قبل لا احطه على بطني احط قطعه خام قطن عشان ما يتصلخ البطن و اسوي رياضه البطن والمعده عالخفيف اول شهر و امشي كل يوم ساعه و قبل النوم اشرب شاي اخضر والله ما اطلع من النفاس الا و بطني لازق بظهري و الكل يسال شلون حتى انهم يقولون اني مسويه شفط بطن مع عمليه الولاده نفس نوال الزغبي هاهاهاها .
و على فكره يوم حملت ثاني مره صار معاي نفس الشي و ولدت بعمليه بس بعد معاناه يوم كامل بالوضع الطبيعي يحاولون فيني اوولد طبيعي بس ما الله كتب مع اني و الله قلت للطبيب دخلني عمليه من اول شي ما رضى قال حرام بحاول طبيعي هالمره انتي بآخر الثامن فيه امل بس طلع ما عنده سالفه و عقب ما طلعت روحي قلت له تكفا خلاص عمليه عمليه....................
و استخدمت نفس الطريقه اللي قلتها و بطني رد مثل الاول لا ترهل و لا انتفاخ.
وآسفه اني طولت عليكم بس حبيت اتعرفون تجربتي مع الولاده عشان اي وحده لا سمح الله يقرون عليها عمليه لا تخاف و تجادل و تقول حاولوا طبيعي يمكن ترى والله العمليه فيها رحمه لها و للي في بطنها و صدقوني لين وكلتي امرك لربك تراه بسهلها عليج حيل .


مع تمنياتي لكل وحده حامل بالسلامه
وللي ما حملت انه ربي يرزقها باذنه الذريه الصالحه