شنو الحل مع الزوج الإنطوائي؟

الله يعينك اختي ويصبر قلبك ...

أنا زوجي عكس زوجك تماما وبعد تعبانة منه ... زوجي اجتماعي لدرجة كبيرة ... حتى اذا بنطلع انا معاه يقول لي الطلعة بروحنا مافيها وناسة نفس اذا كان احد غير معانا ,, وشوفي عاد من يجي معانا اخته ولا اختي ولا أي احد وهذا غير موضوع انه ما يحب القعدة في البيت نهائيا لأن البيت مافي الا انا وبنته عمرها شهر ونص ..
طول الوقت بره يجتمع بالناس ....

قولي لي لي أي أحسن الحين

هلا فيج والله محد مرتاح...
بس تدرين انا بالنسبه لي يطلع بره البيت أحسن وأرحم لي من قعدته بالبيت لأنها تحرني عالأقل لما يكون بره أقول يمكن عنده شغل وأشتاق له أم لاصار قاعد عندي وبروحه وعلى هالتلفزيون تصير الحياه مأساااه ...

ههههههههههههههههههههههههههههههههههه

انتوا الاثننين سوري م اقصد اضحك عليكم والله العظيم بس سبحان الله الانسان ما يرضيه اي حاجه

المهم الانطوائي : حاولي تتكلمي معاه عن مواضيع يحبها هو وشوفي خبريه ايش رايك مره نتكلم انا وانت عن اشياء تحبها ومره نتكلم انا وانت عن حاجات احبها نفس الحاله ايش رايك طلع اماكن تحبها ومرات اماكن انا احبها يعني حاولي تغيريه بس بطريقة غير مباشرة لان الانطواء حاله نفسية صعبة شوي وخبريه ايش سبب انطوائك بس بطريقة حنونه لا تحاولي اضايقيه او تفهميه ان انتي مقصرة معاه وشوفي بعد كتب لحالات الانطواء والتخلص منها صدقيني حتى لو و1% حاولتي تغيرة بتفرحي اهم شي تحاول تسوي حاجه لزوجك وبين فترة لفترة حاولي تجمعي اهلك واهله ببيتكم عشان شوي يحس بالمسؤولية وان ما كل الانسان معقدين ويحبون الوناسه والضحك اهم حاجه ان انتي لما تسوي اي هي عرفي ان زوجك يستحق كل حاجه لان يحبك وتحبيه

والله يوفقك يا رب ويوفرج عنك كل ضيقكك

عزيزتي

سأليه عن هوايته

عن الي يحب يسويه

فالنفرض انه مثلا يحب يرسم

بحثي عن هذا الموضوع وثقفي نفسك

وجيبي له هدايا مثلا تناسب هذي الهواية او الشغلة الي يحب يسويها

وبتلاحظين من نفسه راح يكلمك

حتى ولو كان هذا الشي الي يحبه يخص الرجال مثلا

أشياءات مثل الكرة او السيارت ....الخ

بحثي عنها وكلميه بخصوصها وشاركيه ....ولا تقولين انك ما تعرفين عن هذي الأمور

وراح تلاحظينه انه راح يتكلم معاكي في المواضيع الي انتي بعد تحبينها

لأنك شاركتينه وشجعتينه ....

وملاحظة أيضا

لا تحاولين انك تستهزأين فيه لما يقول انه يحب شي معين كثر ما تقدرين

لأن اذا سويتي هالشي

راح ينطوي أكثر لأن راح يحس انك مو مهتمة فيه

الله يكون بعونك .... انا رائيي من رائي ضياء النور ... وحاولي كل بين فتره والثانيه تجمعين اهلك او اهله عندكم في البيت او انتم ترحون لهم " ابنك على ما تربيه وقوزك على ما تعوديه "

أم رزوق:

خواتي مشكلتي مع زوجي دايم مهمشني بحياته ودايم موجود ومو موجود يعني يكون بالبيت بس قاعد بروحه وياويلي اذا قعدت عنده يقول أزعجتيني ويصارحني ويقول انا انطوائي واحب القعده بروحي والمشكله ان الوحده قتلتني انا ماعندي الا ولدين الكبير عمره سنتين والثاني 3 شهور وساكنين فبيت بروحنا مرات أقول لو ساكنين مع أهله أحسن عالأقل عندي من أكلمه ، مادري شالحل أنا انسانه اجتماعيه واحب الجمعه والوناسه وهو عكسي تماما بنجن منه ومن سلبيته شسوي ؟؟ نصحوني ؟؟؟؟؟؟؟؟
:sad: :down:

والله ان زوجي نفس زوجك يحب القعده بروحه ودايم ساكت مايتكلم في البدايه كنت دايم اخاصمه وازعل منه بس بعدين عرفت ان هذا طبعه وماراح يتغير بين يوم وليله يبغى له وقت طويل وحاولت اتكيف مع وضعهه الحالي بالدراسه في الجامعه و في شي يفيدني وبعدها راح اتوظف ان شاء الله ولايمكن اخلي نفسي مربوطه به وبس....................................................................................... واجلس وحيده في البيت خصوصا انه لسه ماعندي اطفال ما أقول غير الله يعينك ويعينني:sad:

صراحة مشكلة الانطوائية صعب تنحل بين يوم وليلة لكن ممكن بذكاءك تقدري تقنعي وتاخذي ورتوحوا اماكن عامة فيها تجمعات بشرية كثير..يعني مثلا مطعم او حتى احتفالات عامة وملاهي او سافروا سوا..صدقي مرة على مرة بتلاقي تغير معك وصار اجتماعي اكثر المهم انتي ظلي حاولي معه واقنعي يطلع معك ومع اصدقاءه حتى..المهم يتعلم يشارك ويتواجد مع الناس لان انا اعاني من ذات المشكلة فالحل االاختلاط قدر الامكان بالناس... وربي يوفقك ويسعدكم

اختك

فراشة القنديل

حبيبتي عندي طريقة حلوووة

باني لا متزوجة ولا مخطوووبة :shy:
وهي تصارحيه برسائل خاصة جدا من الي تكتميه بقلبك واختاري المكان الي دايما يقعد فيه وحطيها بطريقة حلوووة واختاري اليوم الي يكون مزاجه مو كثير معكر واطلبي في نهاية كل رسالة انه ينتظر كل رسالة تكتبيها
واكتبي الي بقلبك بكلمات شوووق وحب وانك تحاولي تفتحي معه قناة للتواصل والتفاهم
حتي يقدر يخرج من انطوائة لاحتمالية يكون منطوي من سبب ما

يعني ابدي المحادثة بموضوع معين وكل يوم قصة عن الولدين
طبعا الاول راح يستغرب ليش تعملين كذا ؟؟
وافهميه هذه الطريقة الوحيدة الي تقدري تتكلمي معه فيها
احكي يومك بالبيت اكتبي اي حاجة تضحك اقري كتاب وناقشيه فيه
احكي اتعرفتي على شي وصدقيني يوم ورا يوم راح يتشوق يسمعها منك وراح يمل الورق
وهيئ الجوو دايما معه اول ما يجي يقعد مكانه يشوف اي حاجة يحب يشربها او ياكلها عطري وبخري المكان صدقيني النتجية حلووة بتكون

ان شاء الله يارب

انتظر التجربة :sad:

:confused:

مشكوووووووووووووورااااااااااااااااااااااات ياغالياتي على نصايحكم وكلامكم الطيب بس والله كل اللي قلتوه سويته ومافاد وزوجي هوايته المفضله شعر الفصحى يحب يقراه ويكتبه ويحب كتب التاريخ وهالشيئين انا ما أطيقهم من أيام الدراسه وحاولت أقرىمن كتبه بس أول ما فتحت الصفحه الأولى من الكتاب عورني راسي وهو مايحبني أمسك كتبه تخيلو لما اتصفح الكتاب يقولي شوي شوي لا تقسين على الورق مع اني مااسوي شي ، وبخصوص الرسايل الحركات هذه سويتها أول سنه زواجي ولا فادت ضحك منها شوي وبعدين صارت قديمه
الظاهر ماكو حل بس ادعوووووليييييييييييي

هاى every one

حبيبتي ام رزوق انا ماني مصدقة ان في كويتي ما يحب الطلعه مع الربع والقهاوي والدواوين هذا معجزة

بس اللة يعينج صج صبع مو حلو بس اهو ليش جذية معقولة ما عنده ولو رفيج واحد يطلع معاه ، انزين اخوانة وينهم ليش ما يزورهم ولا يطلع معاهم

انا ابي اسئلج اهو اذا قعد بروحة شسوي ، يقضي وقتة جبال التلفزيون والانترنت ولا القراءة ؟

زوجي الظاهر من عجايب الدنيا السبع :shy:
ماالومج لو تقولين ان مافي كويتي مايحب الطلعه بس زوجي جذي وكله قاعد يقرى او عالتلفزيون او النت هذا عالمه واذا قلتله اطلع يقول مااستانس الا جذي :sad:

هلا ام رزوق
انا من راى تشوفى اهتامتة اية واية الحاجة اللى بيحبها وتحاولى تتكلمى معاة فيها
وحاولى كمان تعملى جو مرح فى البيت
وحاولى انك تخلية يهتم باولادة يلعب معاهم وانتى كمان وخلى فى جو فرحة جو البيت وديمن اهتمى بشياكتك وهو موجود يمكن يحس بتغيير
تحياتى

اختي...

فعلا سالفة زوجك

طيب حاولي حاولي تشترين نفس الكتب الي يحبها وتهديه
حاولي تحببي نفسك في الي يحبه عشان يشوف فقط اهتمامك حاولي

بالتوفيق :shy:

قبل لا تتنتقشي كل بندول عشان ما يعورك راسك تراني مثلك ما احب الشعر :sad: