خلاص قررت انهي حياتي معه

السلام عليكم ورحمة الله وبركاته

بنات عروس انا تعبت ومليت ومش عارفة شو اعمل مع زوجي يا ريت تقدروا تساعدوني لاني خلاص قررت انهي حياتي معه لاني عملت كل الطرق معاه ما في فايدة

انا عندي ولد وبنت واعمارهم صغيرة سنتين ونصف وسنة ونصف وانا متزوجة من خمس سنوات

وكنت على علاقة مع زوجي قبل الزواج خمس سنوات يعني بعرفني كويس وانا كمان والله انو حبني حب كبير وانا اللي اعجبني فيه اكثر وخلاني احبه من كثر حبه لي

بس ما بعرف شو اللي صار انا مش مقصرة معاه والله اني بحترمه بحبه كثير

لكن مشكلتوا انو بروح عند اهله كثير وام زوجي قوية بشكل وعلاقتي مش كتير كويسة يعني ما بحبوني

المهم انا ما بدي احكي التفاصيل بس انا زوجي اللي مغلبني وما برد عليه ابداً رغم اني برضيه وبلبي كل طلباته ومخلصة وكويسه معاه ومتحملة كل ظروفة لاني انا موظفة وعمري ما شكيت له بس هو مش حاس فيني ومش مقدرني هو احيانا بكون كتير كويس ما شاءالله عليه فجأة بتغير بصير انسان تاني وجارح بالكلام والمصيبة انو شغله بعيد عن المنطقة اللي ساكنين فيها يعني احيانا بضطر ينام في السكن وبروح يوم بعد يوم والله ما بجلس معي كثير حتى يوم الجمعة بروح عند اهله

انا مليت وزهقت مع هيك متحملة وبحكي معلش يروح عند اهله والله ما بفكر ولا جمعة يجلس معانا بالبيت وانا حياتي رايحة بالشغل وبخدمة الاولاد كاني خدامة

يوم وقفة العيد قررنا نذهب انا وياه والاولاد عشان نتسوق للعيد ونشتري ملابس للاولاد طبعا بعد الفطور صحيته عشان نروح وبطلوع الروح صحي وراح معنا غصب عنو اشترينا للاولاد وبقيت انا طبعا لما حكيتلوا بدي اشتري الي شويت حاجات جن جنونو وما رضي يشتري الي اي اشي وحاولت احكي معاه اني انا ما بقدر اطلع لحالي مع الاولاد لانهم بغلبوني وفرصة انت معي بتساعدني وبشتري برضو ما رد عليه فشلني وروحني على البيت وانا بصراحة زعلت منو كثير كيف بدي اقابل اهلي وقرابائي وهو ولا على بالوا حط راسو ونام

طبعا صبح العيد وكان صاحي من الصبح عشان يروح عند اهلة من الساعة الثامنة صباحا صحيت وصبحت عليه وقلتلوا كل عام وانت بخير طبعا مش عاجبوا رد عليه رد ناشف وذهب عند اهله وانا رحت اعيد عند اهلي وبقيت عندهم لحد الساعة الحادي عشرة ليلا تخيلوا ما اجاني عند اهلي اتصلت عليه وحكيتلوا انك اتأخرت حكالي روحي لحالك انا مش جاي طبعا الاولاد معي والدنيا ليل خلاني اروح لحالي وفضل ما يحكيش معاه لحد هذا اليوم المفروض انا اللي ازعل

وامس روح من الدوام وراح عند اهله وفضل عندهم ونام عندهم مع اني مش غلطانه معاه وانا اللي بحاجته مش اهله

وحابة احكيلكم اشي انو هو مش اول مرة بتصرف هيك هو طبعه مثل ما هو ما تغير لاني حكيت معاه كثير وكان يتفهم وفجأة بنقلب حاله والله انا مليت عشان هيك انا برضو ما بحكي معاه ولا مستعدة اراضيه لانه هو الغلطان بحقي كثير لاني كل ما بتكلم معاه على الفاضي يوم وبرجع مثل ما هو بس بدو حاجتو ومصلحته وهو مش ساندني ولا واقف بجني وانا تعبانه كثير

امانة احكولي شو اعمل انا ما بدي اناقشه باي اشي لاني مليتوا بصراحة زهقتوا مش عارفة لاقي حل معاه تعبت والله تعبت حيل.

اسفة على الاطالة.