كيف أسوي سشوار مثل .....؟؟؟؟؟؟؟؟

حطي سيروم على شعرج

انا استخدم سيروم لوريال قبل السشوار

ووايد بنات يمدحون سيروم كريستال

والافضل تسشورينه قبل بليله عشان مايكش او يخترب

انا شعريمش ناعم كثير يعني نعومته وسسسط غجري عادي
ولما اختي تستشوره ما شالله كأنه بالصالون .
اول شي اتحممي بشامبو من غير بلسم
قسمي شعرك قسمين
بعدين قسمي القسم الأول لقسمين ثانيين وكمان الثاني يصير شعرك اربع اقسام كلو
خذي خصلة خصلة وابدأي الإستشوار من فوق لتحت وتحركي فوهة السشوار على فوق وتحت بخفة على الشعر لحد الأطراف تكرري العملية لحد ماتصير الشعره حرير
وتكملي على باقي الشعر كلو بهاي الطريقة
طبعا لازم يكون الشعر جاف مابش عليه دهن وآخر شي حطي المحلول اللي قالت عليه الأخت الفاضلة خاص للسشوار
ونعيما مقدما
اهتش
زهرة الموت

مافيه طريقه ثانيه غير الاستشوار الهوائي حق الكوافيرات لان استخدامه صعب شوي

اذا تبينه ستريت جربي مكوات الشعر
اسهل للي ماتعرف للسشوار

بس حبيبتي لازم يكون استشوارك مثل استشوار الصالونات الهوائيه

اللي في منها أحمر وأسود لأنها حاره..

مش استشوارات البيت العاديه..(f)

عزيزتي ..
إذا ودك تسوين سشوار مرتب و مثل شغل الصالونات
قبلها اعملي حمام زيت لشعرج أو أي نوع زيت يناسبج..
بعدها اغسليه زيييين من الشامبو و قمسي شعرج و استشوريه على جزء جزء
و كل جزء تخلصين منه لفيه بمشبك خفيف لين تخلصين
بعد بدلج على كريم انا استخدمته مرة في مناسبة و اخت زوجي مو مصدقة
إني استشورت في البيت لاني سويت هالطريقة و بعد ما انتهيت من الاستشوار
قسمت شعري طبقات بالعرض و مررت عليها بكفي هذا الكريم
اسمه (شمع تصفيف الشعر من ماركة ويللا)
تلاقينه في السوبر ماركت عند كريمات الشعر و الزيوت
يخلي شعرج روعة و يلمع من غير تزييت و يعطيه منظر حلو مثل شعور العراقيات بالكليبات
والله يوفقج
تحياتي

الســـــــــــــــــــــــــــــلام عليكم........................... احسن طريقة مثل ما تفضلت الاخت انك تحطين زيت قبل تغسلين شعرك وبعدين تستشورينة وهو مبلول طبعاتقسمينة نصين وبعد ماتنتهين استشورية مرة ثانية على قدام واذا كن المكان الي انتي فية <رطوبة>حطي رغوة ويللابعدالاستشوارواستشورية مرة ثانية عشان ماينتكش... تقبلي مروري’’’’’’’’وتحيتي.

[grade="FF1493 00BFFF 4169E1 800080 FF7F50"]اختي
يا انج اتيين عند ربيعتي فراشه تستشور لج خخخخخخخخخخ

وانا بقص لج


وصبوووحه بتصبغ لج خصل روعه وانا بصبغ عندها الخميس


اذا ما سرت دبي :shy:


اسولف ويااج خخخخخ

شوفي لا تحطين سيريوم ولا شي لانه يبلد الشعر ويخليه كششه عن تجربه

ماألج الا الشامبوو والبلسم وعقب استشوري عدل ولا تحطين شي

امسكي خصله خصله واحرقيها خخخخخخ

لا صج مرري الاستشوار عليها شويه شويه

المهم لو ما تبين هالطريقه
خبريني العرس في اي مدينه وبنجوف لج صالون حلوو وبقعته زينه مب كريهه

و


تحياتي [/grade]

انا شعري غجري بس اذا عندي مناسبه ازّيت شعري قبلها بيوم وانام والصبح اتسبح وانتظره ينشف شوي مو ما يصير فيه ولا قطرة ماي خلّيه رطب وانا عندي استشوار العادي والاستشوار الهوائي مال الصالونات وعندي بعد استشوار السيراميك والسيراميك احلاهم وخصوصا الحين الموضه الشعر ستريت عموما احلاهم الهوائي والسيراميك وبعدها قسمي شعرك اقسام بحيث انها تكون خفيفه علشان تستشورينها عدل اما اذا كان الشعر وايد في كل قسم ما راح يظبط الاستشوار واشتغلي عليهم قسم قسم اذا تبين تستخدمين الاستشوار الهوائي اشتري المشط ماله ومشطي واستشوري وهكذا واذا خلصتي الشعر كلّه اخذي شوووووووي سيروم كرستال وامسحيه على الشعر بس لا تكثرين علشان ما يطلع شكله مزّيت وجربي انتي الحين قبل العرس <<<<بروفه

انا عندى سشوار رووووووووعه

يخلي شعري كاني مسويته في الصالون

بس اخلي اختي تسوى لي

وبعدين بعد ما خلص اسويه بسشوار البيت ويتم جي يومين اذا ما غسلت شعري

وبحاول انزل صورة السشوار في موضوع جريب

استخدمي زيت الحرير لقبل وبعد السشوار بعطي لمعة ونعومة مو طبيعية ويحميه من الاحتراق ويبقى شعرك ناعم حتى تغسليه

هذه هي صورته واسمه بالانجليزي biosilk



اما السشوار اي سشوار ينفع المهم الطريقة ايلي بتسشوري شعرك فيها

اول شيء نشفي شعرك بس خلي فيه رطوبة علشان ما يحترق ومشطيه وامسحي عليه من زيت الحرير وقسمي شعرك من النص وكل نص قسميه الى اقسام واربطيها بالمشابك او الملاقط وسشوري قسم ورا الثاني باتجاه نمو الشعر ..

احسن طريقه للاستشوار هي انك تسوين حمام زيت قبله بساعتين وبعد الاستشوار حطي شوي مره كريستال امسحيه مسحه خفيفه وبعدين لفي شعرك من تحت بالبكرات

:shy: احسن طريقه للاستشوار هي انك تسوين حمام زيت قبله بساعتين وبعد الاستشوار حطي شوي مره كريستال امسحيه مسحه خفيفه وبعدين لفي شعرك من تحت بالبكرات:ok:

أشكركم خوااااااااااتي ..على الأفكار اللي عطيتوني إياااااااااااها ..

بس تعرفون اهلي عقدوني من الموضوع وقالوا لي من فاضي يسوي لج في العرس ومن هالسوالف اللي تعور القلب ..

وعني أنا ما اعرف شيء يخص الأنوثة ..ههههههههه لو تعلموني زين ..بس بحاول أدور على الزيوت اللي قلتوا لي عنهاااااااا وبسوي بروفااااااااااات من ألحين لين العرس ..

على فكرة العرس في بوظبي بس وين بالضبط للحين ما أعرف ..

اختي حكايات متناثره انا ماامدح نفسي بس كل من شاف استشواري استخف عليه لدرجة ان بنات عمي وبنات خالتي اذا عندهم مناسبه يجون عندي استشور لهم

حبيبتي اهم شي يكون عندج الاستشوار الاحمر مثل الي فالصالونات لانه رهيييييب وثانيا قبل كل شي لازم تغسلين شعرج بالشامبو بس بدون البلسم لان الاستشوار عقب البلسم يخرب الشعر ونصيحه لاتحطين زيت على شعرج قبل العرس بيوم حطيه قبل بيومين لانج لو حطيتي الزيت قبل العرس بيوم وغسلتي شعرج يمكن تبقى آثار من الزيت فشعرج وماينضبط الاستشوار لج

وشوفي شعرج هل يناسبه الاسشوار وهو جاف والا وهو مبلل؟؟؟انا عن شعري ماينفع استشوره وهو مبلل احس كل شعره طايره فوق وفي ناس يصلح لهم الاستشوار وهو مبلل

واذا عندج احد يستشور لج يكون احسن واول شي تقسم الشعر لنصين وكل نص تقسمه لنص وعقب تاخذ خصله وتستشورها من البداية للنهايه وتمرر عليها الاستشوار اكثر من مره
وفالنهايه تاخذ الشعر الي فالنص يعني شوي من النص اليمين وشوي من النص اليسار (النصين الي قسمتهم فبداية الاستشوار) وتستشورهم عشان مايبين ان في خط فاصل

وبعد الاستشوار لازم تحطين سيروم لان السيروم يعطي لمعه للشعر ويخليه رطب وانصحج بسيروم كريستال الصراحه هو افضل نوع

أتمنى اني افدتج

ونعيما مقدما