مشكلتي

ابي حل لمشكلتي

بالبدايه راح اقولكم نبذة عني انا متزوجة ومن سنتين ونص عندي بنوته عمرها عشرة اشهر انا وزوجي متقاربين بالعمر المشكله ان بالمقابله (الشوفة الشرعية) قلت شروطه له اني ابي اكمل دراسة وابي اشتغل قال زوجي ماعندي مانع وهذا الي ابيه بس مابين لي ان شرط من شروطه اني اشتغل او اكمل دراستي صراحه لو كانو شروط جان ماوافقت لانى مااظمن انى اكمل دراسه او اشتغل سبحان الله يمكن يصير اي ضرف خارج ارادة الواحد او بارادته

ابتدت المشاكل بينى ووبين زوجي من يوم الي انسحبت فيه من الجامعه بسبب ضروف حملي كان يقوللي دايما انتي قاعده بالبيت لاشغله ولامشغله وانا ضليت ساكته على امل ان بعد مدة الانسحاب راح ارجع لدراسة وتنتهي هالاسطوانة لكن حدثت امور لم تكن بالحسبان فقد فصلوني الجامعه لااريد الخوض بتفاصيل الفصل ومنذ ذلك اليوم وهو يردد انتى مفصوله وانتي قاعدة بالبيت شنو شغلتج وعطانى ورقة مكتوب فيها مهلة شهرين لازم اشتغل او ادرس واتوقع ادامادرست او اشتغلت راح يطللقني

مشكلتي يابنات انه دايما يعايرني بهاي الاشياء يدور نقاط ضعف ويعايرني فيها تدرون شنو يقولى يقولى انه ابي لما ادخل البيت مااعور راسي باي شي البنت انتى تودينها المستشفى مو انا مابي اوصلج بيت ابوج انتى تروحين البيت كلشي ينقص انتى تشترين الاغراض يعنى باختصار يبى يتححمل فقط مسؤليه شغله واذا في شي طارئ يعنى مثلا بنتي مرضت بوقت متاخر يتدخل شقول لكم حاسه انى عبء عليه انا وبنتي والله العالم شنو بيقول لي ادازادت اولادنا وزادت المسؤليات تونا ببدايه المشوار ومو قادر يتحمل المسؤليه يعنى البنت لما تتزوج تبى واحد يشيلها فوق ويكون عون وسند لها ؟؟؟؟ لاتبخلون على بمشورتكم ياعروسات