حساسية + زكام

مسكين الولد تبهدل من الأدوية،،، عندي صديقة ولدها كان عنده نفس المشكلة وقالوا له عنده حساسية، باحاول أتصل فيها وإذا حصلتها بارد عليك...
أنت الحين واصلي على دواء الشهر وشوفي يمكن يتحسن على نهايته.

سلامته والله الف سلامة
اختي تابعي الدواء وحاوللي تشربيه اشياء ساخنة ولو القليل ممكن يفيده ويهدي صدره متل النعنع
والزعتر الاخضر راااائع جدا للكحة وربي يحفظه ويشفيه

جزاكم الله خيراً على الرد عزيزاتي ((( رانيا البحرينية & الدمشقية )))

رانيا البحرينية ====== اتريا ردج الغالية

الدمشقية ========= عادي لو اعطي نعنع أو زعتر (( ان شاء الله بحاول اسويله نعنع مع شوية سكر ))

ما يشوف شر يارب...

اذا كنتي راجعتي طبيب اطفال... فراجعي طبيب امراض صدرية لأنه متخصص ويكون افضل لو استشرتيه عشان تتطمني ع الصغير...

حرام مثل ما قالت رانيا.. تبهدل من الادوية :(

انا اقول احسن شي تعطينه فنستيل (عبارة عن قطور بالفم) ممتاز لا مضاد ولا شي واعتقد الأخت سحايب دبي عندها خبرة بهذا الدواء بعد انتى استشيري الدكتور انا اعتقد فنستيل زين له جربي بس استشيري ...........

سبحان الله كانش تعرضين مشكلتي مع بنتي بالضبط وعطاني الدكتور نفس الأدوية اللي قلتيها وكذلك في صوت بصدرها ما يروح سبحان الله
لو حصلتي علاج شعبي كتبي لنا للإستفادة
وقمت عطيتها الحين داخل الرضعة ربع ملعقة كركم مطحون مع الحليب واعطيها عسل وانشا الله الله يشفيهم

السلام عليكم ..

عزيزاتي ..

((((((( جمـــانة ))))))

(((((( nodoo ))))))

(((((( badriaoo ))))))

جزاكم الله خيراً على الرد

aشوفي حبيبتي ..

انا ولد اخوي عمرة 5 شهور وعكانت عنده نفس المشكله .. ما خلينه عيادات خاصه وحكوميه ما وديناه .. ما فاد وياه ..

عمتي نصحتني انوديه عند د. طارق متخصص انف واذن وحنجرة .. والحمدلله من بدا يعالجه عقب اسبوعين مع الاستمرار بالادويه [blink][grade="8B0000"]وبانتظام[/grade][/blink] .. راح كل شي والحمدلله

انصحج تودينه عند هالدكتور ... وخاصتا ان دكتور جديم وكان في مستشفى الوصل قبل .. والحين فتحله عياده خاصه

السلام عليكم

سؤال....... الكحه فيها بلغم ولا ما فيها ؟؟؟ اذا فيها انا صراحة استخدم جهاز البخار والدكتور عطاني معاير الدوا ....... اذا تبين شي طبيعي ما شي غير اللبان هذي اخت من المنتدى اعطتني الطريقه الله يزيها خير والطريقه :

خذي قبضة يد من اللبان الذكر انزين
وحطيهن على النار مع نص غرشة ماي كبيرة او غرشه صغيرة وحطي ياه شويه كركم مع 7 حبات هيل مع سكر قند بس وخليه على النار يفور وبندي عليه ويفضل اتصبينه في غرشة فيمتو فاضية عشان اتحطينها في الثلاجه للحفظ
واعطيها الصبح والليل بس شوي بس مفعوله وايد زين ..
اكيد ما راح تتقبله بها السهوله بس حطي معاه عسل عشان اتحليه وما تشوفون شر

:qaq: السلام عليكم

سؤال....... الكحه فيها بلغم ولا ما فيها ؟؟؟ اذا فيها انا صراحة استخدم جهاز البخار والدكتور عطاني معاير الدوا ....... اذا تبين شي طبيعي ما شي غير اللبان هذي اخت من المنتدى اعطتني الطريقه الله يزيها خير والطريقه :

خذي قبضة يد من اللبان الذكر انزين
وحطيهن على النار مع نص غرشة ماي كبيرة او غرشه صغيرة وحطي ياه شويه كركم مع 7 حبات هيل مع سكر قند بس وخليه على النار يفور وبندي عليه ويفضل اتصبينه في غرشة فيمتو فاضية عشان اتحطينها في الثلاجه للحفظ
واعطيها الصبح والليل بس شوي بس مفعوله وايد زين ..
اكيد ما راح تتقبله بها السهوله بس حطي معاه عسل عشان اتحليه وما تشوفون شر

السلام عليكم ..

عزيزاتي ..

((((((( bj3a ))))))

(((((( القرموشه ))))))

شكراً على مروركم وان شاء الله بعد ما أخلص الدواء .. وإذا ما شفت في فايدة بسير عند الدكتور طارق

أسمحي لي أختى بنبونه بعدي ماسألت صديقتي،، لأنها واضعة وماتداوم بالمكتب والأخوات ماشاء الله ماقصروا معاك بالوصفات.... بس يارب يكون أحسن الحين....

اختي القرموشة الوصفة اللي وضعتيها هل لها مفعول قوي ابي اجربها لبنتي عمرها3 شهور هل اجربها لأن فيها كحة وابي اعطيها دوا لإنهاا صغيرة

أختى بنبونة وأخيرا حصلت صديقتي أتصل فيها وماترد بس أمس ردت على مكالمتى..

إن شاء الله ولدك يكون تحسن الحين وصار بخير،، عن علاج إبنها عادي كانت أدوية لمدة قصيرة يعني أسبوع وقال لها لما تحسن أنه تحسن أحضريه لي يكون أعطيه لقاحات تقوية المناعة ضد الربو.. نفس الشي ولد حماتها بس لأنه كبير بالسن 7 سنوات تقريبا عطوه كبسولات تقوية كل يوم حبة يكون لما تصيبه حساسية الربو تجيه حفيفة....

اشكرج الغالية (( رانيا البحرينية )) ما قصرتي والله ..
جزاك الله خير