لحقوا عليه ... بنتي ..؟؟

مسكينه بنتج..اكيد انتي تاكلين اكل يسبب الغازات و ترضعينا عشان جيه المسكينه تتعذب..
استخدمي انفاكول..ترا وايد زين و يريح..و رقديها على بطنها عشان تطلع الغازات

وما عيها شر

مسكينة لا تعطينها تحاميل ولا شي توها صغيرة،، حاسبي أنت في أكلج ولا تاملين شي يسبب غازات في البطن،، عطيها حلوة وماء غريب وخليها على بطنها بس تكوني قريبة منها وماعليها شر..

مثل ما قالت الاخت
لاحظي أكلج
وابتعدي عن البقوليات
والبيض
ومسببات الغازات
واشربي الاعشاب
من بابونج
ونعناع
وينسون
لان تأثيرهم يوصل لبنتج مع الحليب
وبيريحها ان شاء الله
ولا تنسين التدليك الخفيف
بزيت زيتون دافي
(بعيد عن السر)
بكل حنان ونعومة
والله يعينج

ما تشوف شر الصغيرونه

بما انج استشرتي الدكتور استخدمي الوصفه اللي كتبها لج بس انتي بعد انتبهي الى اكلج لا تاكلين ولا تشربين اشيه تسبب الغازات الى الصغيره وما ادري اذا كنتي في الوقت نفسة ترضعينها صناعي وطبيعي في نفس الوقت اذا كان جذي انتبهي للاكل وشوفي يمكن الحليب الصناعي ما يناسبها

ومثل ما قالت اختي رقديها على بطنها ترى بريحها وايد

المشكله اني ما اقدر استغنى عن الخضرة في اكلي ...

والينسون شربته مرة في الايام الاولى سوالي نفس النزيف

مها العروس

ارضعها طبيعي بس ..

رانيا البحرين .. شو الحلوة ..(قصدج ماي وسكر نبات )....؟؟

بسالكم .. ممكن المصاصه تزيد الغازات ... ؟؟

ذكرتيتي يوم تلاحقين على نفسج ولدي صار له و ولدي سوا الحينه انتي ام للمرة الثانيه و بعدج على هالطبع ..


اول شي الف الحمدالله على السلامه .. بعده ولدج صغير ليش استعيلتي هههههههههه

وحدة تخاف ..

المهم .. لا تشربينها ماي او اي شي غير حليبج .. شي ثاني نوميها على بطنها دايما و اتأكدي انها بعد كل رضعه اتجشعت لا تنزلينها قبل ما تتأكدين ..
و لمي اصابعج كلها لبعض و كأنه الكف صاير مثل الفراغ و اضربيها اب ضربات خفيفه على ظهرها ..


و خذي الانفوكل تراه يفيد مرات

و ان شاء الله ما عليه شر


نسيت اقولج الفترة هذه اعياد و ما تضمنين يمكن عين او شي رقيها و اقري عليها ..
و طمنينا عليها ...

صح نوميها على بطنها وايد يرتاحون

وبعد لازم تستحملين لمدة 3 شهور

ووهالشيء طبيعي لاغلب الاطفال

عادي حبيبتي لا تخافين شئ طبيعي بس انتبهي من اكلج لا تشربين بيبسي و كولاا و اي شئ في غازات اعطيه ينسون رقم واحد بس في الرضاعه حقتها في المغرب علشان ترتاح و تنام وعطيها ماء غريب بعد وحطيها على بطنه بس كوني يمهاا وربي يحفضها لج و تتربه بعزج. تحياتي....

بس بسالكم عادي اعطيها ماي غريب وهي عمرها 20 يوم

لا اختي..
الماي غريب للي اكبر عن شهر

اممممممممم مسكينه يعني ما اقدر افيدها بشي

بجعه،، الانفاكول وايد زين اعطيها اياه قبل لا ترضعينها وعقب ما تخلصين حطيها على بطنها وتمي سوي لها مساج على بطنها بترتاح ومثل ما قالوا لج الخوات ابتعدي عن اي شئ يسبب لج غازات،، واعطيها الينسون او انتي اشربيه الحين قلت بجرب لبنتي الميلوبا امبرس وبشوف شو النتايج... بس الانفاكول وايد مرتاحه منه