قصة ولادتي بولدي البكر

وسوت الفحص مرة ثانيه وهالمرة عورني اشوي لأنها تعمقت وقالت ما احس الا بريول البيبي
وجابو لي جهاز السونار وصورت البيبي طلع معترض وراسه بصوب وريوله بصوب وانا ذيك الساعة في حاله يرثى لها ..

هي الدكتورة قالت عمليه وشافت دموعي طلعت من الغرفة وريلي قاعد يسكت فيني وانا مو قادرة امسك دموعي
وبعدين جاوني الممرضات يجهزوني وتمنيت مت ولا صرت بذيك الحالة ..

وجات دكتورة البنج وشافتي وهي دقول : اشوف الدموع ليه وانا مو عاطيتها ويه

وسالتني اول مرة قلت لها : ايه قالت ايوه عشان كدا خلاص ما تعيطيش يا حبيبتي دحنا الستات غلابى

وبعدين ريلي قعد وياي اشوي وانا اطالعه واقول هذي يمكن آخر مرة اشوفه فيها وقعد يهدي فيني الين ارتحت نفسيا

وبعدين جو لي الممرضات خلاص بياخذوني ونقلوني من السرير الى سرير ثاني وودوني وريلي يمشي معاي الى ان صرنا قريب من غرفة العمليات قالو له خلاص وقف هنا .. وانا من قالو له خلاص تشهدت وقلت الحمد لله اذا صار فيني شي رمضان وصايمة وهنيه الطلق صار كل 10 دقايق وكان الألم يزيد في كل طلقة

وحطوني بغرفة الساعة 4 وجاتني الدكتورة سالتني متى آخر مرة أكلتي قلت من السحور قالت خلاص العمليات على طول وخلوني الى 4 ونص

بس تدرون هذي النص ساعة حسيت الدنيا دارت فيني ما بقى حد قال ادعي لي وقت الولادة الا دعيت له
وفيه عضوة ما نسيتها اهي ملاك دعيت لها تحمل اهي واختي واللي اعرفهم واللي ما اعرفهم وحسيت اذا خلصت من العملية راح تتغير حياتي لأن العملية مهما تطور الطب تبقى عملية وتدخل فيها ايدي بشرية
غير الولادة الطبيعية بس حكمة ربي وارادته

وبعدين دخلوني الغرفة الكل لابس اخضر والغرفة باردة وشفت الدكتورة وبيدينها المقص قاعدة تعقمة فقلت خلني ارفع عيوني اطالع اللمبات احسن وآخر شي اذكرة اني حسيت ببرودة ابرة البنج وبعدها قعدت وانا بغرفة الأفاقة

حسيت بطعم البنج وتحركت وبعدها جات الممرضة شالت الأكسجين عن حلقي وابي اتكلم حسيت مافيني صوت
ورجعت ناديتها سألتها عن ريلي والبيبي
قالت ريلج برى والبيبي بخير ويبتي ولد وهو بخير وبعدها رجعت غفيت الى ان صحصحت مرة ثانية وجاو لي الممرضات وشافوني اني رجعت لوعيي وشالن عن اجهزة التخطيط حقات القلب والتنفس وبعدها نقلوني لسرير ثاني وودوني للغرفة

وهناك جاني ريلي فديته ما صدقت لما شفته جاني 8 وما لحق يفطر كان يحاتيني وبعدها كلمنا الحضانه عشان يجيبون البيبي وكان هذا اول واحلى اجتماع لعايلتي الصغيرة ريلي حمل محمد الصغيرون ووراني اياه وانا طبعا ما كنت قادرة اشيلة من ابر المغدي

والحمد لله على كل حال .. ووزني نزل 10 كيلو بعد ما سويت العملية لما طلعت من المستشفى ودمي نزل الى 7 ونص وكانو يبون يركبون لي دم بس انا وقعت على مسؤوليتي وعانيت تقريبا 15 يوم من الام العملية ولو لا الحبوب المسكنه ما كنت عارفة شنو باسوي

وطبعا الحين خفيت بس الألم لا زال موجود مع الحركة بس شوفتي لحمودي تسوى عندي الدنيا ..

وطبعا لازم اكون مرتاحة مدة شهرين بعد العملية ولا احمل شي ثقيل ولا اسوي حركات عنيفة وذاني الحين قاعدة ارجع لحياتي الطبيعية اشوي اشوي

وكل مرة اشوف حمودي احمد ربي واشكرة على هذي النعمة


تمت بحمد الله

اندمجت مع قصتج عدل,,
الف الحمد لله على سلامتج حبيبتي وما تشوفين شر,,
الله يعطيج العافيه ,,ويتربى النونو في عزكم والله يحفظكم له ويحفظه لكم ياااااارب,,

الف الحمد لله على سلامتج ويتربى النونو في عزكم والله يحفظكم له ويحفظه لكم ياااااارب,,

حمدلله عالسسسسسسسسسسلامه انتي وحموديييي ، ياربييييييييي قاعده انا مشدوده كاني بتابع فيلم ومتاثره ، كمان شويه هعيط ، بتخيل نفسي مكانك ، ربنا يعينك يارب ويخفف عنك ، اكيد شوفة البيبي تنسي كل اوجاع الدنيا ، ربنا يحفظه ليكي من كل سوء ويهنيكي باسرتك الصغيره دي وتكبر كمان وكمان وعقبالي يارررررررررررررب

السلام عليكم ورحمة الله وبركاته

سبحانك يا رب...تذكرت نفسي و ولادتي...

بس الفرق إني لما دخلت غرفة العمليات كان الطلق كل دقيقة...و الرحم مفتوح...بس مريم نبضها وصل للنصف...الحمد لله على كل حال...

ألف حمدا لله على سلامتك يا مرايم...يتربى محمد في عزكم يا رب...

شوفي هالموضوع...بما إنك من أصحاب القيصرية...بيفيدك كتير إن شاء الله...

الموضوع من هنــــا

الف مبرووووووووووك

والحمد لله على سلامتج

ويتربى في عزكم

الف الحمد لله على سلامتج وسلامة حمودي.........

ومبروك ما جاكم وان شاء الله اتشوفينه معرس.....

الف الحمدلله على سلامتك
ويتربى حمودي في عزكم انشالله

ودعواتكم الله يسهل علي وعلى جميع العرايس

ما تصدقين اشكثر فرحانة لج عزيزتي

الف مبروك لج على البيبي

يتربي في عزكم ان شاء الله

بسم الله ما شاء الله
والله اكبر

ربنا يكرمك ويحفظه ليكي يا رب

الف مبروك اختي الكريمه علي المولود الرائع محمد

وكل تعب الولاده يهون في سبيل ابتسامه منه

اختك في الله
قمر

انا بصراحه اندمجت اندماج مااتتخيلينه بقصتج ...

بس بصراحه انا ااتريا احمل ... لكن الحين هونت .. مابى خلاص والله خايفه من بعد ماقريت الموضوع

الموضوع

حمدلله على سلامتج اختي وسلامه المولود والله يخليه لج ذخر

قصتج تعور القلب لدرجه خلت دموعي تنزل ، ادعي لي الله يسهل علي ما بقى شي واولد

ويتربى حمود في عزج وعز ابوه
ويحفظه الرحمن من كل شر

تستاهلين السلامة اختيه ومبروك ماياج .. ويتربى بعزكم ان شاء الله

الحمد لله على سلامتك وان شاء الله يتربى فى عزكم حمودى

[grade="00008B FF6347 8B0000 4B0082"]حمد الله على سلامتج يالغالية
زعقبال كل حامل تولد بالسلامة يا رب[/grade]

الف الحمدلله على سلامتك
ويتربى حمودي في عزكم انشالله

ألف مبروووووووووووك ع جيت حمودي لهذه الدنيا بالسلامة


والحمد لله ع سلامتك يا أم محمد


عقبالناااااااا يا رب

الف الحمد لله على سلامتج ويتربى النونو في عزكم والله يحفظكم له ويحفظه لكم ياااااارب