مرحبا اريد منكن المساعده

اهلين مرح .. انا مثلك عرسي ان شاءالله بعد اربع او خمس شهور ..

بس انتي ليش محتاسه كذا ؟؟ شوفي اول شي اذا كان مهرك معاك يعني مو في البنك جيبي ظروف وقسميها فيها يعني مثلا مثلا اربعة الاف ملابس داخليه وقمصان نوم .. 10 الاف فساتين .......... وبكذا تكونين حددتي كل شي واسعاره

عاد ابدئي بتقسيم روحاتك اهم شي انك ماتروحين للسوق وانتي ماتدرين بتشترين ايش اليوم ... روحي للسوق اليوم مثلا وانتي محدده بتشترين تايورات .. خلاص لاتشوفين شي غير التيورات حتى لو رحتي كم مره عشان التيورات ..واهم شي لاتكثرررررررررين ملابس لانك من اول شهرين بعد الزواج بتطفشين من الملابس ..

واذا انتي من الرياض قولي لي احددلك الاسواق الخاصة بكل شي عشان ماتتعبين وانتي تدورين ..

انا الحين خلصت اكثر اغراضي

عندك الذهب شريته طبعا لاتكثرين ذهب صغير لانه بيجيك هدايا كثييير كلها ذهب يعني اشتري بس طقم واحد ذهب اصفر وطقم واحد ذهب ابيض ولاتشترين الماس لانهم يقولون اذا جيتي تبيعينه سعره يطييييح مره واشتريت الساعه واشتريت التيورات والملابس الداخليه وقمصان النوم ...
عاد باقي لي العطورات والفسااااااااتين هذي اللي شايله همه وطبعا باقي لي بعض الاشياء بس انا حاولت اخلص اكثر الاشياء بالاجازه عشان ارتاح بالدراسه والله يعين ...

واي سؤال انا بالخدمه :)

ايه نسيت اقولك مرح ابدئي من الحين باالاهتمام بنفسك من كريمات .. وحاولي تاكلين فاكهه كثير وتسوين رياضه عشان تصيرين نشيطه وبشرتك حلوه وطبعا لاتنسين الخلطات والتدهييين والحوسه وشعرك اهم شي انك تعتنين فيه يعني في البيت لفيه كعكع من ورى داااااايم عشان مايخرب واذا طلعتي للشمس والهواء لفيه دايم عشان مايخرب ولاتحطين مكياج الا في المناسبات الضروووووريه لشيئين .. الاول عشان بشرتك ماتخرب والثاني عشان اذا تزوجتي وحطيتي مكياج يشوفونك الناس غييير ..

وبالتوفيق

هلا وغلا طيوفه:)

والله كلامك حلو مره

بس صدقيني انا من النوع الي يخربط باشياء مال امها داعي

مثلا انزل للسوق بالف ريال على اساس اشياء حاجات تعجبني مو شرط

اكون مخططه لها .. ويوم رجعت للبيت انصدمت بان هاالالف طارت على

اشياء سخيفه :o صدقيني حتى اني استعملتها ولا احتفظت بها لبعدين:s

مشكلتي اني مااعرف اخطط صح للاشياء الي ابيها

بس حلوه نصيحتك اني احط براسي اول شي التايروات ولا اشف غيرها

لين اخلصها بتبه عالطريقه;) ومشكوره موووووووووووت ......

بالنسبه للكريمات الي المفروض استخدمها من الحين ممكن تساعدين

وتقولين لي ..... مع العلم في الفتره ذي مااستخدم غير مرطبات يولاي

الليل والنهار فقط....... وكريم اسمه eldoquin forte 4% طبعا هذا للتفتيح

وتناسق لون البشره .......

ارجوكي اذا كان عندك مرطبات او كريمات افضل ساعدني

وكل الشكر لك يا (l)

على فكره خساره انا مو من الرياض :( اانا من حائل

بس ان شالله راح انزل للرياض لان فيها اغراض لازم اشتريها من عندكم

وتحياتي الحاره لك اختي طيوفه واسفه للاطاله

اهلين مرح حياك الله في الرياض متى ماجيتي ..

اسمعي مرح بالنسبه للخلطات .. اذا عندك مشكلة السواد اللي في الكوعين والركب ماااااافي غير الليمون صدقيني انا جربت كل شي لدرجة اني رحت لدكتوره تسوي تقشير وتدرين وش سوت لي هالدكتوره سحبت فلوسي وبس الله لايوفقها .. المهم جربي الليمون مع كريم جليسوليد الاحمر تعرفينه ؟ اللي يسمونه الحالي :)
اعصري تقريبا نصف ليمونه او ليمونه كامله احسن مع الكريم وكل ماكثرتي كل ماكان احسن يعني مافي مانع تحطين ليمونتين ودهني فيه والبسي شراب تحتها كيسه يعني اذا دهنتي مره جيبي كيسه صغيره والبسيها وحطي الليمونه اللي عصرتيها والا جيبي ربع ليمونه جديده عادي اي شي المهم حطيها على السواد والبسي الكيسه والبسي فوقها الشراب صدقيني من اووول مره بتشوفين الفرق ..

طبعا هذي الخلطه تنفع للجسم كله مو بس السواد .. واذا انتي عادي تتحملين اي شي اخلطي لك كريم جليسوليد مع تقريبا نثف علبة فكس مع ليمون ودهني جسمك كله ..

هذا اللي عندي الحين وبالنسبه للشعر انا بجرب على الفتره الجايه خلطه جديده بالنسبه للتساقط ان شاءالله تنفع :)

واي شي انا حاضره اختي مرح ..