تعالوا شوفوا اللوك اللي سويته في العيد

مرحبا بنوتات

شخباركم ؟؟

بدخل في الموضوع على طول بدون مقدمات

في العيد كانت بدلتي فيها لونين اساسيين وهم الوردي و الازرق

احترت في لون المكياج اللي ابي احطه .. مابيه يكون وايد باهت ولا يكون قوي وايد

ابي يبين فيني تغيير لكن بدون دفاشه ،، لأني بحطه الصبح :shy:

احترت بين اللونين ،، لو حطيت وردي ماحس بتغيير لأني دووم احط وردي

ولو حطيت ازرق بيطلع over ودفش للصبح

تميت لين ليلة العيد مب مقرره شنو احط

دخلت موضوع حبيبتي مجوده للوكات المتجدده

و اول لوك طاحت عيني عليه عجبني وايد

خصوصاً انه يجمع بين اللونين ،، و مناسب وايد للصبح و حسيت طريقته والالوان جديده علي

و هذا هو اللوك



وقبل مابدي بالطريقه

ارجع و اشكر مشرفتنا الغاليه مجد ،، لأن موضوع اللوكات وايد وايد فادني ،، وطبعاً مانسى باقي مواضيعها ونصائحها الغاليه (f)

بعد ماغسلت وجهي ونظفته ونشفته


وزعت مرطب العين من كلينك
الستروب كريم من ماك
وبعد ما امتصتهم البشره
رشيت الـ fix من ماك


في هاللوك حبيت استخدم فاونديشن الدبل وير من استي لاودر
لأنه طبيعي على البشره و تغطيته حلوه و يدوم فتره طويله ،، وهذا هو المطلوب في هذي المناسبه :shy:
وزعت الفاونديشن بالاسفنجه
و وزعت كونسيلر ماك Select Cover-Up على منطقة العيون


وزعت بودرة جيرلان على كامل الوجه
وبالفرشاه المائله وزعت البودره الحره من ماكس فاكتور تحت العيون ،، عشان تلتقط الشادو المتناثر ويكون الميك آب نظيف و مرتب


مشطت حواجبي ،، ومليتهم بالتاتو من ميك آب فور ايفر وبعدين ثبتهم بالماسكارا الشفافه


1/ حطيت من الهاي برو من بنيفت على عظمة الحاجب و وزعته بصبعي
2/ بفرشاة الشادو وزعت شادو نايلون من ماك على عظمة الحاجب و على كامل الجفن الثابت


وزعت الكحل الكريمي من ماك بدرجة Delphic بفرشاة 219
على كامل الجفن المتحرك و موهته شوي


على القوس وزعت الشادو Cranberry و دمجته و وزعته بفرشاة الدمج 224 ورفعته شوي لفوق عشان يمتزج مع النايلون ويكون لونه شوي افتح


بفرشاة 219 حطيت شادو jeweltone على القوس بنفس الطريقه السابقه ونمدجه مع حدود الشادو Cranberry وبعدين موهته بفرشاة الدمج224


بفرشاة الشادو وزعت الشادو التركواز waternymph على كامل الجفن المتحرك " مكان السهم في الصوره " و دمجته بفرشاة 224


على الزاوية الخارجيه للجفن المتحرك وزعت الشادو الازرق Freshwater وبعدها موهته شوي بفرشاة الدمج عشان مايبين اللون وايد قوي


بالفرشاة المائله 266 وزعت من نفس الكحل الكريمي التركواز Delphic على الجفن السفلي ويكون الخط ناعم ،، مو حلو لو كان عريض ..
فوقه وبنفس الفرشاه وزعت الشادو التركواز waternymph واترك الربع الأخير بدون شادو
ليش ؟؟
عشان على الربع الخارجي من الجفن السفلي اوزع الشادو الازرق Freshwater


1/ كحلت عيني من داخل بالكحل الاسود من بنيفت
2/ عقصت رموشي بالـ :qaq: lash curler
3/ حطيت من ماسكارتي الحلوه من ايف سان لوران :shy:


بفرشاة 129 وزعت البلاشر الوردي من J.casanova


بفرشاة 187 وزعت iridescent powder اللي تعطي لمعه و اضاءه على منطقة الخدود و عظمة الانف


وزعت المحدد cranberry من ماك
وبفرشاة الشفايف وزعت الروج من نينا ريتشي ،، هو لونه مبين غامق لكن على الشفايف يكون لونه طبيعي بلون الشفايف ،، حطيته عشان يفتح لون القلوس اللي فوقه ،، لأن مابي يكون لونه قوي
آخر شي حطيت قلوس ديور وبجذي نكون خلصنا هاللوك

اهلي وايد عجبهم اللوك ،، وحبوا طريقة وألوان الشادو :gum:

ملاحظه : انا حطيت على الجفن المتحرك الكحل الكريمي التركواز ،، عشان يبين الشادو لمعته اقوى ،، وعشان املي الفراغات عند الرموش لأن في هاللوك مابيكون في ايلانر فلازم نهتم بهالنقطه
واللي تحب تكتفي بالشادو التركواز بدون الكحل الكريمي بعد بيطلع حلو وثابت

اتمنى يكون موضوعي عجبكم :shy:

(f)