الله يخليكم عطوني رايكم

هلا اختي جوري
والف مبروك مقدما
بالنسبه ليوم الخطوبه انا مثلك كانو اهله كلهم جاين وهو بعد
فلبست لهم تايور مرتب مستور باكمام طويله وفكيت شعري ودخلت عليهم وبعدين عليه وشعري فاتحته عادي ما فيها شي اذا فتحتي شعرك مو شي محرم
بس اقول لاتدوخين راسك وافتحي شعرك وما عليك من احد اهم شي لبسك مستور ومكياج خفيف مره روج فاتح مره بس
وصلى الله وسلم

اشكرك اختي بـســمه على الرد..........


والحقيقه ريحتيني وانشاء الله احاول ما ادوخ راسي وجزاك الله خير........

هلا اختي جوري

اهم شي يكون لباسك محتشم

واما عن شعرك با العكس ايش الي يحلي البنت غير شعرها با العكس اختاري تسريحه نعومه

وحطي مكياج خفيف والله يسعدك ويهنيك


واهم شي انك تكونين ريلاكس لا تخافين وكل ما كنتي طبيعيه زادك حلا وجمال وجاذبيه

اتمنى اكون افد تك

تسلمين والله وردة القصيم.............

وجزاك الله خير واتمنىانه يمر اليوم على خير واشكرك على ردك للموضوع ........

وانشاء الله اخدمكم في الافراح.........

اهلين اخت جوري .. انا طبعا عضوه جديده مثل مانتي شايفه بس حبيت افيدك ان شاء الله باول مشاركه لي ...

شوفي جوري خلي الموضه على جنب في لبسك وفي شعرك خصوصا في هالمناسبه .. انا مثلا لما جا يشوفني خطيبي لبست لبس عادي بس اخترته هو بالذات لان لونه كان يناسبني لان لونه وردي وانا اكثر شي يناسبني الوردي فحاولي انتي تختارين الالوان الفاتحه لانها تعطيك شي من البراءه والنعومه وفكي شعرك طبعا وخليه طبيعي ومكياجك خليه مرررره خفيف مايغير الطبيعه كثير ولا تلبسين جزمه عاليه صدقيني كل ماصرتي طبيعيه كل ماصرتي احلا .. وبعدين اذا دخلتي لاتنزلين راسك على طول صدقيني الموقف عادي انا كنت خاايفه بس لقيت الموضوع عادي كانك مبنجه وانتي داخله :) ادخلي وانتي رافعه راسك عشان يشوفك زين وبعدين اذا مشيتي شوي نزلي راسك وبعدين اذا فيه احد معك يعني اخوك ابوك اي احد قولي له يطلع شوي عن الغرفه مثلا يكون عند الغسالات اذا كان فيه غسالات قريبه من الغرفه عشان ماتستحين والا يكون جالس بس مايطالعك ..

وبس هذا كل شي بس مثل ماقلت لك حاولي ماتغيرين طبيعتك كثير واهم شي اختاااري الالوان الفاتحه احلى ..

طولت عليك بس حبيت اساعدك لاني حاسه بموقفك :)

ايه نسيت اقولك شي اذا دخلتي لاتنسين تقولين السلام عليكم وتقربين منه شوي عشان مو اذا طلعتي وارتحتي من الهم يرجع يقول ماااشفتها ابي اشوفها مره ثانيه بعدين انتي ترجعييين مره ثانيه :)

jتسلمين اختي طيوفه......

الحقيقه كفيتي ووفيتي والله يوفقك واتمنى انه يعدي على خير ولاتنسوني من دعواتكم...........(ثقلت دمي شوي عليكم ) لكن انتو مثل خواتي........................
وشكرا

وعليكم السلام ورحمة الله وبركاته ..

مثل ما قالوا خواتي البسي لبس محتشم ومكياج ناعم والشعر مفكوك

وبالنسبه الى دخلتك عليه البعض منا يخجل وما يقدر يدخل وشعره باين

يعني تغطي شعرها لكن اذا كنتي من النوع الجريء عادي :)

مشكوره اختي اماسي ....

على ردك للموضوع وجزاك الله خير...........

أنا الصراحه ما اعرف شو اقول لج ؟؟؟ بس في بعض الناس ما يحبون يشوفون الوحده مطلعه شعرها مع اني سمعت انه مب حرام اذا الخاطب طلب يشوف شعر البنت عادي تراويه


لكن انا خطبني واحد قبل ورفضني بعدين والسبب اني كنت مطلعه شعري وكنت صغيره في الثانوية العامه

اما بعد ما تخرجت من الجامعة ملجت وريلي يوم جافني طلعت له متحجبه لاني تعلمت درس ... ونفس الشي قال لي لو كنتي مطلعه شعرج جان ما قبلتج ؟؟؟

سوري بس في ناس متعقدين وايد ومتشددين مع اني اشوف انه الوحده لازم تطلع باحلى صوره وما في داعي للتشدد وكل وحده وحظها ؟؟؟

حبيت اقول لج شي عن تجربه واسفه على الاطاله