يللا يا بنات نعمل ريجيم مع بعض

هبدأ بنفسي.....الأول أعرفكوا على نفسي ريجيمياً

في وقت من الأوقات كنت ضعت فعلا.....تخنت بطريقة فظيعة ووصلت لوزن 97 كيلو
بدأت أقلل من الأكل بس من غير هدف ووصلت ل 94 كيلو
تابعت عن دكتور ريجيم لمدة اسبوعين مع المشي و التنس ووصلت ل 88 في اسبوعين
قطعت ريجيم الدكتور ووصلت ل 87 لوحدي
ثبتت فترة طويلة و عملت ريجيم لوحدي و رياضة وصلت ل 84 و لما وقفت رجعت ل 86
تابعت عند دكتور تغذية تاني مع الرياضة أو الحركة المستمرة ووصلت ل 71 في 3 شهور و نص
قطعت الريجيم مع تغيير عاداتي الغذائية القديمة أوي مع الرياضة ووصلت ل 68

إتخطبت و الحياة بقى لونها وردي و رمضان دمرني و تخنت تاني
أنا فعلاً مدمرة دلوقتي....كل ما أفتكر قد ايه كنت فخورة بنفسي و ثقتي بنفسي.....فرحتي لما كنت أشتري لبس جديد
كل ده راح............مؤقتاً
نظام....أمل و تشجيع:bigsmile:

نبدأ الكلام العملي بقى
طولي 160 او بالتحديد 159.5 سم
وزني اخر وقت وزنت فيه 70.400
أتوقع وزني زاد 3 كيلو خلال رمضان و بكره هجيلكوا بالخبر الأكيد بالوزن الجديد

هدفي.....أوصل مبدأياً ل 67 في 4 أسابيع من النهارده
الهدف التاني....أكون في الوزن ده لما أبدأ أشتري اللبس الشتوي الجديد

الخطة....هتابع ريجيم مع دكتور تغذية
مع الريجيم باخد أدوية شهية و تقليل نسبة دهون
مع رياضة في صالة جيم

البداية.....بكره انشاء الله

انا مبسوطة اوي من الفكرة وربنا معاكي ويوفقك لغاية ما توصلي للوزن الي تتمنيه
انا الحمد لله وزني يعتبر مثالي بس مشكلتي ان انا الدهون عندي مش بتتوزع بنسب متساوية علي جسمي يعني مثلا بتتركز كلها في وسطي وبطني ورجلي تفضل رفيعة اوي فبتبوز شكلي انا عايزة اعمل ريجيم ينزل بطني ووسطي بس ويحافظ علي شكل رجليا مش عارفة ازاي:sad:
متهيألي انا محتاجة ساحر وجربت التمرينات بتاعة البطن مرهقة ومتعبة ومابتجيبش نتيجة سريعة ولما ببطلها بترجع اكتر من الاول:confused:
جربت الشاي الاخضر والمرمرية(c) ولا حياة لمن تنادي:sad:
مش عارفة اعمل ايه اخرت ما زهقت قلت اروح لدكتور تخسيس ينزلهالي بالذبذبات انا اسمع انه بيشد العضلات ويذوب الدهون بس مترددة وبقول خليني قبل الجواز احسن ترجع تاني قبل الفرح لو عندك حل تاني ياريت تفيديني بيه

السلام عليكم يا بنات
انا وزنى دلوقتى 67 كيلوا و طولى 165 سم (هو بالانجليزى 5 فيت و 6 انشس و وزنى 149 بووندس ) و نفسى اخس 10 كيلوا قبل شهر سبعة
انا عضمى وصط يعنى مش تخين اوى ولا رفيع اوى بس المشكلة ان انا عندى انيميا يعنى كل احاول اخس يغمى على و غالبا كل ما تجيلى البيريود لازم تجيلى حالة الاغماء دى و مش عارفة اعمل ايه

serene-soul هى الذبذبات دى بكام؟

وانا معاكم

وزني قبل رمضان ب 4 اشهر كان 120 وفي رمضان وصلت 104 طبعا مع رمضان ضحكت اليوم وصلت 107 ههههههههه
المهم وزن ال 104 اخر مره شفته من 15 سنه وانا فرحانه الحين اني قدرت اجتاز العقده وعقبال الرقمين باذن الله انا مع دكتورة تغذيه رجيم على 1500 سعره حرارية واتمرن بالنادي ساعه احرق 400 وبعض الاحيان 350 سعره حراريه وادخل كلاسات رووووووووووووووعه للبدي بامب ممتازه شدة الجسم عندي العيد هذا الكل يسلم علي على اساس انا اختي هههه وزوجي لما رجع من الدورة تفاجا هههههههه قال اضعف من العرس قلت ضعفت لأنك تستاهل اني اضعف لصحتي اولا ولبنوتي حور ثانيا ولك ثالثا طبعا زيادة الوزن اكثر في فترة الحمل لكن الصراحه عملت معجزه وفرحانه بنفسي وقلت اني راح ازور دكتورة التجميل الي قالت لي ما في فايدة لو ضعفتي الزوائد ماراح تروح لكن انتظر شوي وبوريها انه بدون شفط ومشارط راااااااااحت الزوائد ولا تشققات ولا نيله
لا تفقدون انا اسمنكم واكبركم وصدقوني الادراده المهم الرجيم الصح والمتابع من قبل دكتور صح وعلى فكره تكتوري مش خاص من مستشفى حكومي بعد .. ومدربتي الروعه وزوجي واهلي الي ساعدوني وانا وتحديدي للهدف واصلا انا وحده مستمتعه بجسمي حتى وانا ديناصورة فلا تفكرون
ابحثي عما هو جميل فيك وتمسكي به وهرولي للارتقاء وللتغير ...تحياتي ومعاكم بكره اول تدريب بعد الانقطاع من منتصف رمضان واي سؤال انا حاضره

عروس مصر:
serene-soul هى الذبذبات دى بكام؟

الذبذبات دي عبارة عن جهاز بيتركب علي المكان اللي انتي عايزة تشديه او تنزليه وبتفضل علي جسمك من نص ساعة لساعة والدكتور بيفضل يزود سرعتها وقوتها للدرجة الي انتي بتتحمليها وهي عبارة عن جلسات ممكن تعملي 3 جلسات في الاسبوع او جلسة واحدة حسب ظروفك او حسب الوقت يعني لوعايزة تنزلي بسرعة حتعملي جلسات أكتر لكن لو مش مستعجلة حتبقي براحتك وبيختلف سعرها من دكتور للتاني حسب المكان ومستوي العيادة والاجهزة يعني في دكاترة بتاخد في الجلسة اللي هي نص ساعة 30 جنيه وفي دكاترة بتاخد في الجلسة اللي هي ساعة 10 جنيه يعني حسب مستوي الدكتور وشهرته

أولاً يا جماعة أنا مبسوطة جداً بالتفاعل ده مع الموضوع
serene-soul
جلسات الذبذبات دي أنا أعتقد انها هي هي اذابة الدهون بالموجات فوق الصوتية
هي عبارة عن قطعة بتتثبت على الجسم و تتوصل بجهاز يرسل ذبذبات تدوب الدهون
جربتها جلستين 10 جنيه للنص ساعة....لكن مكملتش الجلسات عشان انا عايزة أخس عامةً في في جزء معين
ده كانت عند الدكتور اللي بتابع معاه....و حالياً عنده جهاز جديد ممكن أسألك عليه كمان

كمان فيه حاجة إسمها miso therapy.....دي حقن المكان بمادة تحرق الدهون
لكن معرفش مكان بيعمل العلاج ده...ممكن حد يفيدنا لأني أعتقد انه مجدي

طبعا الرياضة جميلة لكن تمارين البطن صعبة جداً و محتاجة مواظبة و تكثيف
لكن النتيجة اللي بتوصليلها تستاهل المجهود عشان مش بس هتخسس البطن كمان هتشدها
و رأيي تبدأي من دلوقتي و إستمري على روتين تحافظي بيه على النتيجة اللي وصلتيلها بدل ما تتشغلي قبل الجواز
و أولاً و أخيراً إنتي بتتعبي عشان نفسك و بتخسي عشان نفسك
صدقيني مفيش أحلى من إنك تقفي قدام المراية و انتي فخورة بجسمك

عروس مصر
وزنك مناسب أوي بس إنتي عايزة تخسي أكتر من المطلوب
أعتقد ان وزنك المثالي 62 يعني مطلوب منك 5 كيلو بس
و متهيألي عشان كده بيجيلك إغماء لما تعملي ريجيم....عشان بتعملي ريجيم تخسيس و انتي مطلوب منك ريجيم تثبيت
و على فكرة ريجيم التثبيت بيخسس برضه بس بمعدل بطئ
يعني انتي عايزة ريجيم خفيف مع رياضة....
لو خسيتي بمعدل 2 كيلو كل شهر هيكون رجيم متوازن يعني أكل صحي
و على فكرة ريجيم التثبيت بيكون مثال للأكل اصحي اللي المفروض تستمري عليه طول حياتك
الوجبة لازم تحتوي على بروتين و خضروات و نشويات بنسبة قليلة و دهون تكاد تكون معدومة
لو لقيت نظام تثبيت عند الدكتور ان شاء الله أجيبه

انا معكم من بكره ان شاء الله حبايبنا
أبد بالرجيم

الله يعطيكم الصحه والعافيه

صدر الورق
ماشاء الله عليكي...صدقيني أنا فرحانة بيكي جداً
و هكون فرحانة أكتر لما نعمل نتيجة مع بعض ان شاء الله و تيجي كل اسبوع تقوليلنا خسيتي قد ايه و ايه المشاكل اللي قابلتك خلال الريجيم
شوفي قد ايه انتي فرحانة دلوقتي.....فرحتك هتزيد ان شاء الله كل ما تشوفي جسمك بيتغير
أنا على فكرة حصلتلي نفس المواقف الجميلة لما حضرت مناسبة و الناس شافتني بعد التغيير....ناس كتير مجتش تسلم عليا عشان مش عارفينني....متتخيليش قد ايه كنت فرحانة لما واحدة تدقق في وشي عشان تسترجع الملامح و تفتكرني
بجد كإنك إتولدتي من جديد

بالنسبة لموضوع التشققات....فيه مواضيع هنا في المنتدى عنها بس تابعي ترطيب الجلد و ان شاء الله مش هتحصل تشققات
و طالما بتعملي رياضة يبقى مش هتحتاجي عمليات لازالة الترهلات....لان زي ما الدكاترة بيستسهلوا يعملوا عمليات كمان النتيجة اللي بتيجي بالساهل بتروح بالساهل....و أنا سمعت تجربة واحدة كانت بتعمل رياضة و ريجيم و لما استصعبت الموضوع قالت تعمل عملية أسهل....طبعاً العملية جابت نتيجة و خست بس مع الوقت تخنت تاني و أكتر من الأول....و الطريف إنها رجعت تعمل رياضة و ريجيم (ما كان من الأول)

ربنا يوفقك في مشوارك...و إحمدي ربنا كل ما تشوفي نفسك في المراية عشان ربنا يساعدك تكملي

قمر من شافها طمر
أهلاً بيكي معانا.....:salam:
بكره قوليلنا وزنك و طولك و عايزة توصلي لايه و قوليلنا هتعملي ايه عشان توصلي لهدفك
ربنا يوفقك

الاسلام عليكم

انا عضوة جديدة واريد الانضمام الى الرجيم الخاص بكم و ارجوا ترشيح دكتورة معينة



للمتابعة معها او انظمة غذائية معينة

olaa
أهلاً بيكي معانا قوليلنا انتي فين و إحنا نقولك على دكتور يكون قريب
أنا اعرف دكاترة في شبرا و المهندسين ووسط البلد و دكتورة في مدينة نصر
و قوليلنا كمان طولك ووزنك و أهدافك

ممتاز ممتاز وإلى الأمام دائماً ..

دموع حالمة....شكراً على المشاركة
فينكوا يا بنات؟ محدش بدأ ولا ايه....

أين أنت يا رشاااااا....

عروس مصر....أنا جبتلك ريجيم تثبيت من عند الدكتور ان شاء الله تستفيدي بيه

يمنع وضع أنظمة حمية أو ريجيم

زي ما توقعت و قلتلكوا اني زدت 3 كيلو في رمضان
أنا دلوقتي وزني 73.2 كيلو
زعلت من نفسي أوي لما بصيت في الميزان.....بس قررت إن الزعل ده يكون دافع
طلبت من الدكتور ريجيم قوي و الحقيقة الراجل مقصرش
إداني ريجيم مفيهوش أكل....فعلاً أستاهل

ده تاني يوم ليا في الريجيم و حاسة اني في النزع الأخير بس بقاوم
حاسة إني معنديش طاقة حتى أضحك...:sad:
مقدرش أقول لحد في البيت إني تعبانة....مفيش قدامي غيركو يا حلوات

هااااااااااي

بنوتااات انا معكم

لان وزني المفروض يكون 61 وهو الحين 64,3

الشرقيه حياتي
أهلاً بيكي معانا
قوليلنا ايه المدة اللي عايزة تخسي فيها
و متهيألي ريجيم التثبيت هيفيدك لو ميهمكيش الوقت

آنا داشه أدعيلكم إنشالله كلكم تصيرون رشيقات يارب وتضعفون وأضعف معاكم قولو آآآآآآآآمين...