صداع مزمن لدى طفل عمره 7 سنوات مالحل ؟؟

اختي أنام يوم كان عمري 8سنوات كنت اعاني من صداع واذا ركبت السياره ادوخ ومستحيل اسافر لاي مكان ويجيني غثيان واهلي ما خلو ولا دكتور الا واخذوني لعنده بس كلهم يقولون ما فيه سبب معين وتخيلي يوم وصل عمري 18 لاحظت ان عينوني اذا قفلت اليمين وطالعت باليسار احس ما اقدر اطالع زين وكان يجيني صداع رهيب خصوصا اني كنت بالثانويه العامه فاهلي اخذوني لمركز الصالح لطب العيون في الرياض ويوم كشف عني قالي عندك بعد نظر وعيني اليسار عندها ارتخاء في الاعصاب ولاني ما تعالجت من يوم كنت صغيره مركز الاعصاب للعين اليسرى توقف وقالي لو كنتي صغيرة كان نقدر نعالجك بس الحين كافي علاج إلاالنظارة
وقال لاخوي مثل هالحالات تجي عند الاطفال ويعانون من صداع وعلشان كذا احنا دايم نحث الوحدة الصحيه المدرسيه انهم يسوون كشف لنظر الاطفال
فيا اختي ياليت لو تاخذين ولدك لدكتور عيون علشان تتأكدين يمكن يكون هذا هو السبب والله أعلم والله يشفي ابنك من كل شر وسوء

اختي ام انس الله يشافي ابنك باسرع وقت ان شاء الله ويشافي جميع امة الاسلام

اعرضيه على طبيب عيون ......يمكن يكون عنده ضعف في النظر

زي ما قالت لك الاخت اعرضيه على دكتور عيون

ممكن يكون عنده ضعف نظر

وان شاء الله ماعليه الا العافيه

اختي

انتي تقولين انه يجيه صداع ويزكم خفيف

هذا معناه جيوبه ملتهبه

خذيخ لدكتور انف وحنجرة وتاكدي ان ماعنده التهابات لان الجيوب تعمل صداع في الراس

واقري عليه قران ( المعوذات وآية الكرسي )

وخذيه لشيخ يقرا عليه يمكن صايبته عين

انا كنت اعاني دوم من الصداع
طلع هذا من الجيوب الانفيه
خلي طبيب مال الانف والحنجرة يشوفه اذا مافاد
دكتور العيون
الله يعافيه

مشكور ة اختي...

الله يشفية لكي باسرع وقت بس يمكن يكون من الجيوب الانفية او العيون ناس كثير يجيها صداع بسبب هذي الامراض.....

الله يشفي ابنك واعرضيه على طبيب عيون