عدسات؟؟

انتظركم لاتروحون بعيد<<:shy:

اذا عدسات ملونة ليش تعذبين عيبنج وهي حساسة حرام يمكن تلتهب

والطبية تقدرين تلسين نظارة بدالها

احسن شي تسألين الدكتور لان يمكن ما تناسبج العدسات والله اعلم

أنا عيوني حساسه .. و أنصحج تروحين للطبيب و هو بيشوف جالتج اذا يسمح انج تلبسين عدسات او لا .. يمكن يعطيج نوع يناسب حالتج

ضرورى تروحى عند طبيب

انا مره لبست وماناسبتني وسببت لي حساسية ورميتها

يابنت الحلاااااااااااااااااال خلقة ربي ازين وسعي صدرك بس

ونعم بالله مافي شي اعظم من خلقه رب العالمين اعطانا بلا حدود ويكفي نعمه البصر الحمد لله

انا حاولت البسها لكن مانفعت والله ماعرفت ايش اسوي؟؟

فيه من جونسن عدسات للعيون الحساسه اتوقع تناسبك جربيها عند دكتوره وهي راح تعلمك طريقه لبسها افضل شي بس لازم ماتكون لك اظافر خاصه في البدايه عشان ماتجرحي العين لاسمح الله ولا شي ولازم لما تحاولين تلبسيها تكون يدك نظيفه عشان ماتلتهب العين

اشكرك من كل قلبي انا ماعندي جرأه واخاف كثير لازم اروح عند طبيبه بس اخاف تتمسخر علي؟؟

انا البس عدسات طبيه من جنسون اليوميه يعنى بس اربع وعشرين ساعه واقطها بزباله

اول شي غسلى ايدك زييين بمويه وصابون ولا تنشفينها خليها تنشف من حالها

بعدين افتحي علبه وحطى اصبعك وطلعي عدسه على بطن يدك وحطى شويه من محلول الى بنفس العلبه وحركيها باوسطى حركه دائريه

وحطيها على قمه (راس) الوسطى وايد ثانيه شدى جفن عينك الى تحت
وحطيها على بدايه عينك وبس حركيها من جفن يعنى لا تمسكينها

وان شاء الله تنفع معاكي

وحاااااااااااااااااااااااااااولى لين ما تضبط انا اول كان ابوى يحطها لي لين ما تعلمت


ويارب اكون انفعتك

سي يو

الله يوفقك بدات ارسم في خيالي الطريقه الف شكر لك

قمة يالغاليه
ليش ماتزورين الطبيب ويشوف حالتك


لا سمح الله يمكن معك انحراف لانه بنت خالتي نفس حالتك لما تيي تلبس العدسة عيونها تصير حمرا واااايد


وانتي انشالله مايكون فيج الا العافيه اانشالله بس يبيلج تتعودين عليهااا

عزيزتي انا مسويه عمليه ليزك ومن قبل العمليه ماقدرت البس العدسات
وحاولت لكني ماقدرت ادخل العدسه بعيوني

ياحياتي اسألي اي صيدلي وخليه يعطيك قطره مهدئه للعين تخص اللي يحط عدسات والبسيها وانتي مرتاحه ووداعا للأحمرار والحساسيه بسبب العدسات .. دعواتك

والله بقول لج قصتي مع العدسات
أنا جربت جميع الماركات الموجودة بالكويت وأنا مع العدسات عشرة طويلة ومن كثر الاستخدام بدأت تسبب لي حساسية فنصحني الدكتور وقال لي يا بنتي ليش تلبسين العدسات فقلت له من شدة ولعي فيهم قال صدقيني أنا دكتور عيون وشوفي عمري ما فكرت ألبس عدسات طبية لأن تسبب جفاف للعين وهي تمتص كمية من ماء العين الطبيعي فعلشان جذية تسبب لج الجفاف فقلت له إيش أسوي قال لي في علاجات مؤقته ترطب العين وأنتي لابسة العدسة وهو امبولات اسمهم ريفرش هذي تقطرين عينج قبل لا تحطين العدسات بربع ساعة وفي قطرة ثانية تقطرين نقطة فوق العدسة قبل لا تلبسينها ولما تلبسينها بعد تقطرين فوقها . وبصراحة أقولج ما يوفون بالغرض المطلوب لان شي مؤقت . والنهاية تدرين شنو سويت دعيت ربي أن أكره العدسات واقطهم بالزبالة
ونصيحتي لج ابتعدي عنهم لأن عيني أنا ألحين صارت حساسة جدا وتجف من كثر ما استخدم العدسات

أختي أنقلج هذه التعليمات المصورة للأخت makeup_artest من منتديات عالم حواء ويا رب تفيدج :) ,,



طبعا احرصي انك تشترين عدسه من نوعيه جيده ، لينه ، مرنه ، غنيه بالرطوبه والماء ، وبمرشحات الاكسجين . ومرشحات الشمس .


طريقة العنايه بالعدسات خطوطه خطوه منذ الشراء :

ـ النظافه اولا واخيرا :

اهم خطوه هي النظافه دائما وابدا النظافه تأتي اولا ، قبل لاتلمسين العدسه .


ـ اغسلي يدينك بصابون خاص بالايدي سائل وناعم في نفس الوقت.

ليش سائل؟ : لان القالب تتجمع فيه البكتيريا بينما السائل لا .

ليش ناعم ؟ : لان الصابون القوي ممكن تظل ذرات منه عالقه على ايدينك فتلصق بالعدسات وتسبب حرقان .

ـ نشفي ايدينك ، بس هاه انتبهي تنشفينها بمنشفه او منديل خليها تنشف كذا او بشغله مافيها وبر .

ـ النظافه ماتشمل غسل اليد فقط ، اغسلي وجهك ايضا قبل لبس العدسات وتاكدي انه خالي تماما من أي مرطب او مستحضر ، والافضل لو تلبسين العدسه بعد ماتغسلين وجهك مباشره ، بعدين حطي أي هباب تبينه . واحرصي احرصي احرصي تكوني لامسه مرطب قبل او أي شي دهني او كيميائي ممكن يعلق باليد .

ـ لاتنسين النظافه حتى بعد لبس العدسات ، يعني احرصي بعد ماتلبسين العدسه ان الماسكرا تلزق بالعدسه ، او البودره تتناثر ، او العطر او الاسبري يلمس العدسه أي شغله تحطينها حاولي تغمضين وانت تنثرينها سواء كان على وجهك أو شعرك .


جاء الحين وقت لبس العدسه



افتحي العلبه الجديده ، وركزي شلون تشيلين العدسه براحة الانامل وبرقه ، وتجنبي تلمس الاظافر ، لان الاظافر ممكن تشققها ، وايضا ممكن تلوثها .



الحين بحلقي زين في العدسه ، شوفي هل هي سلميه ؟ مقطوعه ؟ فيها عيب في التصنيع ؟

إذا سليمه ، خلاص اوكيه ابدي في مشروع اللبس .


الحين نبي نتأكد ، من اتجاه العدسه ، طبعا الكل عارف انه فيه جهتين للعدسه ، ممكن تلبسينها مقلوبه طبعا راح تأذيك وتحسين بالم وحركه وممكن تتحرك بعينك .

كيف نتأكد ؟

عندك طريقتين :




امسكيها براحة اناملك ، إذا طلع الشكل اللي على اليمين يعني غلط ، ولو تلاحظون العدسه ذابله نوعا ما .

بينما الاتجاه السليم هي العدسه اللي عاليسار مشكله مايشبه القبه .



اضغطي العدسه بواسطة السبابه والابهام .

إذا لزقت اطراف العدسه ببعض يعني سلميه ، إذا تباعدوا ولزقوا باصابعك يعني غلط .


نجي للمهم :

كيف تلبسين العدسه :

ايضا عندك طريقتين .



باليد :

امسكي جفنك باصبع يدك السبابه او الاوسط .

باليد الثانيه خلي العدسه على السبابه ، والاصبع الاوسط امسكي جفنك السفلي . وطالعي لتحت ودخلي العدسه .

مبروك لبستي العدسات تمتعي الحين بلون جديد او رؤيه أوضح .

ممكن تلبسينه بطريقه ثانيه بالاستعانه بجهاز :



نفس الفكره بس تحطين العدسه بالجهاز وهو يمسك العدسه ويمنعها من الانزلاق .

خلاص الحين لبستي العدسه ، وين تحسبين انك خلصتي ، لا لا لا ، تعالي هنا .

تأكدي انها في موقعها الصحيح . لانها ساعات تميل شوي ، او ماتكون ماخذه موقعها صح .



شدي طرف جفنك العلوي واسحبيها وراح تحسين ان العدسه تحركت شوي وأخذت موقعها .

إذا حسيتي العدسه تتحرك شوي ممكن تتبعين هالطريقه .



دلكي عينك باصابعك ، او براحة يدك .

إذا حسيتي بعدم راحه ممكن تقطرين في عينك شوي من المحلول . لانه مع محاولات اللبس المتكرره ممكن تتوسخ العدسه فالافضل إذا مانجحت معك التجربه لاكثر من مره تقطرين على العدسه قبل المحاوله الجديده ، او بعد لبسها .



خلاص الحين محد قدك لابسه عدساتك ، بس هاه الافضل ماتنامين فيها الا إذا كانت مخصصه للنوم ، مو تقعدين فيها اسبوع ، اكبر مده ممكن تقعدين فيها 6 ايام لا أكثر .
إذا الجو غبار شيلي محلول العدسه معك وقطري بعينك وإذا حسيتي بحرقان قطري فيها .

الف شكر اختي من جده ومن الكويت الله يحفظكم

مجـــــــــــــــــــــــــــد/

الف مليون شكرا لك اسفه جداااااااااااااااا تعبتك معك اسمحي لي والله ماكان ودي اتعب الله يسعدك وتسلم يدك والله

سيري للدكتور

احسن من نصايح الدكاترة ماكو