افيدوني ..كم ارضع ولدي؟؟

ليش ماترضعينه طبيعي ؟؟؟؟
حرام بتندمين بعدين لين عافه وصار مايبيه مثلي الحين اتمنى يرضع مني لو 5 دقايق بس
اهو الرضاعه يحتاج الياهل تقريبا كل 3 ساعات رضعه انا كنت اعطي حق ولدي كل 3 ساعات او ساعتين ونص رضعه وهو بروحه اصلا بيقعد يصيح اذا جاع لاتخافين من ناحيه عدد الرضعات بس اذا للحين يقبل الصدر تلاحقي عليه ياختي ولاتسوين مثلي تندمين :(

الله يعين هالياهل ...

حبيبتي بعده طفل حاولي ترضيعينه طبيعي ... صدقيني الصناعي ثقيل وبتشوفينه عقب فترة يرجع مثل الروب ..

اما اذا فات الفوت .. كل 3 ساعات رضعيه

اخواتي

شكرا على ردودكم بس اذا انا فيني حليب طبيعي اكيد ما كنت منعته عن طفلي و عطيته صناعي.
.رضعته شهر و نص بالغصب لانه حليبي كان قليل جدا و كان ولدي يصيح طول الوقت لانه مب مكفنه.وما خليت شي ما كلته ..وكنت حتى اشفط طول الوقت عشان يزيد بس هذي اراده ربي...مافيني حليب..
شكرا لكم

الله يحفظه لج ويجعله من الصالحين وقرة عين لكم

الافضل وللتاكد تستشيرين طبيبة اطفال

شكرا حبيبتي نوسه..الله يخليج

الحليب في الصدر يكفي الطفل
وكلما رضع زاد التدفق
بس بعض الامهات الله يهداهم
ما عندهم صبر......
وما يبغون يتعبون.......
يعني تبغون الجنة
ببلاش؟؟؟

أم نونية:
الحليب في الصدر يكفي الطفل
وكلما رضع زاد التدفق
بس بعض الامهات الله يهداهم
ما عندهم صبر......
وما يبغون يتعبون.......
يعني تبغون الجنة
ببلاش؟؟؟

شكرا اختي على الرد..بس سؤالي مختلف...بس انا ما طلبت فتوى عن دخول الجنه للي ما ترضع طبيعي!!!
شكرا لج

حبيبتي ذكرتيني بنفسي
اول ماولدت مافيني حليب وولدي كان يصيح مايسكت وكنت احاول اشفط صدري بس مايطلع الا قليل بالمره يعني مستحيل يكفيه وكسر خاطري وعطيته صناعي كنت اعطيه كل ساعتين ونص

الله يعينك اختي

حبيبتي ام محمد
ليش ما تسالي طبيب حمودي الخاص اكيد هو ادرى .. وحتى الكتب ( اللي اكيد انتي شريتي منها قبل الولادة ) راح تفيدك بكمية الحليب اللازمة وعدد مرات الرضاعة

الرضاعة الصناعية مافيها شي لو الام ظروفها ما تسمح بسبب مرض لا سمح الله او نشف حليب صدرها .. شتسوي يبعد تذبح نفسها
ماله داعي احد يلوم الثاني يمكن تصير له .. كل وحدة وظروفها

شكرا حبيبتي فتون..وجزاج الله خير


RoOomy حبيبتي
فديتج والله..احب اللي يقدرون ان الواحد تصير له ظروف..وانتي دايما فاهمتني
قريت في الكتب واعرف انه المفروض كل ساعتين ل 3 ساعات..بس ماشالله حمودي احيانا يطلب في اقل من ساعتين..فبغيت اعرف يمكن هو محتاج اكثر و يمكن انا ما اعطيه كفايه..
المهم سألت دكتوره امس..و قاللي عطيه قد ما يطلب...لا تحكمين نفسج بوقت معين...

اعطيه كل ساعتين ونص ...

مرحبا ام محمد
الله يخلي لج اياه يااارب
عني انا كنت ارضع فطامي كل 3 ساعات تقريبا عشان يلحق الحليب ينهضم وبعد عشان ما يستويلها غازات اما في بنتي الاولى شهد كنت ارضعها طبيعي ليما حملت و عقب صناعي بس نفس الشي كل 4 او 3ساعات

فمان الله

السلام عليكم ورحمة الله وبركاته

الله يحفظه لكم يا رب..

اييييييييه ذكرتيني ابنتي كنت ارضعها طبيعي مع الصناعي لانه ما كان يكفيها بس عقب عافت الطبيعي لاني كنت اروح الدوام وهي ترضع صناعي.. كل وظروفه الغاليه..

عن نفسي الحين ارضع ولدي كلما قام من رقاده.. الا بالليل انش نص الليل وارضعه علشان لا يخترب رقادنا نحن الاثنين..

هو كلما بغى حليب عطيه مش مهم انج تتقيدين بالوقت عزيزتي لان الطفل تكرمين يبول ويمزل فييوع مرات يهضم بسرعه فيوع.. انتي عطيه كل ساعتين وان بجى شوفي من الحفاظ والا شي ثاني لا سح الله مثل الغازات ان لا يعني يوعان فديته..

وفي طريقه تكتشفين انه يوعان قربي صبعج من شفايفه ان بطل حلجه يعني يبغي دودو :)

الطفل الطبيعى يشرب كل اربع ساعات وانتى شوفى علبة الحليب كمية الحليب وعدد الجرعات علشان يختلف على حسب الحليب