ممكن مساعدة في ديكور غرفة نومي؟؟

كيفكم يا عروسات المنتدى ، ان شاء الله كل عيد و انتم بالف خير يا رب
فصلت غرفة نوم جديدة و لسه ما جهزت بدها أسبوعين أو أقل ، مشكلة غرفة نومي أنه المساحة صغيرة نوعا ما ، مش علبة كبريت يعني أكبر شوي ، المهم انا عندي تلفزيون بغرفتي و هذا ما استغني عنه ابدا ناوية لما تطلع الغرفة الجديدة بدي اتخلص من طاولة التلفزيون ، و عم بدور على افكار كيف أحط التلفزيون ؟ و على شو احطه ؟ يا ريت تساعدوني بأفكار ... في ناس اقترحوا علي فكرة التلفزيون المعلق مثل المستشفيات !! بس الصراحة الايجابية الوحيدة انها ما تأخد مساحة بس مش هاضمة الفكرة يمكن عشان زي المستشفيات؟ يار يت اذا في طرق حلوة للتلفزيون و بنفس الوقت ما عندي مساحة كبيرة لانة الغرفة الجديدة اللي فصلتها أكبر من القديمة ،مع العلم انا عايشة مع اهلي ، لسه ما تزوجت ، و يا ريت بالمرة تساعدوني بأفكار لديكورات غرف النوم للصبايا يعني مش غرف نوم رئيسية...:shy: