بناااااااااااااااااات ممكن اسوي هالشي؟!

مبروووك الغاليه والله يوفقج ويسعدج ان شاء الله


وبالنسبه لسوالج

ماك لايعلى عليه، بس الافضل التنويع وبعدين ماك غالي وايد يعني انا اخذ 3 اغراض يطلع لي ب 500 شوفي هووه سعره فيه ولكن بعد التنويع افضل مثل ماقلت لج

يعني خذي الشدو والبلشر من ماك، والاساس من ايف سان لوران او غيرلان

الكحل من ايف سان لوران او لانكوم، الغلوس من فور ايفر وهكذا

وبعد حتى لو تاخذين الشدو المخملي لانه الوانه ثابته وحلوه وفيه وايد ا لوان تقريبا الالوان كلها
واهم شي انج تاخذين كذا نوع اساس

مثلا اساس يكون خيف للصباح والطلعات الخفيفه واساس للسهرات والعزايم

وان شاء الله البنات يفيدونج

هيه الغاليه غيري

مب من ماركه وحده

ومبروك يالغلا

شوفي انا مستحيل اخذ كل الاشياء من ماركه وحده لان مثلا لو ماك الفاونديشن عندهم لا يعلى عليه ممكن مثلا الروج الي عندهم تلقين احلى منه في ماركة ثانيه

انا بعطيج الي استخدمه وانتي لج حرية الاختيار

الفاونديشن السائل والبودرة خذي من ماك حلو
والاي شدو من ماك حلو وخذي من ميك فور ايفر روعه وكرايولان بعد روعه
والروج خذي من عند ميك اب فور ايفر ومن عند BN
والكحل والماسكرا ومنظف المكياج من لا نكوم
والبلاشر خذي من شسيدو لا يعلى عليه وبرجواز بعد روعه
والكنتور محدد الشفاة من ميك اب فور ايفر

نسيت اقولج فرش المكياج خذي من عند ماك او مكياجي
والغلوسات عند ماك حلوين ولا نكوم احلى

انا خذت كله من ماك وندمت ................. اولا غالي كلفني فوق الخمسة الاف وهذا اوني كنت مقتصدة يعني ما خذت كل شي حتى ماسكارا ماخذت ولا اي لاينر من عندهم ........... انا اقول نوعي من ماركات مختلفة

وانا بعد مع البنات نوعي احسن

أنأ اقول شوفي الي يناسب بشرتج قبل لا تشوفي الماركة ...... الله يهنيج......عاد بعدين ما نوصيك حطيلنا صور المكياج الي بتشتترية :)

لا طبعا
التنويع وايد افضل

ولاتنسين ان ماك اسعاره غاليه

نوعي احسن وعندج ميك اب فور ايفر بعد حلوو وروعه

هلا حبوبة

حبيبتي انتي عرووس يحتاج تنوعين يعني اختاري من كل ماركة الاحلى فيها
وكريمات الاساس حاولي تحطي كذا نوع في القائمة المسجلة
وقبل هذا حلو لو تروحي وتلفي على المحلات اذا ما مستعجلة وتتعرفي على الماركات الي الموجودة بالسوق

وتصفحي المنتدى وتعرفي على الماركات الموجودة

وبحط لك قائمة غير ماك ممكن تشوفي وتجربي باني اعرف كل الماركات ما عليهم كلام
- ديور
-استي لدور
-شانيل
-جفنشي
-بوبي بروان
-بنفت
-بوت
- كلينك - المفضلة عندي
-لانكوم
-كانبيوو
وغيرها يعني ابحثي في المنتدى واكتبي بالاشياء الاساسية

ماك خذي منها الروجات وبعض الفرش الغير موجودة في مكياجي مثلا
والشدوهات الحلوة

وشوفي كوليشكن واشتغلي الفرصة واشتري منه
هوليداي كوليكشن اسمه

الله يوفقك وعرس الهنا يا رب
:shy:

اختي الفاونديشن والبودرة راح تفرق معاج على حسب بشرتج
يعني في بنات يناسبهم وبنات لا

لازم تجربين من كم ماركة لين ترتاحين على ماركة محدده

البيس وايد حلو ويعطي لمعه وايد حلوة للبشرة
المثبت الفيكس + حلو بعد
وطريقة استخدامه اخذيها من المحل احسن :)
لان كل وحده منا تستخدمه بطريقة مختلفة هي ترتاح عليها
في اللي يرشونه قبل المكياج
في بعد المكياج.. يعتمد
بس الاحسن تسألين في المحل ولا تتردين تسألينهم عن كل شي بتشترينه منهم
لا تستحين عادي ترى
اسألي لين تقتنعين بالشغله وتفهمينها صح


فراشي المكياج خذي كل اللي تحتاجينه من ماك اذا تقدرين ع السعر لأن فراشيهم وايد زينه
ولا تاخذين فراشي ما تعرفين تستخدمينها او ما تتعاملين معاها عشان ما تطيح عندج بدون استخدام

الحين ماك منزلين كوليكشن فيه شنط فراشي وهالشي بيوفر عليج لأن سعرهم بيكون أقل طبعا
شنطه للعين وشنطه للوجه وشنطه للفرش الاساسية وهناك استفسري منهم في المحل كل فرشاة وشنو استخدامها

الآي شادو عند ماك ماعليه كلام
والأرواج
والبلشرات
والقلوسات

الماسكارا
عندج Dior Show
وعند ايف سان لوران الفوليوم ماسكارا حلوه

الكونسيلر بعد عند ايف سان لوران حلو وايد

الكحل انا عندي من ماك بس اشوفه يسيح وايد .. والبنات يمدحون لانكوم وايف سان لوران

الاي لاينر الكريمي عند ماك واااااااااايد حلو وثابت وفي منه وايد ألوان
وممكن تحطينه على الجفن قبل الاي شادو كبيس وايد رهيب


لا تنسين اختي منتجات العناية بالبشرة "لازم عناية يومية"
اختاري لج ماركة زينه وخذي اللي تحتاجينه منهم

عندج شانيل "المفضل عندي"
ديور
كلينيك
لانكوم




ان شاء الله أكون افدتج

يااااااااااااااااي بنات
استانست يوم شفت 11 رد

خلا ص ان شاء الله شكلي بلف المحلات اول وعقب باشتري وبنوع