عندي مشكلتين لطفلتين ابغي حل الله يخليكم

ههههههههههه يحليلها مهره دلوعه

عيل تدرين مصبح في وجود عمتي ام ريلي وامي مايباني خيييييير شر .. لو تعور وطاح واللا يبا ياكل يركض يصيح عليهم انا مالي اي وجود ...

ولا يوم ابوه موجود عاد صدق ينمحي دوري بالمرة .. من يغيب ابوه شوي عن نظره يقعد يصارخ باباتي ويصيح ويشل الدنيا ... يحليلها ريلي يوم يبا يظهر يندس ويتسحب شوي شوي ههههههه المفروض انا اسوي جي ...

فبنتج الله يسلمج تزعل ويحز في خاطرها انتي خليتيها وسرتي ليش يايتنها الحين .؟؟ جي تفكر هههه فهالشي طبيعي هالعمر احس اليهال يزعلون من امهاتهم وايد .. يا تيلسين وياهم 24 ساعة واللا فارجي ولا تردين ..

اما البنت الاولى .. اظن بعيييد الشر عنها يمكن فيها مرض التوحد .. لا تستبعدين هالشي .. انا درست عن هالشي .. ونفس الاعراض تقريباً .. جربوا اعرضوها على اخصائيين نفسانيين مال اطفال .. او ودوها مدارس التوحد يسوون لهم اختبارات معينه يكشفون اذا عندهم توحد او لا ..

وعسى خير يارب

تدرين يا عيون انا اخاف يمكن انشغالنا في الدراسة والفترة الطويلة الي نغيب عنهم يتحرونا نحن اخوانهم مب امهاتهم وهذا الي اخاف منه

بالنسبة للبنت الثانية انا شكيت انه فيها هالشي التوحد بس بعطيج اسباب ثانية ويمكن هالشي اثر فيها ونبا له حل
اولا البنت تربية بشكارة هي الي تعابلها اتسبحها اتلعبها اتاكلها اترقدها امها بس تجابلها اذا مرضت
المشكلة الثانية والي شاكة فيها البنت هذه الوحيدة شعرها مب ناعم وامها دوم تعيب على شعرها وباجي خواتها شعرهم ناعم فعتقد انه البنت تعقدت من هالشيء

الحين نحن نبا نغيرها ونخليها طبيعيه مب قادرين الام الحين ما تعيب على شعرها كله اتقولها شعرج حلو انتي حلوة لانه مرة البنت يت عند امها قالتلها امي ليش كلكم تعيبون على شعري فغمضتها والحين ما تقولها شي

بس سالفة البشكارة ترا مازات هي تعابلها بس وايد يهال بشاكيرهم يهتمون فيهم لكن عادي يلعبون ويضحكون

حرااااااااااااام كسرت خاطري والله :(

بس تدرين يمكن نفس ماقلتي لكن ما يمنع انه توديها مراكز التوحد عشان يسوون لها اختبار ويعرفون اذا هي تعاني من هالشي او لا ..

والله ان قلبي عورني على البنت التولى يا حلوه المحيا ، وا عليه 4 سنوات فديتها ودوم مضايقة وزعلانه انا من كل قلبي اتمنى ان اللي فيها مب مرض التوحد يمكن بس حالة نفسية بسبب عقدتها من شعرها ، حاولوا ترتبونها وتمدحونها في اشيه ترد الثقه فيها حرام تراها بعدها صغيره على ها الامور عيل يوم اللي تصير مراهقه شنهو بيصير فيها

ام بنتج الله يحفظها فما ادري انا بنتي اوقات ايصير عندها ها الشي لاني اشتغل ويوم ايي اخذها من عند امي ما ترضى اتيني وتبي تيلس تلعب في بيت امي وهم نفس الشي يعورني قلبي لاني مشغوله بالشغل عنها بس صدقيني اتشوفين بنتج متعلقه بامج احسن من انج تلاقينها متعلقه بالخدامه ، انا بغيت اين يوم شفت بنتي من اصرخ عليها تروح تلصق في الخدامه عا طول وديتها روضه تشغل فكرها وعلم تنتفع منه
حاولي لا تغيبين عن بنتج وايد واذا رديتي ردي ومعاج هدية حلوة لها عشان تفرح ولا تعطينها اياها الا يوم اتي لج والله يحفظها من كل شر ويخليها لج

مها العروس عيبتني فكرتج ايب حق بنتي هدية تجذبها بس اليوم انا حاولت اللعب وياها في الحوي مع اني والله مشغولة وايد بس فضيت عمري حقها وطلعتها اشوي بسيارة عشان ما تمل من اليلسة في البيت بس بنتي من النوع الي تحب تطلع وايد وامي شكلها دوم اطلعها عشان جيه ما تباني

بالنسبة للبنت الثانية بحاول افهم امها انها تمدحها في اشياء ثانية وان شاء الله ترجع طبيعيه مثل باقي اليهال

معليه حبيبتي تحمليها شوي انتي توج في البدايه واول يوم ، بس تقربي منها اكثر وفضي لج وقت تلعبين معاها بس تطمني تراها مردها لج ما في ادفى من حضن الام لو شنو بس ما خبرتينا جم عمرها اهي وشكثر تخلينها عند امج؟

والله ضحكتيني على بنتج

عيل انا بنتي ما تبيني خير شر ما تبيني الا وقت النوم تقول ماما مع العلم اني مجابلتها لليل نهار هذي اليهال عادي

مها العروس بنتي عمرها سنة ونص في الايام الي اداوم فيها اخلي بنتي عند امي من الصبح لين العصر لانه اسير الجامعة واخلص العصر وارد اشلها هي فترة طويلة بس مجبورة لكن في الاجازات اخليها عندي

الوردة المكنونة والله الحمد الله انها تباج وقت النوم هذه ما تذكرني ابدااااااا لا وقت النوم ولا وقت الاكل