سؤال عن حجم الجنين ؟

هلا حبيبتي

بعض الدكتورات الخبيرات يعرفون من كبر حجم البطن يعني اهي تلمس البطن مع ضغط خفيف وهي تحم اذا كان نموه يناسب الشهر الي انتي فيه مثلا في الشهر الثامن المفروض يكون وزن الطفل 2كيلو اتشوف المساحه الي ماخذها اتناسب الحجم .

وانتي سالي الدكتوره مره ثانيه او روحي حق غيرها وخليها تعملج تصوير .

الله يهون عليج يا الغاليه وييسر ولادتج

ام سعودي اذا كنت تراجعين في الوصل فانسي اللي تقوله لج الدكتورة انا كشفن عليه دكتورتين وحده قالت لي البيبي وايد صغير والثانيه قالت لي حجمه زين احسن شئ انج تسوين تصوير في عياده خاصه وودي لهم الصورةوتقرير اذا امكن

مشكورااااااااات اخواتي بحرينيه و endless hope

انا اتعالج في مستشفى الواحه ..............

وييييييين البقيه ؟

انه بعد الدكتوره الي اروح لها في عياده خاصه ماتسوي لي كل مره تصوير بس ساعات بلمس وتقول لي كلشي طبيعي واذا انتي رايحه قبل اسبوعين وقالو لج وزن البيبي 2.400 وايد زين ماشوف فيه شي الحمدالله نفس وزن البيبي مالي:)

انتي روحي لدكتوره ثانيه تعمل لج تصوير واتطمني احسن

يعطيكن العافيه خواتي

وان شاء السبت بروح عند دكتوره ثانيه وبشوف شو تقول .............

أنا سألت الدكتوره كيف تعرفين وزن البيبي من السونار؟؟ قالت لي اسوي قياسات لحجم بطن البيبي وبعدين الكمبيوتر يحسب لي. وهذي احسن طريقه وأضبط طريقه لكن تعتمد على جهاز السونار. البارحه قالت لي الدكتورة ان وزن البيبي 2 كيلو و300 غرام وقبل اسبوع قالت لي دكتورة ثانيه استخدمت جهاز ثاني ان وزنه 2 كيلو و600 غرام يعني انا بروحي متلخبطه.

حبيبتي ام سعودي اهم شي وانتي في التاسع بكون حجم البيبي فوق 2 كيلو. والباقي انشاء الله يهون.