ماعرفت شو اسوي معاه .. تعبني نفسيا

انا في فترة النفاس واتعرفون اكتاب الاربعين طبعا.. اتخيلوا انه زوجي بدال مايعطيني حب واهتمام في هالفترة على الاقل .. مطنشني جني قطعة اثاث في البيت .. ولا مفتكر فيني ابدا .. طبعا طيلة شهر رمضان كان كل يوم سهر برا البيت .. لين الفجر .. وفوق هذا ماكان يطلعني وانا كنت حامل وهذا عذره اوني حامل وتعبانة ..
واتخيلوا شو سوا بعد !! سار يددورله وحدة عشان اونة يعرس بها.. وانا اكتشفت هالشي طبعا .. وكان عذره اونة انه انا اشك فيه وايد وما اخليه يطلع ولا يرد وكله عالفاضي . . يعني هو اونة مايسوي شي غلط.. فقال يبا يأدبني ويخطب وحدة ثانية عشان انا اعرف وايوز عن الشك .. المهم انا صدقته وقلتله انا بتغير بس بشرط انك تكلم البنت وتكنسل زواجك منها قاللي اوكيه بيسوي هالشي..
ومرت الايام فترة اسبوع يمكن انا ربيت .. والحبيب بعده ماكلمها وقال بيكلمها قبل العيد.. وماكلمها والحين قاللي بيكلمها عقب العيد .. كل مرة يالس يأجل لدرجة اني قمت احس انه خلاص خطبها او انه يبا يسير يخطبها بعده.. المهم . . انا نسيت اقولككم انه انا وايد غيورة واشك فيه وايد.. بس بصراحة ما اشك بدون سبب.. اشك لانه تصرفاته كلها غريبة وتشكك اللي مايشك.. وانا في فترة حملي قمت ما اشك فيه وايد ومخلتنه على راحته يطلع وقت مايبا ويرد وقت مايبا .. بس الريال مصخها بصراحة اتخيلوا يتم طول اليوم برع!! بذمتكم في حرمة بتسكت على ريلها اذا يسوي جيه؟؟

وكل يوم على هالحال يرد من الدوام يرقد لين الفطور وساعات كان مايرد البيت على طول كان مادري وين يسير ويوم ادقله مايرد عليه.. وعقب مايفطر يا انه يرد يرقد يا انه يطلع ويتم من عقب الفطور لين الفجر برع البيت .. اتخيلوا ما اييلس وياي ابدا حتى مايرد يوم اتصل فيه .. ويقول انه هو مايباني اتصل ولا اساله انت وين .. مب ظلم؟؟ انزين شو انا مب من حقي اساله انت وين؟؟

مايباني اقوله ايييييييييييي كلمة .. لا ومايباني اتصل؟؟ !! يابنات خبروني بس هذا حق ولا لا؟؟
هل اي زوجة بترضا انه ريلها يسوي جيه وتسكت؟؟

شوفوا حركاته الغريبة اليوم مثلا شو سوا.. يو عندي ناس وطلع طبعا .. وعقب ما ساروا سويتله تلفون الساعة 1 .. كان في السيارة .. وسالته انت وين قاللي ساير الشيشة مع ربعي والحين بنزل .. سكرت عنه .. رديت اتصل عشان اساله شي .. جان اسمع عداله هوا وسالته انت بعدك مادخلت المحل .. قال بنيلس برا انا وربعي ويلست ارمسه شوي وهو بعده يكلمني ومايبا يسير عند ربعه.. شككني بصراحة انه مايباني اسمع هو يالس وي منو.. جان اقوله ليش ماتسير عندهم وانت تكلمني .. وكان متنرفز من اول مكالمة.. قاللي لاني ادري انج بتسالين ومابا اضاربج جدامهم .. المهم اخر شي سكر التلفون في ويهي ..
انا ما دقيتله طبعا خليته لين الساعة 5 ونص الفجر .. اضطريت اني ادقله لانه الوقت وايد متاخر ..
اتخيلوا مارد علي.. !! . بذمتكم هالحركات ماتشكك؟؟ واالحين الساعة 6 ونص وماتصل ولا يا البيت.. شويالس يسوي يعني؟؟
خبروني شو اقوله يوم يرد انا حالتي وايد تعبانة والله حتى الحليب اللي في صدري نشف .. تعبت مب عارفة شو الحل وياه.. يوم اكلمه بالطيب ماينفع ومايعيبه كلامي .. يباني اكون جماد ما اتلكم ولا اساله وانا ما اقدر.. لانه تعدى حدوده وايد ابدا مب عدل.. ويوم دخلت اهلي في السالفة المشكلة تكبر وتزيد وبعد ماشي فايدة.. ويوم ابوه كلمه رد زين وياي فترة بسيطة ورجع لحركاته مرة ثانية..
شو اسوي :confused:

ادعولي بناااااااااااااااات والله تعبت نفسيا وكارهه كل شي في هالدنيا حتى بناتي كرهتهم بسببه ومالي نفس اربيهم ولا اسويلهم شي .. ساعدوووووووووووني:sad: