هذا كان اللوك مالي في العيد :)
في البداية هيأت بشرتي للمكياج
غسلتها بصابون من شانيل واستخدمت سيروم العيون والبشرة وكريم النهار
بعد ما امتصتهم البشرة حطيت البيس من ماك
Prep + Prime Skin
الكونسيلر من ايف سان لوران
والبودرة السائبة من ماك على الجفن السفلي
الألوان اللي استخدمتها
من ماك
الاي لاينر الكريمي Graphic Brown
طبعا اللون بني مو نفس الصورة :shy:
الآي شادو
اللون الداكن سويت خلطه من كذا لون من البيغمنتس اللي في ماك وطلع اللون وايد قريب
الألوان كانت عبارة عن " Silver + Dark Soul + Tan + Deep Blue Green" ولون ذهبي بودة من ليلى عندي اياه من زمان خلطتهم في علبة صغيرة عشان اقدر استخدمهم مره ثانية
اللون اللي كأنه مشمشي في الزاوية الخارجية من ماك Mythology
ملاحظة:اللون ع الطبيعة غير
واللون اللي أفتح على ذهبي شوي اسمه Melon وهو بيغمنت
ملاحظة:اللون ع الطبيعة غير
على الجفن المتحرك حطيت الاي لاينر البني كأساس للألوان
ورسمت خط تحت العيون بنفس اللون
بعدها على الزاوية الخارجية اللون المايثولوجي وجنبه للداخل الميلون
على الأساس البني حطيت الخلطة "خلطة الألوان" اللي كنت مجهزتها من قبل
ورسمت بنفس اللون تحت العيون
تحت الحواجب للاضاءة استخدمت لون ابيض لؤلؤي يعكس على أصفر شوي من ديور بس للأسف انه قديم يعني ما اظن للحين يبيعون منه
أتوقع ان نايلون من ماك راح يفي بالغرض
بعد الاي شادو نحط الكحل الأسود من ماك داخل العين
والماسكارا من ايف سان لوران
Yves Saint Laurent 'Volume Effet Faux Cils' Luxurious Mascara
طبعا تعرفون الخطوات الباقية
بودرة الوجه والبلاشر ولمعة الوجه
اللمعة من ماك واسم اللون Shimpagne
الروج اللي استخدمته من ماك
Blankety
والمحدد Oak
ومعاه الجلوس
M·A·C Lacquer
Mischievous
لونه بطيخي بلمعة صدفية
ان شاء الله يعجبكم اللوك :shy: