قصة ولادتي!!

السلام عليكم ورحمته الله وبركاته

هذه قصه ولادتي وماعليش راح اطول عليكم لان الطلق معاي كان طوووووووووووووووووويل

يوم الإربعاء الساعه 12,30 تقريبا كنت في سابع نومه وجيت ابغى انقلب انام على الجهه الثانية حسيت بحاجه خفيفه و حارة نزلت مني
لحظتها قلت لايكون دم او موية ثم قلت لا يتهيا لي راح انام احسن
ورجعت انام بس ماقدرت قمت ورحت الحمام(الله يكر مكم)واو مادخلت الحمام حسيت به مره ثانيه وع طول حسيت به للمره الثالثه بعدها تأكدت انها مويه البيبي
وبعدها قعدت ابكي من الخوووووووووووف
طلعت ع طوول وعلمت زوجي
وزوجي كلم المستشفى <<< طبعا كلنا ماعندنا خبرة بامور الولادة
وقالوا تعالوا وانا البس عشان بروح للمستشفى نزلت المويه بقوه
من الخووف ماقدرت اتحرك وقعدت ابكي وزوجي ساعدني بسررررررعه
ورحنا للمستشفى وشيكوا على نبض البيبي والطلقات لمدة ثلث ساعه
والحمدالله طلع نبض البيبي منتظم بس مافيه طلقات وطلعونا من المستشفى
وطلعت واخذت لي دش دافي واكلت تمر وشربت قرفه ونمت
وصحيت تقريبا الساعه 7 المغرب طبعا مااحس باي طلقه لحد الساعه 9 بالليل بدا العوار على خفييييييييييف
لحد الساعة 7 صباحا يوم الخميس بدا العوار وبشكل منتظم لين جت الساعه 9,30 خلالالالالالاص ماقدرت اتحمل رحت للمستشفى واكشفوا علي صار الرحم مو مفتوح وراحت الدكتورة ووسعت شويه وقالت لي اطلعوا وانشاء الله الساعه 10 بالليل انتم عندي
طلعت من المستشفى قعدت امشي في حديقه والالم يزووووووود
رجعت للبيت ومليت البانيو موية حاره وجلست فيه وشربت قرفه واكلت تمر المهم انا جالسه على الحال اتالم والعوار يزووود لحد الساعه 7.30 المغرب ورحت للمستشفى وكشفت علي الدكتوره وصرت مفتوحه 4 سم بصراحه بعدها جاني احباااااط كل هالعوار و4 سم وخلوني عندهم اتالم لحد الساعه 10 باليل وحطوا الجهاز حق نبض البيبي وانا مع الطلقه اتحرك وتغير مكان الجهاز وصوت قلب البيبي ضعف اهم يحسبون ان البيبي تعب بسرعه ودوني لغرفه الولاده ودخلوني وجلست اتالم
لحد الساعه تقريبا 12 بالليل واكشفوا علي صرت مفتوحه 6 سم ومع قوة الطلق طلبت ابره الظهر وضريوني (بصراحه ابرة الظهر تخفف الالم تخفيف بسيط) وجلست اتالم لحد الساعه 5الفجر واكشفوا علي صرت مفتوحه 10 سم وطلبوا مني مع كل طلقه ادفع
وانا مع كل طلقه ادفع وادفع وادفع لمده ساعه ونص والبنت مو راضيه تطلع لان وضع راسها تغير قالوا استني لحد ماتتحرك ويتغير وضعها
وانا ادفع وتعبت وزوجي المسكين يهوي علي بورقه ويغسل وجهي بالمويه
وفجاه طلعت الدكتوره من عندي وجت وقالت لي بسرعه راح نحولك لغرفه اكبر وراح يجي دكتور ويسحب البيبي لانه مو راضي يطلع وطلعت من الغرفه والممر مليان نيرسات زوجي خاف علي قال اكيد فيها شي وراح سال الدكتور قال لا مافيها شي بس البيبي مو راضي يطلع
وقال الدكتور اخر حل قبل مانسحب البيبي راح نشقها (انا ولدت في دولة اوربيه والشق عندهم مو بسهوله)وشقوني 3 سم وعلى طول والحمدالله طلعت بنوته الساعه 7 صباحا بالضبط يوم الجمعه
يعني بدا معاي الطلق الساعه7 صباحا يوم الخميس وولدت 7 صباحا يوم الجمعه
يعني 24 ساعه معاناه مع الطلق
بس الحمدالله كله هان يوم شفت بنوتي وسميتها (لارا)

ماعليش طولت عليكم
واي وحده حابه تسال عن ابرة الظهر انا حاضره

الله يهون على كل وحده حامل يارب
والله يرزق كل وحدة محرومه يارب