اول موضوع لي لاتخذلوني

مرحبا وكل عام وانتم بخير وبصحه وسلامه

حبيت اطررح مشكلتي عل وعسا القى جواب واتوصل لحل فيها

بقولكم مشكلتي :
انا بنت عمري 20سنه ادرس بالجامعه الحمد الله واهلي مش مقصرين معاي ابدن

لاكن انا في حياتي فقدت اشياء كثير اول شي كانت لي علاقه بمقتبل عمري كان عمري 14سنه

وتعرفت على واحد يكبرني ب7سنوات كان اخو صديقتي وتعرفت عليه كان انسان بمعنى الكلمه

علمني الصغيره والكبيره علمني كل شي بالحياه وحبيته من كل قلبي وظليت انا وياه 6سنوات مانفترق عن بعض علاقه حميمه جدن

ولاكن كنت مشغوله في حبه ومافكرت اني في يوم اقوله وش نهاية علاقتنا المهم مرت الايام وبين يوم ولليله قالي يافلانه انا امي خطبتلي وبتزوج

طبعن عشت حاله نفسيه مش طبيعيه وقلت له خلاص بتركك
وقالي طيب وخلاص انسيني وكذا
المهم ان في الفتره ال6سنوات خطبني واحد من اقاربنا وانا ماوافقت عليه المهم مرت الايام
وانا بحاله نفسيه وشوي شوي قدرت اتناسه
المهم بعد ماتركته حسيت بشوق ولهفه وشعور غير طبيعي بااتجاه الي خطبني سابقن وخصوصن انه الى الان ماتزوج حاولت اتقرب من اخواته وامه
بقدر مااستطيع وفعلن قربت منهم ولاكن ماقدرت اقولهم اني ابي اخوكم خصوصن انه كان خاطبني قبل 4سنوات وانا رفضته رفض شديد

وعيشت نفسي في وهم واحلام مع هذا الشخص وهو مادرى عني ابد ولا احد حاس بمشعاري وفي يوم من الايام بعد ماكنت توني صاحيه من النوم
وبعد ماكنت احلم فيه واحلم باني جنبه فاجئني اختي ان فلان خطب وملكته بعد اسبوع
انا فكيت عيوني واتعوذت من ابليس واستغفرت وقلت هذا نصيب
وبينت نفسي فرحانه له وعادي وطبعن تحطم كل حلمي

جلست ادعي ربي ان الله يعوضني
وادعي وادعي
وقبل فتره كنت رايحه زواج ناس نعرفهم وكانت في وحده من اقاربنا ولاكن من بعيد
وهي معروفه بالذوق وانهم صاحبين املاك وعيالها يدرسون برا وعلى خلق ودين يعني ماشاء الله عليهم مافي عليهم كلام
جاتني وحده تقرب لهذي المراه وقالت لي فلانه انتي تدرين ان في وحده حاطه عينها عليك انا انصدمت قلت لا لاني فعلن مااري عن شي وبعد اصرار مني لها قالت لي ان هذي الممراه تبي تخطبك لولدها انا كنت مبسوطه وقلت ربي عوضني يارب

وقالت لي اني مااقول لاامي
وفعلن ماخبرتها ولاكن انا الحين صارلي 3شهور وانا انتظر ام الولد تتصل او اني اسمع خبر وابد لاحس ولا خبر ومااقدر اسئل الي قالت لي

وبيني وبينكم انا علقت نفسي فيه وصرت افكر فيه واجد
هذا تفكيري انا مااقدر اتحكم فيه
المشكله انا وربي حايره مادري ليه يصير معي كذا الللهم لااعتراض ياربي
صحيح اني عمري 20 سنه توني قطار العمر باقي له لاكن انا مريت بضروف ابي اطلع منها وماراح ينسيني الا زوجي ياربي ارجوكم انصحوني ارشدوني وادعولي
وبموازين اعمالك والدعوة لااخيك المؤمن ترجع لك
ياررررررررررب ياررررررررررررررررب ياررررررررررررررب انك تحقق الي في بالي يارب
يارب مني الدعاء ومنك الاستجابه يارب يارب
يارب اني انخطب عاجلن غير اجل يارب يارب:sad: