سؤالي

السلام عليكم
ياشيخ بدش لك بالموضوع باختصار وانطر رايك فيه في اطار الشرع

وانا كنت بسن المراهقه كنت احتاج فلوس واكتشفت انه عند والدتي خزانه فيها مبالغ نقديه متفاوته مابين 10 دنانير او 20 او 5 دنانير
المهم وبصراحه خدعني الشيطان وضليت اسرق منها على ايام متفاوته وضليت تقريبا سنتين وانا بس اعتمد بمصروفي على خزانتها طبعا من غير علم الوالده
وتقريبا حسبت كل ماسرقته منها مايقارب 200 او 250 دينار كويتي
والحين تزوجت وحالتي ميسره وندمت على كل اللي سويته
واللي أسأله منك هل اقدر ارجع لها فلوسها بس بدون اعترافي اني سرقت منها بالسابق ؟؟ وبالتالي اعتبر انه ربي سددلي خطاي ؟

ولا انت اشرايك يا شيخ ؟