استفسار عن شدو كريولاين

ما اعرف اذا اقدر اساعدج كثيرر

بس يمكن يعتمد على كذا عامل منها كمية الماي يمكن تكون كثيرة حاولي تببلي الفرشة وبعدين امسحيها في كلاينكس


او اذا ما تحطي كونسيلر حاولي تحطيه بكمية اكثر شوفي

او يحتاج تاخذي كمية اكثر من الشدو ما تحطي شوي في الفرشاة

اتمنى البنوتات يفيدونج واستفيد مثلج حبوبة

الله يوفقج :shy:

انا استخدم كريولاين وعن تجربتي رائع بس هل تحطي قبله كونسلر خفيف ولا ماتحطي من الاساس ونفس الشي اذا كان مائي خففي الماء بالاسفنجه او الريشه وانشاءا لله بتعجبك النتيجه

أختي تطلع لج خطوط يمكن لأنج تكثرين الماي ,,

حاولي تحطين بيس قبله أو على الأقل كونسيلر إذا ما عندج بيس ,,

وحاولي بقدر الإمكان إنج ما تكثرين الماي على الفرشاة ,, حتى يتوزع لج عدل وبدون أي خطوط أو تجاعيد ,,

موفقة يا رب ,, وكل عام وإنت بخير :) ,,

الطريقه الصح لاستعمال الشدو المائي
مثل ماقالو الاخوات انج تحطين كونسيلر على العين وعقبها كريم الاساس
وتبلين الفرشاه بالماي ... مجرد تبليل ولاتغرقينها بالماي
وتمسحين الفرشاه باللون المائي باتجاه واحد عده مرات لين يطلع لج مزيج كريمي
وحطيه على العين بالطريقه اللي تعجبج
وامسحي الفرشاه بالكلينكس وردي شتتي اللون بطريقه خفيفه
وحطي شدو بودره نفس اللون وردي شتتيه بفرشاه ثانيه ناشفه بدون لون

اتمنى اني افدتج وان شاء الله تجربينها
وقولي لنا شنهي النتيجه

تحياتي


غاليه

اختي بسرعه و بساطه
كونسيلر
ماء في الفرشا
شدو مائي ..
و الشدو البودرة او الشدو العادي بنفس الدرجه .. و بجذي اظمن لج ما راح يخترب ..

الاخت مجد والاخت مجنونة ماقصروا
وانتبهي انتي
شكلك تحطين الفرشه المبلولة في الشدو البودرة صح؟؟
لأنه كريولاسن فيه مائي وفيه بودرة
المائي اول مثل ماذكروا ثم البودرة

ماقصرو البنات

ومثل ماقالت الاخت غاليه اهم شي يكون المزيج بالماي كريمي

وصدقيني موشرط يضبط من اول مره

جربيه مره ومرتين وثلاث لين بروحج تقدرين تضبطين الماي