محتاجه لرأيكم بسرعه معايا

اولا كل سنه وانتوا بألف صحه وسلامه بمناسبه العيد قرب ورمضان خلاص هيسيبنا ويمشى انا مشكلتى انى محتاره بين شخصين واهلى معاهم اولا انا معيده بكليه علميه ومجتهده ومحافظه على الصلاه وماعرفتش حد قبل كده كل الناس كانت بتيجى تتقدملى وانا كنت بقول لا لغايه ماانهى دراستى والحمد لله انهيتها واشتغلت كمان وجالى شاب عمره 27 سنه واتقدملى لكن اهلى رفضوه رفض سياسي بابا قاله تعالى كمان سنه تكون ظروفك اتحسنت لانه ماعندوش وظيفه حكوميه وهو الشاب محترم وباين انه طيب وانا متقبلاه بس كمان هو مؤهله دبلوم لكن هو بيدرس حاليا في الجامعه المفتوحه عشان يكون معاه مؤهل عالى وبعدها باسبوع اتقدملى واحد تانى عمره 24 سنه وبيصلى مع والدى في الجامع وبيشتغل محاسب في هيئه حكوميه وطبعا ده اللى بابا عايزه انه موظف حكومى والبيت كله بيميل لاختيار الشاب التانى مع العلم ان عمرى 20 سنه وماحستش بنفس القبول مع الاول على رغم من انى كنت بشوف الشاب التانى ده بحكم انه جارنا في الشارع لكن قبولى للغريب اكتر من القريب ومطلوب منى انى اخد قرار لو انتوا مكانى هتعملوا ايه غير انكم تصلوا استخاره انا بصلى بس انا كمان لازم افكر بعقلى وربنا يهدينى للصواب ياريت تساعدونى