السلام عليكم يا عراااااااايسنا الحلوين
اليوم يبت لكم amazing cheese cake طـــــــــازه حتى ما كمل 12 ساعه من سويته لووووول
شوفــوا الصــورة اول شــي عشــان تتحمســــوووون وتكملــون الموضــوع
المقــاديـــر:
قالب متحرك خاص للجيز كيك
1 علبة كبيره بسكوت دايجستيف مطحون
5 اصابع زبدة صغيرة الحجم
6 حبات جبن كيري
2 علبة قشطه
2 علبة دريم ويب
نصف كيس جيلي ليمون اصفر مذاب مع نص كأس ماء
2 باكيت صغير جيلي بالفراولة او 1 باكيت كبير
3 او 4 كاسات ماء
الطريقة العجيبة:
الطبقة الأولى:
اعجني البسكوت + الزبدة المذابه وبعدين حطيهم في قالب متحرك واكبسي عليه عدل مدل
وخليه بالثلاجة لمدة ساعه على الأقل
الطبقة الثانية:
في الخلاط ضعي القشطه (القيمر) + الدريم ويب + الجبن + الجيلي الأصفر السائل
خلطيهم عدل وبعدين صبي الخلطة على طبقة البسكوت وخليه في الثلاجة لفترة ساعتين الى 3 ساعات
الطبقة الثالثة:
على النار
اغلي نص مقدار الماء وبعدين شليه من عالنار و ذوبي فيه كمية الجيلي المستخدمه
وبعدين ضيفي كمية الماي البارد الباقية
ملاحظه: ممكن تسون الجيلي على طريقتكم .. واحلا يكون ثقيل حق الجيز كيك
بردي الجيلي لمدة مو اقل عن ربع ساعه وصبيه بخفه على الجيز كيك .. ولاتنسين تزينينه بأنصاف الفراولة
شـــــــــــرايكم؟؟؟
بس نصيحــــة خلو الجيز كيك في الثلاجة عالاقل يوم كامل..
انا من سويته لين كلوه 7 ساعات .. ماصبروا عليه ماشاءالله عليهم
ويوم ييت اقصها الطبقة الثانية ماكانت متماسكه عدل بس طلعت حلوه وكلوها مستانسين
وصحتين على قلوبكم
شرايكم بهالصـــــــورة ؟
وكـــل عـــام وأنتم بخـــير
xx ولاتنسووووني من دعواتكم الطيبة xx
