حزينة في اسعد ايامي

dado_88:
السلام عليكم ورحمة الله وبركاتة
في البداية عوزة اقولكم اني سعيدة بالمنتدي وبالمشرفين علية وحقيقي كل الموقع جميل وبتمني تقبلوني صديقة للمنتدي
وبتمني الاقي حل لمشكلة عايشة فيها بقالي سنين من يوم ميلادي ونفسي تسعدوني اخرج منها لان اثارها جوايابضيع الجزء اللي باقي فحياتي واللي عندي امل يكون احسن من السابق
من يوم ميلادي وانا شيفة تعامل قاسي من والدي لامي حتي فاحسن الاوقات وقدام الناس من اهانه وضرب لابعد الحدود وكان دايما احساسي بالمي علي امي بيقتلني لما بشوفها بتداري حزنها عننا واحنا بنشوف اهنتها بعنينا
والدي كان دايما بيحاول يعذبنا انا واخواتي بنفس الطريقته مع امي وتعليله انه بيحبنا بس بيحب يدايقها بينا، دخلونا فمشاكلهم ومش حسوا بيعمل ايد ده جوانا
سمعت من امي كتير حتي الحاجات اللي في ضغري مكنتش مدركاها ونساها بتفكرني بيها وتحكيهالي بتكون من سنين وبرجع اعشها واتالم بيها كانها اللحظه دي
كل ده سببلي كره كبير لكل الرجالة وحتي لو كان كويس اقول لنفسي مخبي ايه
ورغم اني مخطوبة وبحب خطيبي لكن مش عوزة يتكرر ده تاني ما والدي كان بيحب امي قبل الجواز وبسبب ده فاقل مشكله بيني وبينه بحاول اسيبه وبيعرف كل اللي حوالينا اني مش عوزاه واني مش بحبه وانه هو بيحبني وانا مش مهتمه بي
رغم ان ربنا وحده بيكون عالم بحالي بفضل طول الليل ابكي فغرفتي حبي ليه وحياتي واحلامي بالاسرة والسعادة اللي اتمنيت تتحقق معاه
عرفاة من سنين اخترته مختلف كل الاختلاف عن والدي علي امل ان حالي ميكنش زي امي لكن ده مش طمني لما كنت بسمع من امي ان والدي كان زي خطيبي كده قبل الجواز خوفت وخوفت اكتر لما حسيت ان خطيبي فعلا بيتغير وانه في عصبيته بيكون قاس معايا وعندي
انا بحاول مش اتعامل معاه وحش بالعكس بحالول احسسه بحبي بس كل ده بيضيع
مقابل لحظة وحده افتكر فيها والدي وافعاله
وكل ما احاول يكون في صفاء جوايا وافكر في في ما وصانا به الله سبحانة وتعالي
(( وقضى ربك الا تعبدوا الا اياه وبالوالدين احسانا اما يبلغن عندك الكبر احدهما او كلاهما فلا تقل لهما اف ولا تنهرهما وقل لهما قولا كريما)) صدق الله العظيم
ترجع تحصل حاجة تقسي قلبي علي والدي وارجع اتمني يبعد عننا
وابكي افكار امي انها تستحمل كل ده عشانا احنا نعيش في اسرة لكن معني الاسرة كان ضايع منهم لا الاسرة مش اب وام عيشين تحت سقف واحد لا ده حب ورحمه واحترام حقيقي مفتقداهم ومفتقده احس بالسعادة اللي لحد النهارده معرفتش معناها
انا حاليا المفروض اكون سعيدة لان كتب كتاب كمان اسبوع باذن الله
لكن اللي يشوفني يفتكرني تعبانه من كتر ما وشي شاحب وعيوني مرهقه من كتر ما بكيت
من ثلاث ايام واالي حصل لحد دلوقتي مش قدرة انساه رغم اني شفته قبل كده
مشكلة بين والدي وامي لقيته بيضربها وبحاول يخنقها مقدرتش اشوفها امي بالشكل ده حولت امنعه ساب امي وخنقني ولحد النهارده صوابعه معلمه علي رقبتي
بعد 30 سنه عشرة بنهم لسة الحال كده يمكن قب كده كان مصبرني ان اخواتي معايا لكن دلوقتي كلهم اتجوزوا
انا حقيقي مش عرفة اعما اية ياريت حد يساعدني انا تعبانه وياريت كده وبس متخنقة مع خطيبي قبل كتب كتبنا بايام رغم انه المفروض يحس بيا لاني يوم ما امي ووالدي اتخنقوا كلمته وانا منهاره بس احساسه بيا كان لساعات معدودة وطبيعي مقدرتش اقوله اللي حصل
وطبيعي عندي لسه امل رغم مشكلي الكتيرة معاه وسهوله كلام الانفصال عنده
لسه عندي امل اعوض بي كل اللي راح مني واسعدة لانه املي الوحيد بس ازاي مش عرفة
انا حقيقي مش فكرة اخر مرة ضحكت فيها من قلبي كانت امتي
انا حزينه اوي ان جاي عليا مناسبة المفروض اكون زي اي بنت فيها سعيدة بس اهلي وخطيبي مستكترنها عليا انا عرفة انه بيحبني هو كمان استحمل مني كتير بس انا تعبانه اوي وبتمني يكون ايامي معاه احسن من كده ويجي يوم كتب كتبنا واحنا سعدا بي مش بالحال ده ابدا
يكون اتفاق وواجب وخلاص




انا انثي ولدت ومعي قرار اعدامي ولم اري باب محكمتي ولما اري وجه حكامي

dado_88:
بجد انا دلوقتي سعيدة بس عشان حسيت اني مش لوحدي شكرا لزوقك حبيبة
ومرسي لكلامك الحلو اسماء وربنا يسعدكم كلكم وعلي فكرة اسماء عملت بنصحتك واتصلت بس المشكلة اني مش هشوفة لحد يوم كتب الكتاب بحكم شغلة بنا موبيلات مش اكتر وحقيقي فشلت محاولاتي اننا منقبلش في اليوم ده زعلنين من بعض عموما انا سيباها علي ربنا واللي في الخير هيكون شكرا ليكم كلكم



انا انثي ولدت ومعي قرار اعدامي ولم اري باب محكمتي ولم اري وجه حكامي