حيرانة فى ابنى اللى عندها الحل لا تبخل علي

خليه في البيت يوم بتتسوقين .....نحن انخلي الاطفال في البيت ما ناخذهم معنا

السلام عليكم ورحمة الله وبركاته

بالفعل خليه بالبيت.. وان اضطريتي خذيه معاج بس شدي عليه شوي ان عاند اتركيه وروحي بعيد خليه يحس بغلطته وما يكررها.. ومرات قوليله اذا ما بكيت كنت باخذ لك اللعبه بس انته اسلوبك مش صحيح ف بيحس بغلطته ومع الوقت بيخفف عنه..

وشكـــــــــــــــرا..

قبل ما تطلعين حذريه، قوليله مثلا إذا صحت عشان الألعاب بردك البيت على طول، ومرة ثانية ما بطلعك ويانا، ونفذي تهديدك إذا سواها.... وذكريه أنج تسوين ها الشي لأنه ما سمع كلامك....

وإذا خذتيله لعبه وصاح يبي غيرها رجعيها ولا تاخذين له شي وفهميه أنه هذا عقابه لأنه ما اقتنع باللعبة الأولى.....

وبالنسبة لي ولدي توه مكمل سنتين (الله يخليه لي يارب) أفهمه من ألحين أن كل شي في السوق بفلوس، فإذا يطلب شي أقوله "ما عندي فلوس، أنت عندك؟؟" عشان يعرف أن مو كل شي يبيه بيحصله......طبعا مو كل مرة يفهم بس بالتدريج بيتعود....وإذا شرا لعبه وشاف غيرها وطلبها أسأله "ماما تبي هذي والا هذي؟؟"، ولما يتجاوب وياي أقعد أقول القصة جدام أبوه وأمدح فيه، وأبوه يمدحه، وإذا كان سلبي (ويا كثر المواقف السلبية لأنه بعده صغير ما يفهم) بعد أقول الموقف وأبين أني مرة ثانيه ما راح أطلعه وياي....

أهم شي لا تضعفين أمام صياحة عشان ما يكون سلاحه لما يبغي شي...

طولت عليج وااايد أختي اسمحي لي،،، بس حبيت أفيدج باللي أعرفه....والله يعينا على تربية الأطفال....

حبيبتي زي ما قالوا البنات خليه يبكي ويستفرغ وأحيانا راح يتمرغ في الأرض ومرات راح يدق راسه بالحيط ولا كأن شي حاصل .. اتركيه وروحي ولا تشتري له شيء وحتى لو كنتي ناوية تشتريه ...


مرة واثنين وعشرة .. لكن أنا مش مع البنات في أنك تتركيه في البيت لأنه لازم يشوف العالم وطريقة الشراء والبيع فمنها بيتعلم أشياء كثيرة غير أنه بيشوف أشياء كثيرة ويشوف انه ما راح يمتلكها كلها ... ونصيحة أطلعي مرات كثيرة ورا بعضها ولا تشتري له شي ومش لازم تكون الطلعة أصلا للشراء خذيها على إنها تدريب لأبنك أنه لن يحصل على كل ما يبكي عليه ...

وبعد ما تلاقيه ما بيطلب شيء ولا بيبكي على شيء أبدأي مرحلة جديدة ... يعني

لما تشتري له شيء خلي أختياره هو ثاني وليس أولي يعني .. أختاري أنت اللعبة وخيريه بين لونين أو لعبتين وخيريه بين أحداهما .. حتى تنمي عنده الشخصية المستقلة ويكون له شخصية لكنها في ذات الوقت مهذبة وإن أصر بعدها على أن يأخذ شيء خارج الخيارات قولي لأ واتركي كل الألعاب وأطلعي لا تشتري ولا شيء .. ساعتها لن يضغط عليك ولن يكون هو قائدكم بل أنتم من ستقودونه وبذلك أنتم تهذبونه ..

تعرفي طلعنا من أسبوعين نشتري ملابس العيد لأطفالي .. وكنت مرهقة جدا .. دخلنا محل ملابس زوجي ما رضى يدخل معنا قال باستنى بره ..

اشتريت لبنتي الوسطى خياراتها كانت خيارات ثانية مثل ما قلت لك: يعني تختار اللون أو بين موديلين أنا اخترتهم

ابني قال أنا أبي بنجابي قلت له: طيب .. دورنا كم محل وما لقينا فعرضت عليه نشتري طقم والبنجابي وقت ما نلقاه نشتريه لأنه كان نفسه فيه من زمان وكنت وعدته بيه ...

اشترينا بنطلون هو اختاره طبعا (اختيار ثاني) ..

وطلعنا بره .. كنا تكلمنا أنا وأبوه لأنه العيد اللي فات اشترينا له باتيناج (حذاء بعجل) وصغر عليه وأعطاه لأخته ... قلت له راح نشتري لك واحد .. قال : لأ أبي (سكوتر) .. قلت له: طيب بدل السكوتر والباتيناج نحط ثمنهم على مكافأة الصيام على مكافأة حفظ القرآن ونشتري دراجة لأن دراجته انسرقت من فترة ... أبوه سأل على السكوتر ولاقاه وسعره كويس قال له طيب باشتريه لك (لأنه ما كان يعرف الاتفاق اللي بيني وبين معاذ) معاذقال : لأ ... أبي لعبة تانية(وكشر وصار لنا متنكد) ... عصبت وقلت له: شوف خلاص ما في ولا شي تاني اليوم لا بتناج ولا سكوتر ولا هباب وقلت لزوجي خلاص بنروح ... وروحنا فعلا من غير لا نكمل لبس العيد لهم ولا نشتري له ولا شي ...

شكرا خواتى على مروركم واللة يعيننا على تربية اطفالنا لانها امانة ولازم نحافظ عليها اللة يحفظهم لنا يارب ويقر اعيننا بهم جميعا يااارب

بالنسبه لتجربتي كانت مثل مشكلتج بالضبط ونفس العمر بس سويت له حركه حلوه مره الطفل عادة يوم يشوف الضعف من الأم والأب يزيد الدلع سويها مره وطلعيه وقبل مايصيح قولي له اليوم لأ...........بس مره ثانيه بشتريها لك اليوم طلعنا لشراء الملابس او للجمعيه واذا ماطاع المره الثانيه لاتطلعيه وقولي له كنت بشلك معاي بس عشان المره الماضيه صحت في المحل عقاب لك ماتطلع بيصيح شويه لين مايتعلم انه كلامك هو اللي بيمشي بيبدأ يفهم بس اهم شي لاتكذبين عليه ويوم توعدينه بشي نفذيه ولعلمج الأطفال يفهمون احسن منا بس احنا على بالنا انهم صغار على الفهم ومانعرف انهم من الحين تتكون عندهم الشخصيه وبسسسسسسسسسسسس وادعي لي

بالنسبه لتجربتي كانت مثل مشكلتج بالضبط ونفس العمر بس سويت له حركه حلوه مره الطفل عادة يوم يشوف الضعف من الأم والأب يزيد الدلع سويها مره وطلعيه وقبل مايصيح قولي له اليوم لأ...........بس مره ثانيه بشتريها لك اليوم طلعنا لشراء الملابس او للجمعيه واذا ماطاع المره الثانيه لاتطلعيه وقولي له كنت بشلك معاي بس عشان المره الماضيه صحت في المحل عقاب لك ماتطلع بيصيح شويه لين مايتعلم انه كلامك هو اللي بيمشي بيبدأ يفهم بس اهم شي لاتكذبين عليه ويوم توعدينه بشي نفذيه ولعلمج الأطفال يفهمون احسن منا بس احنا على بالنا انهم صغار على الفهم ومانعرف انهم من الحين تتكون عندهم الشخصيه وبسسسسسسسسسسسس :qaq: وادعي لي
وكل عام وانتوا بخير