هديه للوالده - منتديات عروس

ا

ام ضحك

عروس مشاركة

19-10-2006 | 03:06 AM

مساء الخير يا عراايس
اشلونكم فديكم عساكم بخير

طلبتكم ساعدوني ، ما بقى على العيد شيي و متحيره حدي

بغيت اشتري هديه للوالده الله يحفظها بمناسبه العيد
و بمناسبه ان اهيا توا طالعه تقاعد مبكر

علما اني لليلحين طالبه و عندي مسؤليات وايده
فابي يكون سعرها معقول

و الاهم شيي روووعه و تستاانس عليه وااييد

عطوني من افاكركم الله يخليكم.. اكيد عندكم خبره و افكار يعلني افداكم

احنا عادة بالعيد نتيتمع بالبيت العود عشان الغدا هناك
عطوني الفكره الهديه و شلون اعطيها الهديه بعد ..

انتظركم يا احلى بنات
و الي بترد عليي و بتعطيني فكره و الله لا ادعليها بالخير و التوفيق

و الله يخلي لكم امهاتكم:shy:

b

bridetobe

عروس رائعة

19-10-2006 | 11:04 AM

وأنا كمان زيك لأ وايهعيد ميلاد أمي في العيد كمان

يلا في انتظار افكاركم

ا

اسيرة قلبه

مشرفة سابقة

19-10-2006 | 11:12 AM

هلا حبيبتي

ممكن تعطينها مجموعة فيها لوشن وشور جل وصابونه

مثل اللي عند بدي شوب وزهور الريف ونكتار

عندهم اشياء بسيطه وحلوه وبتستفيد امك منها

طبعا بعد ماتغلفين الهديه حطيها بصندوق وحطيها معها ورد مجفف وورق مقصص جاهز وورده طبيعيه

وبتلقين اشكال حلوه بمحلات الهدايا ممكن تنثرينها داخل الصندوق

وفيه شمعات على شكل قلوب صغار مره بوسط تل حلوه مره مع الهدايه

ممكن اذا مالقيتيها اختاري شمعه صغيره وانتي زينيها

اختاري تل نفس لون الشمعه بعدين غلفي الشمعه وسكريها بشريطه من نفس اللون بيطلع شكلها مره روعه

ان شاء الله بصور لك شكلها عشان تاخذين فكره بس مب الحين بالليل ان شاء الله لأني بفصل النت الحين :)

وبصور لك بعد الورق المقصص :)

والله يحفظ لك امك ان شاء الله يارب

ان الجميع مسافرون (احجزوا مكانكم من الآن)

تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور

د

دمعة غريب

عروس متألقة

19-10-2006 | 11:22 AM

اشتريلها خاتم وااايد روعه من ألدو ذهبي والله فخم

وبفكر وبرد عليج عقب ان شاء الله

r

rawaan

عروس مشرقة

19-10-2006 | 11:45 AM

اشتريلها عطر من الحرمين منزاين عطورات وايد حلوة

ق

قلب صافي

عروس مشاركة

19-10-2006 | 11:50 AM

بالنسبة للهدايا .. عادة تشوفين الشخص شو يحب او كيف اهتماماته

عندي مثلا الوالدة الله يطول عمرها : تحب الزراعة و الحديقة وايد

و دايما تحب البذور و الشتلات و الاشجار .. و اذا فيه حد مسافر .. ما تطلب غير البذور و الشتلات

و اذا كانت من النوع الي يحب الطبخ .. ممكن شي من ادوات المطبخ

و اذا كانت من النوع الي يحب يقرا .. ممكن مجموعة كتب حلوة في مجالات تحبها

او ممكن مجموعة اشرطة سمعية او فيديو عن برامج او مواضيع تحبها

او حتى مجموعة محاضرات عن التجديد و الحياة

و ان شاءالله اكون ساعدتك

ا

ام ضحك

عروس مشاركة

19-10-2006 | 02:44 PM

حلووه افكـاركم حبيباتي

اسيره قلبه شوقتيني انتظر الصور فديتج

دمعه غريب حلووه فكره الخاتم و اعطيها اياه مع بوكيه ورد مثلا

كل الي شرفوا موضوعي يعطيكم الف عافيه
و حبايبي انتظر منكم افكاار اكثر ، عشان اجوف شنو يناسب

ا

اسيرة قلبه

مشرفة سابقة

20-10-2006 | 02:42 AM

تفضلي هذي الصور