[glint]السلام عليكم ورحمة الله وبركاته[/glint]
شخباركم يا امهات المستقبل؟ ان شاء الله اتكونون بخير وصحه وعافيه..
وشخبار عيالكم الحلوين؟ ربي يخليهم لكم يا رب ويكونون من الذريه الصالحه باذنه..
ندخل للموضوع..
طبعا كلنا انلبس عيالنا حفاظات..
وكلنا عيالنا مرات يعانون من الالتهابات والاحمرار..
طبعا قلبج يعورج لما تشوفين الطفل يبكي امامج ما قادر يسوي شي غير البكاء..
عندي لكم حلول حلوه وبسيطه باذن الله تقضين على الالتهاب والاحمرار..
1- اول ما يجيس الطفل الالتهاب.. حاولي ما تلبسينه الحفاظ.. علشان لا يرطب المكان وتزيد المشكله..
2- اغسلي المنطقه بماء بارد بدون الصابون.. لان مرات الصابون يحرقه.. بس الماي يكفي..
3- جففي المنطقه جيدا بفوطه خاصه به..
4- اتركيه يتهوى..
5- بعد 10 دقايق وزعي كريم مرطب الي يخفف الالتهاب..
وانصحكم ب 3 كريمات مجربه وبالفعل خففت الالتهاب بسرعه.. ومكتوبين علهم انهم للالتهابات والاحمرار.. بتحصلونهم في السوبرماركت الا الاخير في الصيدليه..
1- سيباميد..
2- هيمالايا
3- Mustela
وهاي الصور بس سيباميد مخلص ما قدرت اصوره..
ولا تقتربي للحفاظ حتى تختفي المشكله نهائيا.. وباذن الله بتخف ل يوم الثاني..
ولما توزعون الكريم لا تنسون توزعون البودره على الفخوذ علشان الاحتكاك..
وان شاء الله محد من الاطفال بيعاني من هالشي لان جد جد قلبج يعورج لما تشوفينهم يصيحون..
واحذرو من الاسهال.. ان صاب الطفل الاسهال يعني 100% التهاب..
فجهزو الكريم قبل ليصير شي..
وان عندكم نصايح زياده افيدونا بارك الله فيكم..
وشكرا.. :shy:
