بنتي لين الحين ماتسبحت

الف مبروك يالغاليه وتتربا بعزكم..

اللى اعرفه انهم من اول يوم يسبحونهم ونصهم ف المستشفيات ما يغسلونهم شرات الكورنيش

انا بنتى صارلها 6 شهور وما عندى خبرة ولا اعرف حتى اسبح قعدت مع امي وحمايتى وحريم اخوني اشوفهم كيف يسبحونها واساعدهم لاني اخاف تنسلق بين يدي والحمدلله تمكنت واللى ساعدني الاسفنج اللى ينباع ف مذر كير اسبحها عليه..نصيحتى لج خلي حد من هلج يساعدج وبتتعلمين بعدين ابروحج..

اختي بقولج كيف امي تسبح اخوي لما كان صغير ..

ممكن انج تاخذين الحمام الاسفنجي اللي يكون كأنه مستطيل اسفنجي و تستلقي بس لازم ترفعين راسها و رقبتها بإيدج .. يفضل يكون معاج حد عشان انتي تمسكينها و حد يسبحها .. و اسكبي عليها ماء في حرارة الجسم بقلاص او شي صغير عشان لا تتفاجأ فيه .. و بحركات ناعمه اغسلي جسمها .. و الشعر بنقاط شامبو .. بس لا يدخل الماي في اذنها ولا عيونها بس اخذي الماي بإيدج و امسحيه على راسها .. و بعدين نشفيها و حطي لها شوية بيبي اويل .. وبس ..
نعيماً ..

ان شاء الله استفدتي مني

الف الف مبروك تتربيى في عزكم يارب , نفسي انا بنتي ماسبحوها ولا اعرف اسبحه اخاف سبحتها وحده من قرايبنا جزاها الله خير وعقب قمت انا اسبحها ويا ابوها لين قمت اسبحها بروحي ولا معاي بعد بالبانيو احطلها البط والالعاب وتستانس على الماي .
غسلي جسمها بالاول وتالي شعرها.
وتذكري انها بيبي يعني مو كلش وصخه يعني مجرد تنظيف خفيف وعلىالسريع وديري بالج عليها عدل .

الغالية ام سلطان... انا قبل يوم ربيت يلست عند امي وكانت هي تسبحها لين ماخلصت الاربعين وكنت اساعدها عشان اتعلم اوني..
بس الحين الثانية ماعرف كيف اسبحها نسيت.. ومايلست عند امي الحين انا يالسة في بيتي .. وعندي الخدامة بس اخاف اخليها تسبحها .. انا ابا اسبحها بس ابا طريقة سهلة ..
وكيف اجفف راسها بعد ماخلص؟؟

بالنسبه للطريقه ماقدر افيدك

لكن بالنسبه للاستحمام نفسه

حاولى استنى شويه عليها

لما تتم 10 ايام مثلا ولا حاجه ابقى اعمليلها حمام ان شاء الله

اللى اسمعه عن استحمام الاطفال بيكون بسفنجه وماء دافئ ومجرد مسح على الجسم وتحاولى تحافظى عليها من البرد

مجرد مسح فقط على الجلد

يسعدنى مشاركتك فى مشروع فرصة العمر
http://www.3roos.com/forums/showthread.php?t=200729



سيأتى يوما احمل فيه صغيرك..أهدهده وأغنى له ,,,
ألبسه ثيابه الجميله ,,,
وأمد له لعبته الصغيره ,,,
أقبله وأناغيه ,,,
أنظر له وأستخرج من ملامحه أشباهه ,,,
هل هو لأمه الحبيبه أم لوالده الغالى ,,,
حتما سيأتى ذلك اليوم فقط اصبرى واكثرى من الدعاء ,,,
وستنالين مرادك ان شاء الله ..
ايتها الغاليه لاتحزنى وثقى فى ربى الرحمـــــن ,,,
حبـــيبـــــــــه ,,,

مشكورين خواتي روز والهنوف.. عاد زوجي كان يساعدني في الاولى .. الحين خلاص.. بس استفدت منكن .. بسير اشتري الاسفنج وبخلي الخدامة تساعدني

تقدرين اول شي تغسلين راسها في المغسله وتنشفينه...وبعدين حطي الاسفنجه في الحوض الخاص بالاطفال..وحطي عليها فوده وخلي البنت عليها وسبحيها ...طريقة سهله

حرام 5 أيام وللحين ما سبحتيها....
أحس الياهل يتظايق خصوصا أنه يرجع ودايما ملفوف، يحتاج جسمه للغسل...
الأخوات عطوج طرق وايد، أسهل شي مثل ما قالوا الأسفنجة اللي تسدحينها عليها وخلي الخدامه تساعدج....
أختي ام سلـطـــــان أنا ربيت في الكورنيش وسبحوا ولدي بس ثاني يوم بعد الولادة لأنهم ما يبون يعرضونه للماي من البدايه وهو شي يديد عليه .....

السلام عليكم ورحمة الله وبركاته

عزيزتي ما يسبحون الياهل في المستشفى لان في ماده في جسم الياهل لما ينولد يفيده وايد علشان جيه ينظفونه بس من فوق ل فوق..

وعن السباحه في محلات الاطفال يبيعون كراسي خاصه للاستحمام.. يلسي الياهل فيه وغسليه بماي والصابون والاسفنجه شوي شوي.. هذي اسهل طريقه..

وشكـــــــــــــــرا..

أختى مبارك ماجاك وتتربى بعزكم إن شاء الله..

حرام عليك مخليه البنت المسكينة لحد الحين بدون سبوح،، أشتري لها الأسفنجة (الصورة مرفقة) وخليها بالمغسلة إذا ماتقدرين تنزلين البانيو وحمميها بواسطة إبريق ماء وشوي صابون على جسمها ومسحي راسها بشوية شامبو وسكبي الماء على راسها من وره يكون ماينزل في إذنها....

الف الف مبروك و تتربى فعزكم و ربي يبلغج فيها ...

شوفي إختي أول الأيام إخذي حوض حطيه علطاولة مو علأرض علشان توج والد فمو زين تقوسين ضهرج وفي فماذركير أحواض معاها ستاند و مكان تحطين فيه الشامبو و الشاور جل و القطن و غطاء الحوض جيد عشان تبدلين البيبي عليه...
الإسفنجة زينه و اَمنه للبيبي بس لازم تجففينها عدل لأنها بتتعفن إذا تمت فيها الرطوبة و العفن خطر علبيبي...
دام إني خبيرة سبوح البيبيات فما أستخدم إسفنج بس اَخذ المهاد و أفرشه فلحوض و أصب عليه كمية قليله من الماي الدافي عشان ما يستبرد البيبي و أغسل جسمه بالماي و الصابون بحيث أمسك البيبي من صوب الكتف و راسه على كفي و جسمه كامل مستند فلحوض و لا تنسين ترى لازم حد يكت على يدج الماي بس بالعدال مو مرة وحده و عقب تحطين الشاور جل "إخذي جونسن الأزرق بدون زيت أحسن" في كف يدج و تفركينه بكفج بأصابعج علشان يتدفى و مو تصبينه من الغرشه على جسمه لأن بارد عليه.. تفركينه بأناملج جسمه كله و لا تنسين الضهر و بعدين صبي عليه الماي و رفعيه بيدينج و فوق و خلي إلي معاج يصب الماي من الكتف علشان ينزل الماي و الصابون من جسمه ... هني تكونين مجهزة الفوطة إللي معاها كبوس "قبعة" حطي الفوطة بطريقة المهاد بحيث يكون المثلث أهوه الكبوس بس كفسيه على برع .. فهلمرحلة ممكن البيبي يصيح بس صيري ريلاكس ولا تخافين ترى عادي ...
لحد ألحين ما غسلنا الراس و الوجه و هذي الشي بنسويه عقب ما تمهدين البيبي بالفوطة مثل المهاد العادي.. هني البيبي بيسكت أو بيخف صياحه لأن بيتدفى

المرحلة الثانية:
تاخذين البيبي تشيلينه بطريقة إن جسمه يكون بكبره مستند على ذراعج و راسه على كفج و طبعا الحوض تحته هني حاسبي ما يدش الماي فأذونه فخلي إللي معاج يصب ماي إبتداء من مقدمة الراس إلى أن ينتشر الماي علراس كله و حطي له قطرة شامبو وفركي بشويش و صبي عليه ماي نفس الشي من مقدمة الراس و شويه شويه على الجوانب و خليج حذرة لا يدش الماي فأذونه و حطي يمج إحتياط قطن علشان تنشفين الماي إذا لامس إذن البيبي.. إخذي قطنة و بلليها بلماي و مسحي عليها شوية شامبو و مسحي على وجه البيبي و نشفيه بقطنه جافة و ردي غسليه بقطنة مبللة وو ردي نشفيه بقطنة جافة و إخذي فوطة صغيرة نشفي فيه شعره و غطي راسه به..

ملاحظة:
ضروري الحجرة تكون دافية و مافيها تيارات هوائية حاسبي ترى هلنقطة وايد مهمة

خلصنا الببوحه :)
و حمام الهنا

ها تعرفين تبدلينه ثيابه أو لا؟
إذا ما تعرفين قولي لي باعلمج ...

شوفي هلصور ممكن تنفعج
شوفي طريقة المسك ... لا تنسين تركزين على منطقة الرقبة و تنظفينها بفوطة مبللة فيها شوية شاور جل ...لكن لاحظي كمية الماي وايد ترى ما يحتاي تترسين الحوض

لا تنسين تدعين لي الله ييسر لي أموري فكل شي و يرزقني الذرية الصالحة

شوفي الحوض اللي بالصورة ... تلقين مثلة عند ماذركير أو بيبي شوب
وايد عملي

أتمنى يفيدج هذا الرابط

http://go.3roos.com/ZxahpMbSgtQ

عزيزتي الافضل لاتسبحيها الا بعد ماتطيح سرتها والان امسحيلها بالقطن والماي

الف مبروووووووووووووووك يالغلااااا

مشكورات بنات على المرور والافادة...
واخر العنقود فديتج مشكورة على الشرح المفصل وتعبتج معاي .. اعرف كيف البس البيبي ترا هذا البيبي الثاني.. بس السبوح كان صعب بالنسبة لي لانه يخوف .. الله يسهل لج كل امورج يارب ويرزقج الذرية الصالحة امييييييييين..
جاسمين حبيبتي الف الف شكر لج على الفيديو المفييييييييييييييييييييد جدا وهذا اللي انا ادوره .. تسلمين يالغالية والله يوفقج في دينج ودنياج ..