أنا وربيعتي.. وربيعتي والحسد

اول شي اتخلي بايمانها بالله قووووووووووي
" لن يصيبنا الا ما كتب الله لنا"
يعني سواء استوى فيهل شي وللا لا ما بيكون حد ضرها
صح العين حق بس اتوكل عمرها واتوثق ايمانها بالله وبسسسسسسسس
خليها تقرا المعوذات والقران والادعية وما تطلع من البيت الا وهي قارتنها
في ادعية حق التحصين من العين
خليها تقراها
انا بدور هالادعية وبكتبها لج انشالله
وانا مستغربة وين ريلها:؟
خله يشيل دبية ماي ويخلي اللمطوع يقرا فيها وتشربه
بس والله لو هي تقرا على عمرها وتقرا الادعية صدقيني ما بيستوي شي فيها
والله يبعد عنها كل شر ويحميها ويحمي الي ببطنها

السلام عليــكم

اختي ما في حل غيـــر انها تقرى دووم سورة الفلق ودوووم تقرى المعوذات ترى والله كل من وساوس الشيــطان (( قل لن يصيبنا إلا ما كتب الله لنا)) هب انها تحاتي بيصيـر فيها شي يوم العيد هذا وسـواس من الشيـطان إذا الانسان حافظ على اذكـار الصباح والمســاء يرتاح و اللي الله كاتنه بيصيـر

اذا هي مب مؤمنه بالأوردة ولا الأذكار شلون تبي ربي يسهل عليها ويحفظها

لاحول ولاقوة الا بالله

قولي لها احفظ الله يحفظك

وخليها تاخذ 7 تمرات على الريق كل يوم عشان تحفظها

وخليها تشغل سورة البقره بالبيت

وتقرا الأذكار وتؤمن فيها عشان ربي يبارك لها

والله يسهل عليها ويحفظها









ان الجميع مسافرون (احجزوا مكانكم من الآن)

تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور

خليها دائما تحافظ على اذكار الصباح والمساء والمعوذتين والفاتحة واية الكرسى تقرها يوميا

لاحول ولاقوه الا بالله

اختي صدقيني الموضوع كله نفسيه والوحده كل ماخافت انها تنصاب بالعين يكون جسمها متقبل العين والحسد
واذا كانت مؤمنه وموخايفه جسمها راح يصد العين والحسد اهي كلها اشعاعات غير مرئيه تخرج من عين الانسان وتصيب االانسان الاخر
والجسم الثاني يايصد الاشعاعات هذي او يتقبلها
وكل ماخافت يكون مناعتها خفيفه وتقبل جسمها الحسد
لكن اذا قرت المعوذات كل يوم راح اتقوي مناعتها

وبعد سمعت شيخ دين يكون ان اللي ياكل 7 تمرات عجوا عالريج يحمي جسمه من العين والحسد
والسبع تمرات تحمي الجسم لمده 12 ساعه

قوليلها تعوذي من ابليس لان هذا كله وساوس من الشيطان وتوكلي على الله سبحانه وتعالى

كلامي من كلام فنووره


خلها تقوي ايمانها وتوكلها على الله

وتتحصن بالاذكار

وان شاء الله مابيصيبها شيء

لاحول ولا قوة الا بالله

وتقولي أنا إيماني مب قوي أحس حتى لو قريت على نفسي وعلى اللي في بطني مافي فايدة..

حبيبتي وش هالكلام اذا تصلي وتعبد الله ليه تقول هالكلام

ماسمعت عن حديث الرسول صلى اللع عليه وسلم وهو قدسي في معناه انا عند حسن ظن عبدي بي مادام حسن الظن بس ........فان اصابته سراء شكر وان اصابته ضراء صبر فكان خير له) وهذا في معناه واللي احفظه

فتتوكل على الله وتتعوذ من ابليس

ومعليش لاتواخذني من هالكلمه كيف تطلب من الناس والله الكريم القادر على كل شئ والكاشف عن المرض هو الوحيد اللي يقدر يكشف عنها السوء ويحفظها

وابوب الدعاء مفتوحه لجميع عباده مافي شئ اسمه مو قويه ايمان

وماسمعت عن الحديث ان الله تعالى ينزل الى السماء الدنيا فيقول هل من سال فاعطيه ......... الخ الحديث

حبيبتي في اخر الليل تدعي ربها ان الله يحفظها عن عيون الحاسدين

وتتوكل على الله

وزي ماقالوا الاخوات تاكل سبع تمرات على الريق

وتقرا الاذكار بعد صلاة المغرب وبعد صلاة الفجر

وهي ايه الكرسي والمعوذات

وتقول (اعوذ بكلمات الله التمات عن كل شيطان وهامه وعن كل عين لامه )
7 مرات
واعوذ بكلمات الله التامات من شر ماخلق

بسم الله الذي لايضر مع اسمه شئ في الارض ولا في السماء وهو السميع العليم

3 مرات

وتقرا اخر ايتين من سورة البقره (امن الرسول بما انزل اليه والمؤمنون .........

وسورة الحمد 7 مرات

واذا داومت عليها صدقيني مافي احد يقدر يمسها

ولا تنسين حديث الرسول صلى الله عليه وسلم فيما معناه ( لو اجتمعت شياطين الانس والجن على ان يضروك بشئ لم يضروك الا بشئ قد كتبه الله عليك ..........الخ الحديث

فيا اختي تقبل على الله وحده وبقلب خالص ونيه صافيه وتدعي وخاصه اننا برمضان قبل الافطار

صحيح مافيها شئ تطلب من الناس يدعون لها

بس ماراح يكون من قلب وخشوع زي نفسها مهما كان
والله لايفرقكم ان شاء الله ويبعد عنكم عيون الحاسدين ودعوة المحترين

واسفه على الاطاله

لا تهدم حياتها وتعيش في كابة بسبب العين والحسد


لا تخليه شيء هوسي ومرضي هالتفكير


قل لن يصيبنا الا ماكتب الله لنا

ما بزيد على كلام البنات لانهم ما شاءالله عليهم

و رأيي من رايهم ..

و الله يهدي ربيعتج ان شاءالله و يحفظها

مشكورين يا بنات كل اللي ردوا على هالموضوع..
لكن تعرفون لأنه العيد لمة الأهل واللي ما شافوها من فترة الكل بيشوفها... وهي بعد أي مناسبة لازم لازم الناس تتكلم عنها.. مب عارفين شو نسوي... وهي عارفة إنه ربنا بيحفظها لأنها بروحها تقولي هالكلام إنه ربنا رزقها وهو الحافظ... هي وايد من النوع اللي تحاتي.. فوق مشاكل الحمل.. عندها مشاكل الأهل... مشاكل الدراسة.. مشاكل الزواج... يعني من ولا صوب سالمة... مب عارفة شو تسوي... يعني كل ما تبي تحل سالفة.. تطلع لها سالفة ثانية.. كل ما تبي تنهي مشكلة.. بعدها ما انتهت إلا ومشكلة ثانية ومصيبة أكبر منها طلعت... مب عارفين كيف نتصرف... يعني أنا بروحي ضعيفة وهي بروحها بعد ضعيفة في التحمل... يعني حتى لو نبي نشجع بعض ما نقدر.. نبي نحل مشاكلنا بروحنا ما نقدر.. نبي شوي حياتنا تتغير بعد مب قادرين.. خلاص تعبنا وهي بروحها مريضة.. وفيها أنيميا... وفوق هذا في بنت معانا في الدراسة... خلت ربيعتي تكره اليوم اللي دخلت فيه الكلية.. ضرتها لدرجة فوق ما تتصورون.. لدرجة إن ربيعتي وحتى أنا كنا بننطرد... بسبتها... وتخيلوا بعد كل اللي صار بعد ما كفاها.. تحاول بأي طريقة ترسب صديقتي.. أستغفر الله العظيم.. يعني ما كفت المشاكل.. عشان هي تطلع لنا من صوب ثاني.. وفوق هذا كله.. يالسة على قلب ربيعتي مثل العلة ما تخليها تتنفس.. لا هي مراعيتها إن ربيعتي مريضة.. أو حامل.. أو متزوجة.. أو وحدة على الأقل ادور مصلحتها بدون ما تضر أي إنسان... مب عارفين من شو ولا شو ولا كيف نتصرف!!!! كل ما نحاول والله تطلع لنا بلوة ثانية.. وفوق هذا كله يا بنات.. إختي طلعت لي ببلوة فظيعة صدمتني منها ما خلتني أدرس حق يوم الامتحان.. وطول الوقت أفكر فيها وكيف أحل سالفتها اللي ما أعرف من وين طلعت لنا فيها... قولولي يا بنات شو أسوي أو كيف أتصرف...

تعبت والله تعبت من التفكير... تعبت من الهموم.. تعبت من كل شي... مب قادرة أستحمل أكثر من جي لا أنا ولا ربيعتي.. أحس إن الهموم اللي فوق عاتقنا نحن مب قدها.. هي أكبر منا..

لا حول ولا قوة الا بالله
اي والله العين تهدم البيوت وحتى تقتل طبعا كل شي بإرادة رب العالمين
وانا كنت أعاني من كثرة العين وللحين اعاني بس خف اشوي
حتى في مرة وحدة قالتلي انتي عندك كل شي
قلت ليها ويش عندي قالت عنك زوج وحتى الجامعة دخلتيها
والله ماكذب عليكم في نفس السنه حملت جميع المواد كيف بدون اي سبب مع اني كان معدلي مرتفع
ومشاكل مع زوجي مع اني توني مالكة

بس ويش نقول غير حسبي الله ونعم الوكيل في كل ظالم
خليها دائما تحافظ على الاذكاروالمعوذتين والفاتحة واية الكرسى تقرها يوميا
وخاصة اول ماتطلع من بيتها

والله يحفظها من كل عين