ماسك الرمان .. من كريستالة قطر ..

كريستالة قطر 16-10-2006 67 رد 6,130 مشاهدة
ك
أسمحوا لي أشاركم في القسم بماسك من إعدادي ..

وإن شاء الله ماأضايقكم بزحمتي ..

أدري القسم ما شاء الله متروس بمواضيعكم ..

بس قلت لازم أدز نفسي أشوي وأصير منهم .. (( عشان تعرفون إني حلوة )) .. هههههههههه ..

المهم أرجع لمحور موضوعي اللي هو :-

ماسك الرمان


راح أعرض عليكم بعض المعلومات اللي من خلالها راح تعرفون مكونات هالماسك ..


الرمان



من أغنى الفواكه بالمركبات المفيدة ..

اعتمدت الدراسات على غنى ثمار الرمان بالمواد المضادة للأكسدة التي منها صباغات بذور الرمان الحمراء، إضافة إلى الفيتامينات والأملاح ..


ماء الورد



يعطي نضارة للوجه ويخفف نمو الشعر إلى حد جيد ..

من خواصه إنه مبرد للجلد امن جداً ويصغر المسام ومفيد لحبوب الشباب ..

ويدخل اليوم في تركيب عدد من مستحضرات التجميل باعتباره منشطًا وذلك لوجود مادة قابضة فيه ..



الزبادي



يحتوي على فيتامينات أ، ب، ج، د ..

يحتوي على نسبة البروتين العالية التي تحفظ عضلات الوجه قوية ..

ونظراً لأهمية فيتامين "ب" للشعر والبشرة والعينين فإنه يعتبر "عامل الجمال والحيوية" ..

بالإضافة لسهولة امتصاصه بالجلد وهذا يجعله من أفضل المغذّيات والمنظفات للبشرة.. ولذا يدخل في تحضير الأقنعة والكريمات ويستخدم كغسول لتنظيف البشرة ..



أعتقد من خلال هالمعلومات عرفتوا مكونات الماسك ..

المكونات ..

- 3 ملاعق صغيرة زبادي ..
- 6إلى 8 حبات من بذور الرمان ..
- 3 ملاعق كبيرة من ماء الورد ..

الطريقة ..

- تخلط المكونات مع بعض ويفضل يكون الزبادي بارد ..
- ونفس الوقت اللي بينحط فيها الماسك على ويهكم الحلو تضغطين على بذور الرمان وهي بوسط الزبادي عشان تستفيدين من الماي اللي بداخلها ويخلط ويوضع على الوجه والرقبة ..
- يترك الماسك عالوجه والرقبة لمدة 15 إلى 20 دقيقة ..
- بعدها يشطف بالماء الفاتر ومن ثم البارد ..
- تمرير مكعب ثلج من ماء الورد على الوجه والرقبة للانتعاش ..




ان شاء الله وصفة كريستالة قطر تعجبكم وتناسبكم ..

للي تجربها وتحبها .. طلب صغيرون مني ..

تدعي لي بإن الله يرزقني بالذرية الصالحة السليمة والمعافاة ..


كريستالة قطر
د
انا اول من يرررررد


حركاتهم يا حركاتهم

خوش اختراع والله وانا من قلتي لنا عنه فموضوع الشات قلت بجربه

ماسك حلو وسهل وبسيط واهم شي انه يعالج مشكلة المسام بمكوناته ال 3

الروب والرمان وماي الورد

بجربه انشالله وابشرج بالنتايج

والله يرزقج بالذريه الصالحه انشالله
M
عيني عليج بارده ،، والحلو ما يجيب الا كل شي حلو ..

المكونات وايد حلوه ،، و اشكرج لأنج ذكرتي لنا فوائد كل مكون

اتمنى دوام التواصل ولا تحرمينا من المزيد
ز
عاد تدرين الزبادي ما يناسبني

ان شاء الله يرزقج بالذرية الصالحة
*
يعطيج العافيه حبيبتي كريستاله

وان شاء الله بجربه
ك
دلوعه قطريه:
انا اول من يرررررد


حركاتهم يا حركاتهم

خوش اختراع والله وانا من قلتي لنا عنه فموضوع الشات قلت بجربه

ماسك حلو وسهل وبسيط واهم شي انه يعالج مشكلة المسام بمكوناته ال 3

الروب والرمان وماي الورد

بجربه انشالله وابشرج بالنتايج

والله يرزقج بالذريه الصالحه انشالله




فديتج والله .. وفديت هالطلة الأولى عالموضوع ..

أأأأأأأأأم خلص أنتظرج تجربينه وتقولين لي رأيج فيه ..

بس هــا من ألحين أقول لج .. مب تتولعين فيه مثل ماأنا تولعت بماسك النيدو ههههههههه ..

وخلاص أنتظر منج النتيجة حبيبتي دودو ..

والله يسمع منج إن شاء الله ..
د
:clap: واااااااااااااااااااااااااي شكل الرمانه يهلعععععععععععععع...هذي الرمانه بكلها...احسن مما اني اسويها ماسك...خخخخخ
ع العموم مشكوووووووووووووووووووووره فديتج كرستاله وننتظر جديدج...(f)
ك
Marshmallows:
عيني عليج بارده ،، والحلو ما يجيب الا كل شي حلو ..

المكونات وايد حلوه ،، و اشكرج لأنج ذكرتي لنا فوائد كل مكون

اتمنى دوام التواصل ولا تحرمينا من المزيد




واااااااااااي ماأصدق إن مشرفتنا الغالية Marshmallows

ماره موضوعي وتشجعني وتشاركني ..

صج الأرض مب شالتني من الفرحة ..

تفأجات من ردج على بالموضوع لاني مالمحت ومره وحدة شفت رد لج .. سبحان الله ..

شهادتج وسام أعتز فيه ..

وبخصوص فوائد المكونات قلت لازم أشوف وأدور لهم على كمن معلومة تشجعهم على عمل الماسك ..

وإن شاء الله ماراح أقصر معاكم وأوفيكم بالمزيد ..
ز
صرتي تخترعين ماسكات وخرو عنها ..

انشالله بجربه بكره ..

ومشكوره كوكو والله يعطيج الف عافيه ويرزقج بالذريه الصالحه ..
ك
زهرة الحب 22:
عاد تدرين الزبادي ما يناسبني

ان شاء الله يرزقج بالذرية الصالحة




خسارة والله ..

يالله إن شاء الله أنزل لج شي يناسبج وتسوينه ويعجبج بعد (( حبت السالفة الأخت وصدقت نفسها )) هههههههههههههههههههه ..

والله يسمع منج إن شاء الله ..
ك
sara_daloo3a:
يعطيج العافيه حبيبتي كريستاله

وان شاء الله بجربه



الله يعافيج حبيبتي sara_daloo3a ..

وأنتظر منج النتيجة ..

بس صدقيني دامج حلوة بتعجبج (( تشجعج وتغصبج إلا تسوينها )) ههههههههههههههه ..

وربي يحفظج ..
ك
دهن_الــــورد:
:clap: واااااااااااااااااااااااااي شكل الرمانه يهلعععععععععععععع...هذي الرمانه بكلها...احسن مما اني اسويها ماسك...خخخخخ
ع العموم مشكوووووووووووووووووووووره فديتج كرستاله وننتظر جديدج...(f)



أنتي اللي تهبلين والله ..

وبخصوص الرمان أزيدج من الشعر بيت ترى موسمه ألحين ..

يعني أكليه عليج بالعافية بس عاد أرفعي لج كمن حبة منهم حق ويهج ..

ولا ماتبين ويهج يصير حلو حق العيد (( حجة وحاجه )) ههههههههههههههههه ..

ويسلمي لي مرورج حبيبتي ..
ك
زينة قطر:
صرتي تخترعين ماسكات وخرو عنها ..

انشالله بجربه بكره ..

ومشكوره كوكو والله يعطيج الف عافيه ويرزقج بالذريه الصالحه ..



شفتي وشلون زيون ..

خلاص إن شاء الله أنتظر منج النتيجة بكرة ..

والله يسمع منج إن شاء الله ..

ودام ذي كله تشجعيكم أبشروا بعفس المنتدى بمواضيعي .. (( لاأحد يخورها )) ههههههه ..

ترى لا تمدحوني وايد .. أصدق نفسي أوكي .. ههههههههههههههههههه ..

وربي يحفظج ..
ب
غاليتى كريستالة قطر (f)

موضوع حلو ووصفه أحلى كفائدة وكبوق :bigsmile:

تعودت من وصفاتى أنى أبوق (أسرق) منها شوى وأذوقه

واللى ما أقدر أذوقه ما ارتاح له أبد

وهذى الوصفه مشكله لأن الرمان اذا تقشر صعب أحطه على بشرتى بس!!

بيروح كله على مخزن الطعام طوالى (البطن) :dd: :dd:

ولا اذا كانت حامضه مستحيل تشرد منى باكلها وبلوص الروب على ويهى (r) (r)

وننتظر ابتكاراتك يا قمر

وتحيــــــــــاتى


ا



مشكوره حبيبتي على الماسك

الله يعطيك العافيه يارب









ان الجميع مسافرون (احجزوا مكانكم من الآن)

تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور

k
مشكوووره حبوبه
ك
بنت عذارى:
غاليتى كريستالة قطر (f)

موضوع حلو ووصفه أحلى كفائدة وكبوق :bigsmile:

تعودت من وصفاتى أنى أبوق (أسرق) منها شوى وأذوقه

واللى ما أقدر أذوقه ما ارتاح له أبد

وهذى الوصفه مشكله لأن الرمان اذا تقشر صعب أحطه على بشرتى بس!!

بيروح كله على مخزن الطعام طوالى (البطن) :dd: :dd:

ولا اذا كانت حامضه مستحيل تشرد منى باكلها وبلوص الروب على ويهى (r) (r)

وننتظر ابتكاراتك يا قمر

وتحيــــــــــاتى





لالالالالالا عاد مشرفتنا بنت عذاري ..

عاد أنا ماقلت لج 6 رمانات قلت لج 7 حبيبات من هالرمانه .. ههههههههههه ..

عالعموم .. لازم تجربين وتبشرينا بالنتيجة ..

خبرج البنات مايجربون شي إلا لما بنت عذاري تجربه .. (( ربي يحفظج )) ..

عاد تدرين أنا ماأحب الفواكة ولا أكلها كللللللللللللللللللللللللللللللللللللللللللللش .. خخخخخخخخ ..

بس أحط منها على ويهي ..

وأبشروا إن شاء الله دام شفت كل هالتشجيع منكم .. لازم أدز نفسي معاكم في القسم .. هههه ..

شرفني مرورج يالغالية ..

وربي يحفظج ويعطيج على قد نيتج إن شاء الله ..
ك
اسيرة قلبه:



مشكوره حبيبتي على الماسك

الله يعطيك العافيه يارب









ان الجميع مسافرون (احجزوا مكانكم من الآن)

تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور






ومشكورة حبيبتي على مرورج ..

وإن شاء الله تجربينه ويعجبج بعد ..

وربي يعافيج يالغالية ..

شرفني مرورج ..
ك
kholoud_sa:
مشكوووره حبوبه



العفو حبوبه ولو ..

مشكوره عالمرور ..
ح
ياسلام السالفه فيها روب افا عليج انا اول المجربين عاد انا اذبحوني عند الحليب والروب:shy: واحلى يامخترع انت يارمانه:clap:
مدامج قريبه عندنا شرايج اطرشيلي رمانه للبيت اتعرفين الدوحه زحمه هالايام :sad: وملل الانتظار عند الدوارات :angry: اشكثر رقدت عند الدوارات خاصه الصباح :qaq: وننتظر جديدج يالغاليه
X