. . تنظيم الدورة و علاجات التنشيط . . !!!!

د

دوحانية

مشرفة سابقة

16-10-2006 | 02:42 AM

.
.
.

عندي إستفسار و أبغي توضيح إذا ممكن ..

أنا سويت تحاليل عشان أتأكد من سبب عدم إنتظام الدورة عندي و الحمد لله كل التحاليل تمام و ما

في أي مشكلة بس التبويض عندي مب منتظم و هو السبب على كلام الدكتورة .. و ألحين آخذ

حبوب duphaston عشان تنظم لي الدورة .. و قالت لي الدكتورة إذا أبي أحمل بسرعة لازم آخذ

علاجات تنشيط ( إبر أو حبوب مب متأكدة ) و إذا مابي العلاجات أستمر على حبوب الدوفاستون (

حبة وحدة لمدة 14 يوم من اليوم الـ11 للدورة ) طبعاً من بعد ما أخلص الكورس و مدته 3 أسابيع و

تنتظم عندي الدورة بإذن الله ..

.
.
.

فإذا ممكن ابي توضيح :

1- هل الحبوب هاذي باتم آخذها على طول ؟ و لا لها فترة معينة ؟

2- علاجات التنشيط .. شنو مضاعفاتها و شنو مميزاتها و إيجابياتها ؟

3- سؤال محرج شوي : الجماع في حالتي ( الحبوب مع الدورة ) اشلون يكون ؟..

.
.
.

رجاءً أبغي التوضيح من المتزوجات و اللي عندهم خبرة في هالموضوع ..

مع ملاحظة إني متزوجة من شهرين تقريباً + موضوع الحمل مخليته على رب العالمين بعد ما تأكدت من تحاليلي ..

.
.

(f)

د

دوحانية

مشرفة سابقة

16-10-2006 | 06:21 PM

@@

.
.

حلفوا عاد إن و لا وحدة ردت !!!

f

fofo2

عروس ماسية

18-10-2006 | 10:06 PM

هلا ... سوري عالتأخير

الحبوب هذي ماراح تاخذينا على طول فتره وبتوقفينها وبتشوف الدكتوره إذا إنتظمت الدووره أولا ويمكن عقب إذا ما نتظمن تسوي لك كورس ثاني ......... أنصحك بالحبه السوده يقولون إنها زينه وتنظم الدوره

علاجات التنشيط سالفتها سالفه فيها إيجابيات إنك إحتما تحملين بسببها بعد الله سبحانه وتعالى
بس برضو لها سلبيات لكن سلبياته دايما الدكاتره يقولون إنسوها لأن لازم الواحد يضحي عشان يلاقي الذريه

بالنسبه للجماع عادي خليك طبيعيه

وإذا تقصدين تبين تتحرين ايام التبويض في من اليوم11 من بداية الدوره أتوقه إلين 20 من باب الإحتياط
(أتوقع إذا ماني ناسيه)
بس بالنسبه للي مثل حالتك ومثل حالتي دورتهم مو منتظمه نصحتني الدكتوره إن الجماع يكون يوم إيوه ويوم لا لأنك ما تدرين متى راح يكون التبويض ... والحيوانات المنويه تعيش بالرحم 48 ساعه

فعشان كذا قلنا يوم إي ويوم لا

أتمنى أكون أفدتك وإذا لقيت معلومه إنشاءالله ماراح أقصر معاك

دعواتك لي يالغاليه بالذريه الصالحه

f

fofo2

عروس ماسية

18-10-2006 | 10:44 PM

زوري هالموضوع إنشاءالله يفيدك يااارب

http://www.3roos.com/forums/showthread.php?t=173773&highlight=%C7%E1%C3%C8%D1

م

مجنونة قطر

مشرفة سابقة

19-10-2006 | 12:20 AM

هلا الغاليه

اسمحيلي توني اشوف موضوعج ....

التبويض عندي مب منتظم و هو السبب على كلام الدكتورة

دورتج مب منتظمه صح ؟
انتي يبيلج تنظيم دوره عشان تعتدل ايام التبويض عندج ...
ف يمواضيع في القسم تحسب لج ايام التبويض امشي عليها .. بس لاتتقيدين فيها ...

و ألحين آخذ

حبوب duphaston عشان تنظم لي الدورة ..

مثل ما قلتي الدوفاستون حق تنظيم الدوره و في نفس الوقت تتخدم كمبت للحمل .. يعني انشالله اذا حملتي وانتي تاخذينها لا تخافين لانها مثبته للحمل ...

و قالت لي الدكتورة إذا أبي أحمل بسرعة لازم آخذ

علاجات تنشيط ( إبر أو حبوب مب متأكدة ) و إذا مابي العلاجات أستمر على حبوب الدوفاستون (

حبة وحدة لمدة 14 يوم من اليوم الـ11 للدورة ) طبعاً من بعد ما أخلص الكورس و مدته 3 أسابيع و

تنتظم عندي الدورة بإذن الله ..

مادري احس توج عالابر وايد بدري عليهم ...

انتي نظمي الدوره اول .. واذا انتمت وماصار حمل هني ممكن تلجأين لها وحاولي ايام الدوره تنظفين نفسج عدل يعني تشربين دارسين مغلي وايد زين وينظف الرحم عدل ...

1- هل الحبوب هاذي باتم آخذها على طول ؟ و لا لها فترة معينة ؟

على حسب حبيبتي ... انا كانت دورتي من النوع اللي ماتنزل بوقتها ولازم انزلها بالدوفاستون ....
واحيان تنزل بروحها بس تكون متأخره عشان جذي مانقدر نحكم اذا على طول ولا فتره معينه وسبحان الله في حريم اتم دورتهم 6 شهور منتظمه وعقب تعتفس وهالشكل .. لاتنسين النفسيه تأثر عالدوره وايد وتخليها مضطربه ...

- علاجات التنشيط .. شنو مضاعفاتها و شنو مميزاتها و إيجابياتها ؟

اول شي علاجات التنشيط تنقسم الا ابر وحبوب . طبعا كل وحده وتكون الابر او الحبوب قويه او ضعيفه عليها ...

مضاعفاتها اللي لاحظتها على نفسي ...

* العصبيه
* زيادة الوزن مع العلم اذا خليتها يرد جسمي مثل قبل وبالاصح ويهي لان المتن يكون كله متركز في ويهي ...
*الام في الجنبيبن عند المبايض
* احيان تكون الدوره الله يعزج بكتل دم واحيان مثل المسحه بس ..

اما الايجابيات

* تكبر البويضه و تخليها صالحه للحمل باذن الله...
*تكوين اكثر من بويضه يعني احتمالات توائم ...

طبعا الاثار سواء سلبيه او ايجابيه متفاوته بن ل وحده والثاني حسب درجة الاستجابه

3- سؤال محرج شوي : الجماع في حالتي ( الحبوب مع الدورة ) اشلون يكون ؟..

عادي حبيبتي ماله اي تأثير يمكن بتحسين بشوية الم في المبايض وبتحسين صدرج وايد منتفخ و ما ودج شي يصيده بس هاي يكون من الاثار الجانبيه للدوفاستون ...

وانا برايي لا تاخذين اي علاج منشط الا بعد زوجج ما يفحص ... وانشالله ماعليكم شر

د

دوحانية

مشرفة سابقة

19-10-2006 | 09:09 PM

فوفو ..

مشكورة أختي على التوضيح ,, و جزاج الله خير ..

د

دوحانية

مشرفة سابقة

19-10-2006 | 09:16 PM

مجنونة قطر ..

هلا الغالية ,, و ما قصرتي حبيبتي على التوضيح ..

بخصوص العلاجات .. الصراحة أنا مابيها أحسها تعذيب !! و مثل ما قلتي تو الناس و مثل ما

ذكرت انا إن هالموضوع مخليته على رب العالمين .. يعني مب مخليته شغلي الشاغل ..

و أنا جربت الدارسين مع آخر دورة صدقتي وايد زين .. لكن اللي كان مأرقني في الدورة هو إنها

ما تنزل الا بكتل دم مع الاعراض الثانية اللي تصاحب الدورة .. فكنت متخوفة شوي بس الحين

الحمد لله تطمنت من بعد التحاليل ..

بامشي على رايج .. و بعد ما أخلص كورس الدوفاستون باشوف شبيصير معاي ..

و الله المستعان ..

جزاج الله خير ..