مرحبا خواتي شحالكن .؟
انا عندي ربيعتيه الروح بالروح عندها مشكله
ويوم عرفت اني مشتركه فمنتدى عروس قالتلي بليز كتبي السالفه وابا البنات يساعدني
لنه بنات عروس مايقصرن (مدحتنا هههههه)
تقول البنيه على لسانها :
انا بنيه بدش الواحد وعشرين جريب ..اخر هالشهر
من اسبوع تقريبا زارنا خالي (هوه هب خالي خليص هوه ريل خاليته بس نسميه خالي ))وخطبني لولده وابويه وايد يعز خالي ويحترمه
ونحن كلنا نحبه ونحترمه
ابويه وافق مبدئيا <<ماعرفت اكتبها مادري صح والا لا
لين احين كل شي تمام
بس عندي مشكلتين
المشكله الاولى انهم يبون العرس فشهر واحد الياي (يعني ماشي باقي غير شهرين تقريبا )
المشكله الثانيه انه اخو خطيبي وخطيبي ناوين يعرسون فيوم واحد وانا ماريد :angry:
شوه رايكن بنات ؟؟
انا احس انه من حقي ليلة بروحي ماريد حد يشاركني فيها لو وافقت
وبعدين ماشي وقت اتزهب فيه الا شهرين :sad:
شوه الحل؟
بليز بنات لاتردني و لي عندها حل تقولي
مادري اوافق واخلي العرس عادي فيه عروستين والا اردهم اذا ماوافقوا
مع العلم انه لي خاطبيني له كامل من جميع النواحي والكامل الله
محتاره بليز ساعدوني
صراحه يابنات انا نصحتها انها ماترفض الريال عسب شي سخيف في نظري
والا شوه رايكن انتن ؟
بتساعدنها والا :shy:
عرسي جريب وانا اخر من يعلم!!!
ب
15-10-2006 | 06:59 PM
ك
15-10-2006 | 07:52 PM
بنت فاضيه
أول شي بالمبارك عليها والفال لج لو مب معرسه ..
وأنتي تقدرين تقولين حق أمج تقنع أبوج لو مثلا يخلون العرس في الربيع حتى لو يعرسون الاثنين مع بعض ..
خلي امج تكلم خالتج وتقول لها ألحين مابنحصل حجز للفندق ولا البنت بيمديها تسوي شي تدرون موسم أعياد وووو يعني حجج تقنع ..
ومثل ماقالت الريال ماينعفاف دامه كامل والكامل الله ..
وإن شاء الله يقتنعون إن شاء الله ..
أول شي بالمبارك عليها والفال لج لو مب معرسه ..
وأنتي تقدرين تقولين حق أمج تقنع أبوج لو مثلا يخلون العرس في الربيع حتى لو يعرسون الاثنين مع بعض ..
خلي امج تكلم خالتج وتقول لها ألحين مابنحصل حجز للفندق ولا البنت بيمديها تسوي شي تدرون موسم أعياد وووو يعني حجج تقنع ..
ومثل ماقالت الريال ماينعفاف دامه كامل والكامل الله ..
وإن شاء الله يقتنعون إن شاء الله ..
@
15-10-2006 | 08:07 PM
مبروووووووووووووووووووووووك
الله يكملهم بالسعادة والهناء
انا حصل معايا نفس الشي يعني شي مررة متعب وقلق ولا تقدر تجهز
لوتقدري خلي الفرح يتاخر شوي لشهر صفر علي الاقل
عشان تقدر تجهز نفسها (بس الله يسهلها من عندة )
بس انا الحمد الله ربنا سهلها معايا بس مرررررررررة تعبت
الين ما الاقي الي في بالي
والي يناسبني
يلا الله يوفقكم جميعا
تحياتي
@هدهد@
الله يكملهم بالسعادة والهناء
انا حصل معايا نفس الشي يعني شي مررة متعب وقلق ولا تقدر تجهز
لوتقدري خلي الفرح يتاخر شوي لشهر صفر علي الاقل
عشان تقدر تجهز نفسها (بس الله يسهلها من عندة )
بس انا الحمد الله ربنا سهلها معايا بس مرررررررررة تعبت
الين ما الاقي الي في بالي
والي يناسبني
يلا الله يوفقكم جميعا
تحياتي
@هدهد@
B
15-10-2006 | 09:47 PM
انا مستعيلة سامحيني بس بدعي ليها الله يوفقها يارب دنيا وآخرة ويسعدها للخير..
ن
15-10-2006 | 09:47 PM
بالعكس حبيبتي خلي الفرحه فرحتين ومره وحده الله يبارك لكم فيها
وشـــــدي حيلك وتجهزي وخذي الضروريات حبيبتي راح يكفيك الوقت ان شاء الله
مافي سبب مقنع للرفض واهم مافي الحياه الزوجيه الزوج واخلاقه وتعامله والباقي كله مظاهر وايام وراح تمشي والكل ينساها....عادي اختي توكلي وخلي نظرتك اكبر من كذا
والله يوفقك ويسعدك (f)
وشـــــدي حيلك وتجهزي وخذي الضروريات حبيبتي راح يكفيك الوقت ان شاء الله
مافي سبب مقنع للرفض واهم مافي الحياه الزوجيه الزوج واخلاقه وتعامله والباقي كله مظاهر وايام وراح تمشي والكل ينساها....عادي اختي توكلي وخلي نظرتك اكبر من كذا
والله يوفقك ويسعدك (f)
ا
15-10-2006 | 10:34 PM
الله يعينها من جد
نصيحتي لها دام االرجال زين لاترده لكن تحاول تقنع اهلها انهم يأجلون الزواج شوي
وسالفة العرسين مالها الا الأمر الواقع لأن هالشي ماعتقد بتقدر تقنع اهل المعرس بالرفض
والله يوفقها ان شاء الله ويسهل عليها
بس خليها من الحين تروح تخلص اشغالها كثر ماتقدر وتسوي لها جدول تنظم وقتها عشان يمديها بدال مايضيع الوقت تدور حلول للتأجيل
ان الجميع مسافرون (احجزوا مكانكم من الآن)
تـــجــــمع لبنات التقويم (اللي حاطين تقوووووويم اسنان)
طريقة السينامووووووون وبالصووور
ف
15-10-2006 | 11:15 PM
شوفي حبي
اذا كان الريال زين وما يعيبه شي وافقي عليه لأنج مابتحصلين رياييل زينين في هالزمن ولا تلتفتين لهالامور لانج بتقنعينه باللي تبينه ايام الملجة وما اعتقد انه راح يردج واذا سواها اصبري عليه وفهميه انها بتستوي مرة في العمر حبيبتي هونيها وبتهون
اذا كان الريال زين وما يعيبه شي وافقي عليه لأنج مابتحصلين رياييل زينين في هالزمن ولا تلتفتين لهالامور لانج بتقنعينه باللي تبينه ايام الملجة وما اعتقد انه راح يردج واذا سواها اصبري عليه وفهميه انها بتستوي مرة في العمر حبيبتي هونيها وبتهون
ا
15-10-2006 | 11:39 PM
الف مبرووووووووووك
لا ترده على اشياء عاديه
يعني حرام ترد معرس بالمواصفات عشان اشياء صغيره
ممكن انها تحاول تقولهم ياجلون الزواج لانه مايكفيها الوقت
واذا مارضوا عادي تحاول تاخذالاشياء المهمه وبعد الزواج تكمل الباقي
اما بالنسبه انهم عروسين مافيها شئ
وبرضوا ممكن تكلم اهلها بالهانقطه
بس اهم شئ ماتفكر انها ترده
ولا تكبر الموضوع وهو عادي
وتتناقش مع اهلها بكل هدوء ومع المعرس
والله يوفقهم
لا ترده على اشياء عاديه
يعني حرام ترد معرس بالمواصفات عشان اشياء صغيره
ممكن انها تحاول تقولهم ياجلون الزواج لانه مايكفيها الوقت
واذا مارضوا عادي تحاول تاخذالاشياء المهمه وبعد الزواج تكمل الباقي
اما بالنسبه انهم عروسين مافيها شئ
وبرضوا ممكن تكلم اهلها بالهانقطه
بس اهم شئ ماتفكر انها ترده
ولا تكبر الموضوع وهو عادي
وتتناقش مع اهلها بكل هدوء ومع المعرس
والله يوفقهم
ن
15-10-2006 | 11:43 PM
مو فاهمة يعني ليش الشهرين قلال
ب 10 ايام ممكن تجهز
ما تسويها سالفة
بالنسبة للعرسين انا لو مكانها ما بقول لأ ليش؟؟؟؟؟؟؟؟؟؟؟؟؟؟؟
لانهم راح يزعلو اهلو و هم على بالهم فرحتين بيوم وتحد
خليهم يفرحو الله يحميلهم اولادهم
مو مستاهل الموضوع اصلا
ب 10 ايام ممكن تجهز
ما تسويها سالفة
بالنسبة للعرسين انا لو مكانها ما بقول لأ ليش؟؟؟؟؟؟؟؟؟؟؟؟؟؟؟
لانهم راح يزعلو اهلو و هم على بالهم فرحتين بيوم وتحد
خليهم يفرحو الله يحميلهم اولادهم
مو مستاهل الموضوع اصلا
b
15-10-2006 | 11:43 PM
انا الصراحه أءيد فكرة عرسين بنفس اليوم
عالاقل توفرون في المصاريف اللي مالها داعي .. وخاصه هالأيام كل شي نار
وبالتفاهم ترتبون كيف يكون العرس
والله يوفقها ان شاءالله
عالاقل توفرون في المصاريف اللي مالها داعي .. وخاصه هالأيام كل شي نار
وبالتفاهم ترتبون كيف يكون العرس
والله يوفقها ان شاءالله
ل
15-10-2006 | 11:58 PM
انا اشوفها عادي فديتج خليها تسير دبي وفي اسبوعين وهي مخلصه تزهيب اول شي تفصل عبي وشيل وكمن كندوره لنه يبالهن وقت وبعدين تشتري عطورات ومكياج وغيره وغيره وخلي الفرحه فرحتين وخليها تتفق ويا البنت الثانيه يسوون حركات في العرس والكوشه والطاولات والتوزيعات عشان يطلع كامل مكمل والله يهنيها يارب وسلمي عليها
R
16-10-2006 | 12:04 AM
اختي العزيزه قوليلها وعلى لساني انه المعرس مابياخذ ثنين انتي عروس وهي عروس واذا الريال كامل والكمال لله ليش تردينه علشان هالشكليات الي مالها قيمة والله يوفقها .
ا
16-10-2006 | 03:47 AM
أنا رايي من رايهم صج ما يكفي بس أبدي أول بأول وحطي قائمة بالضروريات وبعدين الباقي
د
16-10-2006 | 10:28 AM
بصراحه
انا من رايي انها توافق بشرط
ان يكون لها عرس بروحها
حلاة الوحده تفرح بعرسها وتكون ملكة هاليوم بروحها
كلش ماتخيل اعرس ومعاي حد
بعدين شلون بالنسبه لحفلة الحريم؟
عروستين ومعرسين على نفس الكوش ؟ احس السالفه فوضى وماتصير الا بالافلام المصريه
وبالنسبه للتجهيزات هي ممكن تلحق تجهز بسرعه عالاقل الاشيا الضروريه
وترى الموضوع راجع لها هي شخصيا وقناعاتها
انا من رايي انها توافق بشرط
ان يكون لها عرس بروحها
حلاة الوحده تفرح بعرسها وتكون ملكة هاليوم بروحها
كلش ماتخيل اعرس ومعاي حد
بعدين شلون بالنسبه لحفلة الحريم؟
عروستين ومعرسين على نفس الكوش ؟ احس السالفه فوضى وماتصير الا بالافلام المصريه
وبالنسبه للتجهيزات هي ممكن تلحق تجهز بسرعه عالاقل الاشيا الضروريه
وترى الموضوع راجع لها هي شخصيا وقناعاتها
ق
16-10-2006 | 10:39 AM
الله يبارك لها ان شاءالله و يوفقها
و اذكر اني حضرت عرس ربيعتي و كانت مع زوجة أخو ريلها
يعني الأخوان تزوجوا في نفس اليوم
و بالعكس كان العرس مرتب و الصالة كبيرة
و الصراحة كانت كل عروسة في كوشة .. بطريقة وايد مرتبه و حلوة
بس اذكر اني كنت يالسة في الجهة الغلط لانه ربيعتي كانت الصوب الثاني !
و ان شاءالله نسمع الاخبار الحلوة قريب :)
و اذكر اني حضرت عرس ربيعتي و كانت مع زوجة أخو ريلها
يعني الأخوان تزوجوا في نفس اليوم
و بالعكس كان العرس مرتب و الصالة كبيرة
و الصراحة كانت كل عروسة في كوشة .. بطريقة وايد مرتبه و حلوة
بس اذكر اني كنت يالسة في الجهة الغلط لانه ربيعتي كانت الصوب الثاني !
و ان شاءالله نسمع الاخبار الحلوة قريب :)
U
16-10-2006 | 10:47 AM
الله يبارك لها انشاء الله
تشوف ضروف الريال الي خاطبها اذا الاهل حابين فرحتين في يوم واحد وخطيبج بعد يبي يعرس مع اخووه وافقي تراها ماتفرق ولا تنسين تحضير نفسج حق الزواج راح تكون اسهل لان تعب الي بيصير لج بروحج حق القاعه ومستلزماتها راح يخف عليج
وبالنسبه حق انج تجهزين نفسج تراها في مده كفايه وممكن تاخذين الضروريات وبعد العرس ممكن تتشرين مع زوجج ولاتنسين بيكون معاج وبتاخذين رايه وبتعرفين الاشيه الي تعجبها وبتلبسين الشي السي متاكده انه يحبه
الله يسهل امورك حبيبتي وبنت فاضيه مانسيتج الله يعطيج العافيه
تشوف ضروف الريال الي خاطبها اذا الاهل حابين فرحتين في يوم واحد وخطيبج بعد يبي يعرس مع اخووه وافقي تراها ماتفرق ولا تنسين تحضير نفسج حق الزواج راح تكون اسهل لان تعب الي بيصير لج بروحج حق القاعه ومستلزماتها راح يخف عليج
وبالنسبه حق انج تجهزين نفسج تراها في مده كفايه وممكن تاخذين الضروريات وبعد العرس ممكن تتشرين مع زوجج ولاتنسين بيكون معاج وبتاخذين رايه وبتعرفين الاشيه الي تعجبها وبتلبسين الشي السي متاكده انه يحبه
الله يسهل امورك حبيبتي وبنت فاضيه مانسيتج الله يعطيج العافيه
ا
16-10-2006 | 10:49 AM
ألف ألف مبروك وإن شاالله يمون ابن حلال ويستاهلك يارب.
أنا بنصحك إنك ما ترفضي العريس لإنو لو إنتي بتعرفين الشخص وااايد أحسن من إنه يتقدملك واحد ما تعرفين عنه شي وفي الآخر يطلع لا يمح الله واحد مش زين.
وبالنسبة للعرس والله ما ترفضي بالعكس والله راح يطلع عرسك فنان والكل راح يتكلم عنه لإنه أنا أحد الأعراس اللي فيها عروسين.
أما بالنسبة للوقت فأنا الحمد لله بنت مكتوب كتابي وراح اتزوج إن شالله في شهر واحد يعني مثلك وفي وقت إن شالله لو من ألحين تبدإين تجهزين حالك
أنا بنصحك إنك ما ترفضي العريس لإنو لو إنتي بتعرفين الشخص وااايد أحسن من إنه يتقدملك واحد ما تعرفين عنه شي وفي الآخر يطلع لا يمح الله واحد مش زين.
وبالنسبة للعرس والله ما ترفضي بالعكس والله راح يطلع عرسك فنان والكل راح يتكلم عنه لإنه أنا أحد الأعراس اللي فيها عروسين.
أما بالنسبة للوقت فأنا الحمد لله بنت مكتوب كتابي وراح اتزوج إن شالله في شهر واحد يعني مثلك وفي وقت إن شالله لو من ألحين تبدإين تجهزين حالك
M
16-10-2006 | 11:04 AM
اهم شي لا ترفض الريال ..
واذا عالعرس والزهبة .. خليها تتفاهم بين الاهل ويحاولون يأجلون اشوي
واذا عالعرس والزهبة .. خليها تتفاهم بين الاهل ويحاولون يأجلون اشوي
ا
16-10-2006 | 11:28 AM
ألف ألف مبروك وإن شاالله يكون ابن حلال ويستاهلك يارب.
أنا بنصحك إنك ما ترفضي العريس لإنو لو إنتي بتعرفين الشخص وااايد أحسن من إنه يتقدملك واحد ما تعرفين عنه شي وفي الآخر يطلع لا سمح الله واحد مش زين.
وبالنسبة للعرس والله ما ترفضي بالعكس والله راح يطلع عرسك فنان والكل راح يتكلم عنه لإنه أنا أحب الأعراس اللي فيها عروسين.
أما بالنسبة للوقت فأنا الحمد لله بنت مكتوب كتابي وراح اتزوج إن شالله في شهر واحد يعني مثلك وفي وقت إن شالله لو من ألحين تبدإين تجهزين حالك وإن شا الله الله يوفقك وييسر أمورك يارب:clap: :clap: :clap: :shy: :shy: :shy:
:salam:
أنا بنصحك إنك ما ترفضي العريس لإنو لو إنتي بتعرفين الشخص وااايد أحسن من إنه يتقدملك واحد ما تعرفين عنه شي وفي الآخر يطلع لا سمح الله واحد مش زين.
وبالنسبة للعرس والله ما ترفضي بالعكس والله راح يطلع عرسك فنان والكل راح يتكلم عنه لإنه أنا أحب الأعراس اللي فيها عروسين.
أما بالنسبة للوقت فأنا الحمد لله بنت مكتوب كتابي وراح اتزوج إن شالله في شهر واحد يعني مثلك وفي وقت إن شالله لو من ألحين تبدإين تجهزين حالك وإن شا الله الله يوفقك وييسر أمورك يارب:clap: :clap: :clap: :shy: :shy: :shy:
:salam:
م
16-10-2006 | 12:16 PM
انا نصيحتي مدام الريال كامل وما فيه شي
ماله داعي الرفض
وفي نظري ممكن الوحدة تزهب في شهر بعد وعندج من عقب العيد شهر 11و 12 وخلي كل خواتج وربعج يساعدونج
وااايد افكار ها الايام لدخلة عروسين
والله يوفقج
ماله داعي الرفض
وفي نظري ممكن الوحدة تزهب في شهر بعد وعندج من عقب العيد شهر 11و 12 وخلي كل خواتج وربعج يساعدونج
وااايد افكار ها الايام لدخلة عروسين
والله يوفقج