خايفةحدي ومترددة ؟؟

السلام عليكم ورحمة الله وبركاته:

بنات انا خطوبتي بعد العيد والشخص الي يبخطبني شاب ممتاز وظيفة محترمة وشاب بنفس عمري تقريبا اكبر مني بسنتين فاهم وواعي ومتخرج من الجامعة ودارسته قوية،، مافيه شيء عيب بس هو عصبي اشوي لين شاف شيء خطأ من اي احد بس يقدر يحكم اعصابه ساعات وساعات لين عصب يتنرفز بس بعد اشوي تلاقيه هادي جدا ويسامح وهو طيب وحنون وبسرعة يحن قلبه ويتأسف ويسامح،،،

المهم اول ماتقدم لي كنت مستانس حدي وكل شيء تسهل الحمد الله حتى سويت استخارة وطلعت زينة،، وكنت مرتاحة منه واااااااااااايد وايد كل شيء تفاهمنا عليه في المقابلة وقبل الخطوبة على كل شيء...

بس المشكلة انه توه بادي حياته اقصد انه توه متوظف من سبعة اشهر ويعني للحين ماجهز للخطوبة بس ان شاء الله هو وعدني انه يوفر لي كل شيء وماينقصني شيء بالمرة وغير جذي بعد اشهر هو داخل على جمعيات ومسوي حسبته عدل للزواج يعني مخطط عدل وحتى الخطة قالها لي وشنو ناوي يخطط له بالضبط يعني ماشاء الله عليه رجال فاهم شلون يتصرف في البيت وشلون يحكم الأمور ما أنه صغير في السن بس واعي ومثقف...

المشكلة وين بتقولون لي :sad: المشكلة انا خايفة ومن زود خوفي مانا عارفة شلون اتصرف بالمهر واجهز نفسي والي زاد الطين بلة من ربكتي احس نفسي ساعات اني ماابيه واوسوس زود واقول في خاطري اني خلاص راح اودع العزوبية واصير ملك واحد على ذمته...

خايفة من دلعي الزايد..مع انه متحملني ودائما ينبهني لأخطائي ودائما يفهمني ووعيني.. انا متعودة على عدم المسئولية وعدم تحملها بس الحمد الله هو معجب فيني وايد وفي شخصيتي :shy:

بس بعد خايفة كل ماقرب الأيام اصير خايفة زود وساعات اقول بلغي الخطوبة وماابي اتزوج خلاااااص وساعات اقول مو هذا الشخص الي ابي اعيش معاه مع انه والله حنون ويحبني وايد وكل الي ابيه يقول لي انتي آمري وانا البيه ... بس ليش صاير جذي حتى في الآونة الاخيرة شافني مو على بعضي وقال لي اشفيج صايرة كريهة قلت ليه شلون يقول ماادري صايرة كريهة مو متعود عليج جذي متعودة على وحدة طفولية حلوة شكلج مو على بعضج...

يمكن عندي هالأحساس لأنه دائما يعاملني على اني طفلة يعني يدلعني مثل البيبي واول شيء استانست وفرحت من قلبي كل يدلعني بس زاد الدلع :angry: :angry: على طول دلع وكل يسألني رقدتين مابترقدتين اكلتين دبدوبي الحلو او قطوتي ساعات يسمني بيبي مالتي وجذي من هالدلع وكأني ياهل احس اني ياهل دلوع ويخاف علي بزوده وين مااروح يخاف علي وعلى طول يطمأن علي وحتى لو اروح السوق مع اهلي يتصل فيني اول يطرش لي مسجات يطمأن علي.. ولين ماأرد على التيلفون تنقلب الدنيا وتيلفوني يصير كأنه بيحترق من الأتصال.. والمسجات من خوفه ولين ارد هااااااا اشفيج احاتيج وكأني ياهل ضايعة :angry: :angry:
ما أنه جدي وساعات نكون جد بس ساعات ننقلب نصير كأن يهال ماادري ليش

والله العظيم هو مو دفش في تعامله عنده احترام كبير ومتفهم بس ماادري ليش صايرة خايفة ووسواسية


شاسوي هل هذا طبيعي هل هذا وسواس او شنو خبروني شلون اتصرف...