تفضلون المدة بين حمل وحمل كم؟؟ ولييييييييييييييييش

كل حبيبتي ووجهة نظره

في ناس يفظلون يجيبون ثنين ورى بعض على طول يعني

علشان ترتاح كم سنه يعني خمس الى سبع سنين وبعدين يجيبون ثالث

اما من وجهة نظري الشخصيه

اذا تم ولدك ثلاث سنين احملي بالثاني وهكذا

والاسباب

اولها يكون ابنك يكون تقريبا بدا يعرف الحمام - الله يكرمك -

وثانيها يكون شويه بدا يعرف الاشياء الخطره

وبدا ينفصل عنك شويه

وذا جبتي البيبي الثاني تكوني شويه متفرغه له

ولا يكون اثنين يبون بامبرز وحليب والذي منه يعني كانهم توام

وكل على حسب تخطيطه ورغبته طبعا

تسلمين القلب المعطاء والله يجعلج معطاءة دائما

هلا الغاليه

بالنسبه لي افضل سنتين او ثلاث بين كل طفل والثاني

رغم اني جبت بنتين وراء بعض بس كان للامانه بالغلط

حملت على بنتي الاولى وهي سبع شهور

بس الحمدلله الحمله الثالثه الحين صبرت ثلاث سنوات

وحلو اول اثنين وراء بعض وخاصه اذا كانوا نفس الجنس لان

تصير علاقتهم اقوى ببعض

انا مع كلام نور مع اني لين الحين ماطبقته حلو تجيبين اول اثنين ورى بعض يعني لما يكمل الاول سنة تحملين واذا ولدتي يكون قريب السنتين ..
وومكن عقب تصبر 3 سنين وتجيب الثالث وايد حلووو

حلو موضوعكم ..
انا برايي انه بين البيبي والثاني 4 او 5 سنوات ع الاقل... لما البيبي الاول ممكن يدخل الروضه عشان تتفرغين للثاني.. وتقدرين تربينهم احسن تربيه..
هاذي وجهة نظري

امممم ان شاء الله افكر ان اخلي الفرق ست سنوات وطبعا احنا الي علينا بنسويه والباقي بيد الله

انا عن نفسي ماعندي عيال انشالله بس اولد بفكر اخلي سنه ونص بينهم عقب افكر احمل

انا كنت متفقه انا زوج اني احمل في الثاني بعد ما يكمل ولدي الاول سنه ونص والحين ولدي كمل بس الدوره مايتني الشهر ها وانشالله اكون حامل...بس الثالث افكرانشالله ايبه بعد ثلاث سنوات...

الصراحه انا افضل بين الاول والثاني سنتين الى ثلاث
اقله تتفرغين للاول وانا اشوف تربيت الاول اصعب من اللي بعده

أفضل يكون بين كل طفل والثاني اربع سنين

انا عن نفسي في عيد ميلاد بنتي الأول حملت بالثاني والحين في الشهر الثامن يعني لين اولد اتم بنتي سنتين الا جم شهر بس الصراحه وايد تعب خاصه اذا ما كان عندج خدامه مثل حالتي لأنها بعمر تبي واحد يلعب معاها يركض فيها بس اذا حامل مالج خلقها عشان جذي انا مع كلام البنات أحسن شي لين يصير عمر الطفل الأول 3 سنوات تحملين بالثاني أو على الأقل سنتين بس سنه ما أنصح أبدا

اول شيء اللي الله كاتبنه بيستوي

بس انا افضل المده بين حمل وحمل تكوون من سنتيين الى 3 سنيين لانه احس كل طفل ياخذ كفايته من الرعايه والحنان والاهتمام

بس لو الله كتب احمل ف اي وقت مابعترض هع حكمة الله وكل شيء مكتووب


بس ان شاء الله يكوون الفرق مناسب بين كل بيبي والثاني

وانا ها اول حمل لي والله يسهل عليه وع الجميع

[frame="3 90"]عن نفسى كنت ناوية أخلى النمده سنه بين ولدى الال والثانى

بس الله اراد وحملت وولدى 8 شهور تقريبا


والصراحة أشوف أن العمر يلعب دور فى مسألت الحمل والولادة

يعنى مومعقولة ان عمرى 30سنه ويكون عندى ولد 4 سننوات وانا مزوجه من 5 سنوات

هذى وجهة نظرى يعنى اكمل 30 وانا عندى 2 على الاقل وانا احين 26 وسنه وعندى ولدى علىي والثانى فى بطنى[/frame]

[grade="2E8B57 FF6347 008000 4B0082"]هلا:
انا ظليت 4 سنوات ما عندي عيال ، بعدين يبت واحد وحملت عليه وهو 7 شهور بس كانت رغبة من عندي، وبامانة شفت العذاب ما قدرت اوفق من بينهم لأن اول واحد صغير والثاني اصغر منه، فعذاب وااااااااااايد,, احاول اتغلب على ظروفي الحمد لله..يعني بعدني محافظة على رشاقتي واني اتعدل واتزين لريلي، والبس ع الموضة وبناطلين وجذه، بس في النهاية شئ متعب، لأن الريال بعد يبيله اهتمام..افكر الحين أأجل على الاقل سنننننننننننة ما فيني اربي يهال ورى بعض وايد صعبة والا انتو شو رايكم!!![/grade]

انا برايي انه بين البيبي والثاني 4 او 5 سنوات ع الاقل... لما البيبي الاول ممكن يدخل الروضه عشان تتفرغين للثاني.. وتقدرين تربينهم احسن تربيه..
هاذي وجهة نظري

اني حسب رايي ان اربع او خمس سنوات مدة كافية وحلوووة..انا الحين حامل وهذا اول حمل لي واتمنى اني اقدر اخلي فترة طويلة وكافية بين هالبيبي واللي بعده لان بصراحة الحمل متتتتتتتتتتتتتتعب ومزعج وااااااااااااااااايد,,

اعتقد ان العمر يلعب دور في الفرق بين اطفالك فاذا كان عمري متقدم (فوق ال30) مافيني اخلي فروقات كبيرة بين العيال لان الحمل مع تقدم العمر فيه خطورة على الام والجنين ... اما اذا تزوجت صغيرة فسنتين الى ثلاثة سنين فرق مناسب بين الطفل والاخر.عشان لما يكبروا يكونوا اصحاب واقكارهم متقاربة.. هذا رايي

عن نفسي أفضل 3 سنوات بين طفل وآخر،، يعني يكون وقتها الطفل الأول تعلم على الحمام وبدأ يعتمد على نفسه شوي بالأكل ويكون دخل الروضة يعني مو تحملين أحد عيالج من الصبح وأنت بالدوام وهذا اللي أفكر فيه الحين،، ولدي عنده سنتين و4 شهور وأعتقد وقت مناسب للحمل ويكون عندي طفلين الله يخليهم وأقدر أربيهم أحسن تربية ويكون ماوصلت الثلاثين وبعدي أحمل وأربي.
بس أقل من هذا العمر صعب أحس الطفل توه يتحرك ويبي له حد بس قاعد ويدور ويراقبه وبعده ماتعلم على الحمام يعني صعبة الوحده بطنها كبير وبنفس الوقت تدخل طفل توه يتعلم الحمام وتشيل وتحط فيه...

انا من وجهت نظري الاول والثاني يكونون ورا بعض يعني بس يكمل الاول عام تحملين بالثاني وبس تولدين بيكون كمل سنه وتسع شهور انا صار لي كذا ومن غير تخطيط والحمد لله احس انهم منسجمين مع بعض خصوصا انهم نفس الجنس بنوتات ..بعدين تنتظرين من اربع لخمس سنوات وتحملين بنفس الطريقه يعني الاثنين الاخيرين ما يكون الفارق العمري بينهم اكثر من سنتين لثلاث سنوات بالكثير
اما بالنسبه للي يفضل يفصل بينهم بخمس الى ست سنوات نصيحه من اختكم لا تسوونها لان فارق العمر مستحيل يخلق توافق وانسجام بينهم مهما مرت السنوات وكبرو تقارب العمر يخلق تقارب بوجهات النظر والتفكير واللعب وهذا اصح لنفسية الطفل خصوصا اني متخصصة في هالمجال ومر علي حالات كثير تعب الطفل نفسيا كان راجع لعدم وجود الاقران
وبعدين هذا امر جاء تفصيله في القرآن الكريم

(ووصينا الإنسان بوالديه حملته أمه وهنا على وهن وفصاله في عامين أن أشكر لي ولوالديك إليّ المصير) – لقمان /14.

هذي مجرد وجهة نظر ارجو انها تفيدكم


تم تصحيح الآية

.