دخيلكن تساعدني

يالله فديتج ما تستاهلين لا تضايقين بعمرج

بصراحه الناس ما تخلي حد فحاله وكل شي ينتقدونه يعني هالشي واايد استوى طبيعي

حتى انا تعودت عليه ومن ناحيه ثانيه الانسان ما يعرف نفسه يعني نسوي اشياء يمكن نحن نعتبرها عاديه

بس الناس يضايقون منها ويفسرونها غلط عشان جيه اختي لازم تثقين بعمرج واذا حاسه نفسج انه يمكن شي فتصرفاتج غير

ممكن تلجئين حق حد تثقين فيه ممكن انه يساعدج ممكن انه يقيمج وينبهج على اشياء ممكن انتي غافله عنها يعني يساعدج بطريقه بنائه

والله يوفقج حبيبتي

المشكلة ما في احد

حبيبتي لا تكدرين نفسج تبين نصيحتي ترا من راقب الناس مات هما فخلج عاديه يعني لا تقطعينهم ولا شي بس قصدي لا تحطين بالج على اي شي لان صدقيني بتتعبين وسامحيني عالقصور

خل نتكلم بصراحه
1- انتي حساسه زياده عن اللزوم
2- انتي تتمسكين برايج .. و تحسين ان الكل يعارضج و محد قادر يفهمج
3- مب قادرة تلاقين الانسان اللي يفهمج او تتكلمين معاه براحه و تلقائيه
4- لما تكونين مضايقه يبين عليج من طريقه كلامج . و نبرة صوتج
5- بصراحه انتي مب صريحة مع نفسج .



اذا تشوفين شي من كلامي فيه واقعيه .. بندردش ويا بعض

الله ييسر امورك والله يفرج همومك والله ييسرها معاكي

كل ما كثرتي من عباداتك فرج الله لكي ما تريدين فكوني مع الله قريبه وفقكي الله

والله تعالى هو مشرح النفوس وليس الدكتور النفسي كوني مع الله قريبه وفقكي الله

أنا مع اخواتي في كل اللي قالوا

وخلي ايمانج بالله قوي

وان شاء الله أمورج كلها بتتيسر

وصدقيني ما في حد في هالدنيا مستانس في حياته

وهذا كله اختبار من رب العالمين

قال رسول الله صلى الله عليه وسلم: (عجبا لأمر المؤمن، إن أمره كله له خير، وليس ذلك لأحد إلا للمؤمن، إن صابته سراء شكر، فكان خيرا له، وإن أصابته ضراء صبر، فكان خيرا له) رواه مسلم

واحمدي الله في السراء والضراء

مجنونة زماني:
خل نتكلم بصراحه
1- انتي حساسه زياده عن اللزوم
2- انتي تتمسكين برايج .. و تحسين ان الكل يعارضج و محد قادر يفهمج
3- مب قادرة تلاقين الانسان اللي يفهمج او تتكلمين معاه براحه و تلقائيه
4- لما تكونين مضايقه يبين عليج من طريقه كلامج . و نبرة صوتج
5- بصراحه انتي مب صريحة مع نفسج .



اذا تشوفين شي من كلامي فيه واقعيه .. بندردش ويا بعض

وانا مع كلام اختي

وياليت تعطينا شويه من حياتك

يعني انتي متزوجه طيب وش موقف زوجك

او منفصله او ساكنه لحلك ومع اهلك

الوالد والوالده وينهم؟

ماادري احس شويه في غموض

ياليت توظحين اكثر علشان ان شاء الله ربي يقدرنا ونساعدك او نحاول نساعدك

والله يفرج همك ان شاء الله

هههه مشكورات خواتي على المشاركة والنصيحة

أما عن نفسي فأنا متزوجة ههه موقف ريلي ما يخصه اهم شيء أخدمه وأخدم عياله أحقق شهوته وبعدين قلعتي.

ما جاوبتيني على اسألتي

و خلينا من ريلج مب هذه سالفتنا

انا بقولج شي و قوليلي كم نسبه الواقعيه

انتي تزورين اهلج و انتي عندج مشاكلج و مضايقه .. و شاله في خاطرج همومج ..
و تتوقعين يفتحون قلوبهم و صدورهم و اذانهم
على الاقل يساعدونج لو شوي

بس اتين و تنصدمين ان كل واحد لاهي بعمره و فوق هذا تحسين انج هم عليهم

--
بقولج شي و بصراحه و لا تزعلين مني
انتي الغلطانه

الانسان حتى لو كان من اهلج ما يقدر يسمع دايما و ان ما كنتي تتكلمين يبين من عيونج و تصرفاتج نبرة صوتج ..
يحس الانسان و يقول في نفسه محد عنده هموم غيرها ؟
او يات النكديه
غيرها من العبارات اللي ممكن يتلقاها اللي ما يفرغ الطاقه السلبيه اللي عنده .

----

كم مرة دخلتي بيت اهلج وانتي مب شاله هم في قلبج ولا صدرج
كم مرة دخلتي عليهم و انتي ما تتوقعين او اتطالبينه اب شي حتى لو مب بالكلام ..
كم مرة دخلتي و انتي مبتسمه و سعيده حتى لو انتي تدرين انها ممكن الكل ما يعطيج ويه بس انتي في داخلج معزمة ما تغيرين هالابتسامه لو شو سمعتي ولا قالوا ؟؟

---
الحينه اباج تفهمين شي

ترى مب اي حد يعارض الفكرة اللي في بالج عدوج او مب فاهمنج او ما يحبج ..
تعودي تشوفين الجوانب كلها
تعلمي تشوفين نفسج نظراتج و انتبهي لصوتج و تصرفاتج
قبل ما تلومين غيرج شوفي نفسج ..
اكتبي في ورقه شو هيه سلبياتج و قرري انج تغير من نفسج مب عشان حد عشان نفسج

الواحد كم مرة يعيش ..

---
شي اباج تسوينه كوني شوي فرحيه .. اضحكي و امزحي حتى في عز الصعاب تعلمي تضحكين

وبعدين خواتج صغار مثل ما فهمت مب مستعدين على هموم غيرهم

..

و لو انا مكانج اشتري من باسكن اسكريم .. و ادخل عليهم و اقولهم اسكريم بو نص اسكريم اسكريم اللي يبي نص .. و اللي ما يعطيني نص ما اعطيه .. يعني امزح معاهم و اضحك .. بدال ما ايبلهم مشاكلي و همومي ايبلهم شي حلو


.........

ان شاء الله ما زعلتج ولا ضايقتج و الله يوفقج و يسعدج ..

مشكورة خويتي على المشاركة بس أنا مب شي

على العكس والله لما أدش بيت هلي والله كله اضحك وانكت حتى لو كانوا زعلانين مني أحاول أغير الجو وأتفهم حالتهم بس للأسف شالين في قلبهم زعل كبير كبير كم مرة حاولت أراضيهم بس ماكو فايدة والله صدقيني مو مسوية شيء
حتى أول كانوا يسألون عني ألحين ما يسألون إلا عن عيالي وأنا برايي. :sad:


ما أعرف شو أقولج بس أحس الشيء الوحيد اللي بيريحني هو يا الموت أو إني أدش غرفة عزل في مستشفى نفسي لين أموت

وايد حزتنيى والله ماعرف بايش اساعدك

ما حاولتي تعرفين شو سبب زعلهم منج ؟؟

خلنا نكون قاعده اهلج يحبونج بس هناك سوء فهم من طرفج و من طرفهم ..

نحل المسأله وحدة و حدة ..

منو هو الشخص اللي ممكن يتفهم كل الاطراف و تقبلين بحكمته في اهلج .. و ممكن يكون طرف محايد ..
حاولي تشوفين شو سبب الخلاف .. و تحلين المشكله .. ترى ما في شي يستاهل انج تقولين عنه هالكلام ..

1- ربج ما خلق لج هالظروف الا وهو يعلم انج قادرة على تحملها الا من فقد الامل في الله
لن الله لا يحمل انسان ما لا طاقه له ..
يعني الحمدالله .. انا اعيش مب عشان اهلي يحبوني و انا احبهم .. لني اموت و كلهم ميتين .. انا عايشه عشان اعبد الله و اهتم في نفسي و اربي عيالي .. خلي هذه القاعده في بالج ..

2- حاولي انتي من نفسج كنقطه بدايه .. لا يغير الله ما بقوم حتى يغيروا ما بأنفسهم ..
يعني قبل ما تبينهم يتغيرون تجاهج .. حاولي تتغيرين انت تجاه نفسج . بعدين تجاهم بعدين تجاه الناس اللي حوالينج .

3- اهم شي عندي .. لا تعتقدين ان الافكار السلبيه كأنج تموتين او غيره راح توصلج لنقطه تفيدج في حياتج .. بتمين واقفه في مكانج .. ما تحلين شي .. تعقدين و تغوصين في مشكله يمكن ما تحتاج تضيعين عمرج و انتي تحبسين نفسج فيها ..

اخيرا و ليس اخرا .. الدعـــــــــــــاء فأنه يرد القضاء .. و اعلمي ان الله يراكي و يعلم ما في الصدور .. و كل ما سرتيلهم و صدو عنج ادعي ان الله يحنن قلبهم عليج ..


و اسمحيلي .. اتمنى اني اساعدج بس محد يساعد الشخص الا نفسه ..

اختي العزيزة هذول مهما حصل بظلو اهلك وراح تظلي تحني لهم مهما طال الغياب فخليكي محافظة على صلة رحمك لان صلة الرحم تعني ان تصل من قطعك من ارحامك..احتسبي واصبري واجرك على الله وباذن الله مع الدعاء لهم ولنفسك والصبر ربنا بيصلح الحال ويهدي النفوس..
قال تعالى"ان مع العسر يسرا*ان مع العسر يسرا"

اختك

صمود

والله ان مشكلتج تقريبا نفس مشكله البنت الشرقية ... الله يهدي سرج وسري يا رب

بسم الله والصلاة والسلام على رسول الله

امـــــــا بعد اختي انا تعمدت اني اشوف الموضوع والردود للاخر

والي فهمته ان اهلك معاهم موقف كبير صار بينك وبينهم ..وانتي اتحاولين اتعدلين العلاقة والله اعلم ..


عموما مهما كانت الاسباب ...الطريقة الي تتوددين لهم وترجع العلاقة مثل قبل واحسن ..

انك تاخذين الامور ببساطة تامة ..

اولا قبل كل شي تدعين الله تعالى لان الدعاء له مفاتيح الفرج والاقفال ..

انيا اتحاولين اتقللين من زياراتك لهم من حين لاخر بشكل فترات متباعده ..

ثالثا حاولي تلهين نفسك مع تربية اولادك وهذا اهم لانك اعطيتي الموضو اهمية كبيرة جدا بحيث قمتي بمضايقة اعيالك دون ما تحسين

..
اختي الكريمة لكل مننا مرور بازمات واختبارات بين الحين والاخر مع الله تعالى وابتلاءات .

ولابد من الصبر عليهم ..
ونسال الله تعالى واسالي الله تعالى ان يكون هذا اختبار من الله لك لتكثري من الاستغفار ..

لان المصائب تاتي من الذنوب .. ولابد من توبة ..
والرسول صلى الله تعلى عليه وسلم علمنا ان الصدقة تدفع البلاء ..
وتداوي المريض لقول الرسول صلى الله عليه وسلم وداوو مرضاكم بالصدقات ..

اذا اختي الكريمة تكملة على ما قلنا ..

تصدقي لله تعالى وافرحي بفرح المسكين وسدي حاجة فقير والله تعالى سوف يسد حاجتك باذن الله تعالى ..

مانقص مال من صدقة ..

اختكم ..