لا تبخلون علي في شوركم.. :ً(

السلام عليكم

ارجو من اي وحده تدخل تشور علي شو اسوي ... لاني الصراحه مليت من هالحال:sad:


انا متزوجه صارلي سبع شهور وانتقلت بيت زوجي وعند قسم وااااااااااااايد راقي وحلو عباره عن غرفتين نوم وصاله ومطبخ تحضيري صغير ونحن قسمنا في بيت اهل زوجي الكبير الحمد الله الله منعم علينا باهل طيبين ومحد مثلهم والحمد الله والشكر


بس مشكلتي مع (( الخدامه ))

الخدامه عند عمتي وبناتها والكل ما حد احسن عنها تشتغل بضمير وحبوبه بس معاي انا كأني عديلتها مادري ليش عمتي مفهمتنها فالبيت اني مثل وحده من بناتها ومكلفتنها تشتغل في قسمي يعني تنظيف كواي انا اغسل ملابسي وملابس زوجي بروحي انا الصراحه ارتب بيتي وانظفه بروحي بس مرات اكون مشغوله واكون حتى تعبانه واطلب منها تساعدني بس تساعدي ينقلب ويها واحس انها بتكسرلي الي في بيتي وتسوي شي وتطلع وبعدين تعرفون انا عروس ما اريد زوجي يوم ايي يشوفي مب لابسه ومرتبه فما اقد على تنظيف قسمي بروحي وبعدين زوجي عنده حساسيه من الغبار ومنطقتنا فيها الغبار حدث ولا حرج يعني البيت يريد تنظيف يوميا وانا بس اطلبها كل ثلاث ايام مره

انا مب متعوده على شغل البيت لاني في بيت اهلي عندنا خدامتين للتنظيف بس

والعقده اني ما اقدر اقول عمتي ان الخدامه ماتشتغل عندي وانها نحيسه معايه حتى السلام ماتاخذه مني لان الخدامه تشتغل اوكي عند عمتي وبناتها اذا خبرتها اخاف اسوي مشاكل او تفنشها وهذي الايام صعبه تلاقي خدامه والخدامات صارن غاليات وبهدله الجوازات والعمل والعمال وقفات الطوابير

يوم اقول زوجي عنها يعصب يقول انا بتفاهم معاها بس ارجع واقوله خلاص لاتقولها شي حليلها تشتغل ومافي مثلها الصراحه استحي من عمتي

يوم اقول بسوي خدامه بروحي بعد ما اريدها مايسوا قسم صغير وانا وزوجي خدامه


للعلم ان خدامه عمتي ماتسوييييييييي شي يعني ماعندها شغل يتعبها وبقول مسكينه ثلاثه ارباع اليوم فاضيه وتنام بدري وما يقولها شي وماعندنا يهال فالبيت

كل الي تسويه ثلاث ساعات الصبح تنظف البيت والغرف ويومين فالاسبوع تكوي وبس واشوفها طول الوقت تتكلم فالتيلفون وتحوط




دخيلكم ساعدوني احس بغصه في صدري احس اني البطه السوده:sad: :sad: :sad: