ساعدوني ياحوامل الي تعرف شي عن الالتهابات؟؟؟

د

دلوعةحمد

عروس متألقة

12-10-2006 | 04:23 PM

السلام عليكم ورحمه الله وبركاته

ياليت الي عندها معلومات عن الاتهابات تساعدني لان الحكه ذابحتني صادتني فطريات اول مادخلت السابع وقالت الدكتورة هاي فطريات مب التهابات وعطتني تحاميل وكريم

الحمدالله خفت الحكه بس بعد اسبوع ردت مرة ثانيه لما رحت لها قالت لي يمكن بقايا من المرة السابقه ماتنظف عدل وقالت لي شي بسيط حتى مايحتاج تحاميل بس عطتني اياهم احتياط

المهم استخدمتهم مع الكريم كل ماحط الكريم احس بحكه فظيعه ولاراحت عني

الحين انا في الثامن وللحين فيني حكه صرت اراجع عند دكتور في مستشفى الولادة عطاني تحاميل ومضاد عن طرق الفم وللحين نفس الشي الحكه فيني المشكله

مافيني افرارزات بس حكه

والحكه مب داخل المهبل بس على الاطراف احس ان المهبل نظيف مافي التهاب :qaq:

الوالدة قالت لي يمكن صايدتني الحكه مع الحمل وماتروح الابالولادة يعني ماينفع العلاج وكل يوم اغسل بماي وملح بس للاسف مافي فايدة انا خايفه ادش التاسع وهالحكه فيني

ياليت الي عندها معلومات اوصادها نفس حالتي تدش وتقولي

وادعلولي الله يشفيني لاني خايفه من هالحكه الي مب راضيه تروح عني :sad:

ب

بحرينه

مشرفة سابقة

12-10-2006 | 04:35 PM

ماعليج شر يا الغاليه
الله يشفيج ويعافيج ويسهلج ولادتج ...

ا

القلب المعطاء

عروس نشيطة

12-10-2006 | 04:35 PM

الله يشفيك اختي

قلبي معاك الله يعينك

والله مااعرف غير انك تحاولين تغتسلين بالملح

او عبي البانيوا مويه دافيه وملح واجلسي فيه

والله يقومك بالسلامه ان شاء الله

د

دلوعةحمد

عروس متألقة

12-10-2006 | 04:44 PM

بحرينيه

القلب المعطاء شكرا لكم ولدعواتكم
انا اتنقع في ماي وملح تخف شوي عقب ترد لي الحكه الله كريم

د

دلوعةحمد

عروس متألقة

12-10-2006 | 07:21 PM

وينكم ليش محد رد علي؟؟

ب

بريق الجنة

عروس مبدعة

12-10-2006 | 07:28 PM

اختي حطي يدج على موضع الألم و قولي أسأل الله العظيم رب العرش العظيم أن يشفين سبع مرات و بقلب مؤمن و إن شاء الله بيروح كل ذي

ل

لب لفواد

عروس ماسية

12-10-2006 | 07:42 PM

غناتي الله يعينج بس بشكا عام الألتهابات والفرازات أتزيد على الحمال ولازم الوحدة تهتم في نفسها أكثر في هذي الفترة ........................
لأنه الأتهابات تتسبب بأموار ما يتوقعها الواحد .....................
أنا يتني وزادة علية في الشهر الثامن وبصراحة طنشتها ألين ما تعبت ورحت المستشفى وقالتلية الدكتورة عندج ولادة مبكرة ....................هني انصدمت فعطتني أبار تثبيت والحمد الله أنا الحينة في التاسع وقريب بولد والمشكلة ماراحت بس الحمد الله ووووووووووووووووووووايد خفت وهذا بفضل نصيحة من صديقة ........................
بتستغربين بس نصحتنية أني لازم بعد ما أغتسل أخلي المنطقة ناشفة يعني أنشفها بكلينكس وأني بعد ما ألبس أندروير باليل لأنة هذي المنطقة بحاجة لتهوية ولبس الأندروير يسبب رطوابة للمنطقة وبالتالي الحكة والفطريات والحمد الله والله ما أجذب عليج أنه الحكة خفت والألتهابات بعد وارتحت وحسيت أني نظيفة صدق أنتي جربي وما بتخسرين شي والله يشفيج ويعافيج ويقومج أنشاء الله بالسلامة......................

e

endless hope

عروس رائعة

13-10-2006 | 12:16 AM

انا عندي نفس المشكله بس يتني على اخر اسبوع من الحمل وبعد الولاده مت من الحكه وتعبت نفسيا الدكتورة صحتني بالماي والملح واتغسلي بماي دافي شوي ونشفي المنطقه واذا كنتي تلبسين الفوطه اليوميه بدليها اول باول لانه بالحمل تزيد الافرازات وتزيد الرطوبه فتسمح بتكون الفطريات،، الحمدلله انا خف عني بعد استخدام الماي والملح

د

دلوعةحمد

عروس متألقة

13-10-2006 | 04:03 AM

شاكرة لكم حبيباتي على الرد وانشالله الله بيشفيني وانا اغسل دايما بماي وملح وانشالله خير انا ماهمتني الحكه انا خايفه من تاثيرها على البيبي

أ

أوراق الخريف

مشرفة سابقة

13-10-2006 | 02:42 PM

[glow=CC0066]السلام عليكم ورحمة الله وبركاته[/glow]

عزيزتي قصتج مثل قصتي بس الحمدلله افتكيت من الافرازات والحكه..

شوفي لبسي الاندروير القطني.. والاندروير لازم تغسلينه بماي حار علشان البكتريا تموت..
وشربي وااااااااااااااااااايد من السوائل..
وصحيح لما تنامين لا تلبسين شي علشان التهويه..
وفي غسول الدكتوره نصحتني عليه وريحني وايد لما استخدمته.. استخدمه 3 مرات باليوم يقتل البكتريا والاشياء العالقه.. اسمه Betadine وهو محلول مش كريم.. لون العلبه بيج فاتح.. تحطينه شوي على اليد وتفركين به المنطقه بخفه وتترين 3-5 دقايق وعقب ترشين ماي دافي.. ريحت المحلول روعه اتخليج اتحسين احساس fresh.. استخدميه يوميا 3 مرات..

وشكرا..

د

دلوعةحمد

عروس متألقة

13-10-2006 | 02:47 PM

مشكورة اختي ام سعيده على النصيحه والله يجزيج خير وانشالله الله يشافي كل الي فيهم نفس مشكلتي

b

bj3a

عروس ماسية

13-10-2006 | 07:38 PM

انا ما اعرف شي عن هاي الحكه بس داخله ادعيلج ان الله يهونها عليج ...

بس بقولج شي ليش ما تغيرين الدكتورة ...؟؟

م

مها العروس

عروس مشرقة

13-10-2006 | 07:48 PM

ما تشوفين شر اختي انا بعد صادتني الحكه مع افرازات مثلج وعطتني الدكتوره تحاميل لان هذي فطريات وكريم احطه من برع والحمدلله انه الحين بخير

احسن شي اتروحين للدكتوره ويفضل اخصائيه وتخبرينها واذا تحبين استخدمي الروب حطيه على المنطقه لانه امن وما يضر

وسلامتج من الشر

ه

همس البنفسج

عروس نشيطة

13-10-2006 | 10:13 PM

هلا عزيزتي دلوعه حمد
انا نفس الشيء صادتني هذي الالتهابات وانا في الشهر الثالث ولما رحت للطبيبه جالت هذي فطريات و وصفتلي تحاميل وكريم عشان الحكه وغسول نفس اللي جالت عنه أم سعيدة بيتادين المهم استعملت التحاميل لمده 6 ايام بس بعدها ظلت معاي بعدين رحت مره ثانية وانا في الشهر السابع ونفس الشيء وصفتلي الطبيبة بعد تحاميل وعطتني حبوب عشان الالتهاب بس بعده ما خفت رحت لها بعد اسبوعيين مره ثانية ووصفتلي جيل هو يستخدم مثل التحاميل واحس انه فادني شوي وخفت بس هذي الالتهابات سمعت انها ممكن تروح بعد الولادة والله يشفي الجميع ويشفينا ان شاء الله .

د

دلوعةحمد

عروس متألقة

14-10-2006 | 02:35 AM

bj3a:
انا ما اعرف شي عن هاي الحكه بس داخله ادعيلج ان الله يهونها عليج ...

بس بقولج شي ليش ما تغيرين الدكتورة ...؟؟

شكرا حبوبه على الدعاء وانا غيرت الدكتورة ونفس الشي