مساعدة

السلام عليكم ورحمة الله وبركاته

كل عام وأنتم بالف خير

مبارك عليكم الشهر

يمكن مساعدة لعدم معرفتي في حل هذا لغز شو قصد منه

1-وش طريٍق وجهته يم الشمـال
من جهل به يالفطن مايطرقـه
به معالم فرزهـا اول محـال
ليـن حطوبـه بنـاتٍ تفرقـه
قبلهن من شاف سرابٍ له يخال
له يخال انـه شـرابٍ وهقـه

2-ياويش رجل(ن) صادق الجنس اللطيف
له عيون كثـار واعمـى مايشـوف
ثقيل ان قلت انـه ثقيـل(ن) خفيـف
ناعم الملمس يهاب المـاء بالكفـوف


3- لغزي ثلاث من الحروف
ثلاثـةٍ مـن غـيـر ال
جيته عدال جيت مخلوف
ضدين في لفظه شمـل
والكل لـو زاد معيـوف
بالضـد رفـعٍ للمـلـل


4-خابرين الاعنـه قايـدات الاصايـل
وش عنانٍ يقودك بماقفٍ به كرامه
ضايعٍ ذا بدونـه ذا بدونـه دلايـل
براس كريمٍ تشوفه يصحبك للسلامه


5- انشدك عن ناقه لها خمسة ارجول
ثلاث في ظلٍ- وثنتين في شمس


6- انشدك(1) عن ثنتين في موقع الياس
الله جعلهم للمسافر علامه
لاهن(2) ولد جنٍ ولاهن ولد ناس
ومن رافقنه(3) ماتشيله عظامه


7-انشـدك عـن امٍ ولدهـا قتلهـا
واخر حياة العمر يوم حملت بـه
سبحان ربٍ عن ولدهـا عزلهـا
خسرت حياة العمر يوم حملت به



8-انشدك عن رجلٍ على القيظ صبار
وليا شرب يشرب من الجم مـره
له موقعٍ يوفع على روس الاخيار
ونوبٍ يجي في موقـعٍ مايسـره
قوي باس ومن طويلين الاعمـار
وليا كبر تخشى المخاليق شـره


ودمتى بالود